|
رد: الساجا سفاحة بنزين
للأسف ليس هذا هو السبب لأن المحرك الموجود فى الساجا هو
IAFM Cam Pro وهو نموذج معدل من الكام برو المعتاد ذو ال CPS وهو فى الحقيقة أفضل من الكام برو القديم تحديداً فى سعة ال1300 سى سى لأنه كان يعيبه قديماً إنخفاض العزم عند عدد اللفات المتوسطة للمحرك و هو ما تم تلافيه فى التعديل الجديد IAFM أما بالنسبة لل1600 سى سى فلم يحقق التعديل زيادة ملحوظة فى الأداء على فكرة يوجد توبيك مثبت فى منتدى بروتون يشرح الموضوع بكل تفاصيله بصراحة موضوع زيادة الإستهلاك مشهور فى البروتون بصفة عامة و لكن أنا أعتقد إن طريقة القيادة ليها عامل لإنى أشك إن ممكن حد يكون معاه موتور بيجمع بسرعة زى الكام برو و يمشى بالعربية بهدوء أكد هيكون فى شد و غرز وطلعات جامدة لإن الواضح إن أغلب مشترى البروتون من الشباب الخلاصة: عربية بسم الله ماشاء الله سحب و ثبات و أمان و بالثمن ده أكيد لازم يكون هناك حاجة واقعة فى الموضوع يعنى لو إستهلاك ال1300 يتساوى مع ال 1600 يبقى يا سيدى قدرها 1600 و حصل خير لإن الكمال لله عز و جل أما لو أكتر من كده يبقى الموضوع محتاج تظبيط و أعتقد إن أحد الأعضاء عمل تنظيف للحساسات فى التوكيل و الموضوع فرق معاه كتير |
رد: الساجا سفاحة بنزين
اقتباس:
انا موافق 100% مع الكلام الجامد ده |
رد: الساجا سفاحة بنزين
نورت بمرورك يا أ/ صلاح:14369D~149:
|
رد: الساجا سفاحة بنزين
اقتباس:
------------------------------------------- سيدى الفاضل / محمد الحصافى .... عاوز رأى حضرتك فى إستهلاك ساجتى .. داخل المدينه = 8 :9 كيلو متر لكل لتر بنزين. (وبمنطقه بلا إشارات أو مطبات) خارج المدينه وسفر مباشر ( فى أول الصحراوى فولت لزور التنك وفى أخر الصحراوى فولت تانى لزور التنك ، يعنى الموتور مالفش لفه واحدة بس على السلانسيه (N) أو بدون تحرك السيارة مع العلم إنى طول الطريق لما بلاقى الطريق فيه منزل يساعد العربية على الجرى بمور العربية وأسيبها لحد ماتنزل سرعتها لــ 50 كم وبعدين بعشق الفتيس تانى على (D)...... " كل ده لتوفير البنزين " المهم ..... (وأسف على الإطالة)... فى السفر المباشر : 10.5 كيلومتر لكل واحد لتر بنزين .... إشتكيت للمهندسين فى التوكيل إنهاردة وأنا بعمل صيانه الألف الأولى وقالولى الإستهلاك ده نورمال جدا وهتتظبط معاك بعد الـــ 5000 كم .. للأسف ليا صديق عزيز ساجته عامله 20000 وبرضه نفس معدل الإستهلاك .... يعنى ما إتحسنتش أو وفرت بعد الــ 5000 كم.. المهم .... أرجع وأقول زى ماحضرتك قلت ..... بكبر دماغى وبعتبر نفسى سايق 1600 ده غير الإمكانيات والكماليات ووسائل المساعدة والحمايه اللى فى الســـاجــــا تخليك ماتبصش لموضوع الإستهلاك ده نهائى .. العربية دى بجد عن ثقه وتجربة وأشهد الله على كلامى ..... العربية دى رقم (1) فى السوق المصرى بالمقارنه بمثيلاتها فى الفئه السعرية زى..... ( VERNA - LOGAN) أنا نفسى بخاف أحسد عربيتى والله .. كفاية كده بقى أحسن أنا رغاى أوى .. مستنى تعليقك بالنسبه لإستهلاكى .... مع خالص دعائى لك من القلب بالصحه والعافيه وحسن الحال والغنى عن السؤال... |
رد: الساجا سفاحة بنزين
أ/ محمد عبد المجيد
هو الإستهلاك يعتبر عالى حتى بالنسبة لل 1600 أنا لقيت ناس بتقول إن الفيرنا بتمشى 12 كيلو لكل لتر جوه البلد و 16 كيلو فى السفر بس مش عارف هل الأرقام دى صح ولا لأ و مقالوش كانوا ماشيين كام و بالتكييف شغال و لا لأ هو حضرتك فى السفر كنت ماشى كام و كنت مشغل التكييف ولا لأ ؟ طبعاً الساجا فى البروشور بتاعها مكتوب: إقتصادية فى البنزين ... طب بناء على إيه الكلام ده ؟!... الأستاذ صلاح جرب البوجيهات الثلاثة شمعة و بيقول إنها وفرت معاه الغريبة إن فى ناس مش بتشتكى من موضوع زيادة الإستهلاك خالص و بالرغم من كده أنا سبق و قريت مشاركات لناس معاها جين 2 و بتشتكى برده من زيادة الإستهلاك مع العلم إن الجين 2 1600 سى سى و موديل المحرك CPS يعنى مالوش دعوه بالتعديل المتهم بزيادة الإستهلاك أنا بأفكر نراسل بروتون ماليزيا علشان يفيدونا ... يمكن المشكلة فى البنزين بتاعنا ولا حاجة؟ |
| الساعة الآن 11:00 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017