|
رد: عرض سبير كار - اكسسوارات وفرش وكماليات السيارات
والله منا عارف أقول إيه ؟؟؟؟؟؟؟؟؟؟؟؟؟؟؟
يا جماعه العرض مفعل وكل حاجه والناس ديه أنا أعرفها من سنين وهما قمة في الذوق والأدب مع أي حد من كبير لصغير ، بس طلب صغير اللي يروح هناك وأنا بتكلم عن الفرع الرئيسي اللي قدام وزارة الداخلية يا يسأل على الأستاذ محمد مصطفى يا أستاذ أمير ويقوله ‘ن من مصر موتورز وجاري العمل على تفعيل الخصم في جميع الفروع الأخرى (السيدة زينب - امتداد رمسيس) لكن اللي أنا واثق منه إن العرض مفعل وبشدة والناس مرحبة جدا بالفكرة ومبسوطة جدا من الموقع وفيه مفاجأة كمان للي هيحضر إفطار مصر موتورز إن الأستاذ أمير هيكون موجود معانا إن شاء الله وهيعرض للجميع كل المنتجات الحديثة اللي نازله عندهم وعلى استعداد تام للإجابة عن أي استفسارات . |
رد: عرض سبير كار - اكسسوارات وفرش وكماليات السيارات
بصراحه عروض جامدة جدا يا ابو نورا وبصراحه مجهود هائل جدا وان شاء الله من تقدم لتقدم باذن الله |
رد: عرض سبير كار - اكسسوارات وفرش وكماليات السيارات
السلام عليكم
أنا رحت امبارح المعرض اللي قدلم وزارة الداخلية و عملت فرش للعربية جلد x قماش (سهل التنظيف) و جبت غطاء للعربية و شوية حاجات كده (معطر و سلة و ...) و الناس كانوا كويسين جدا و منتهى الاحترام و عملوا الخصم على كل حاجة بالتركيب كمان بس هم ادوني خصم 20% عشان قالوا الفرش ده غالي شوية. التركيب خد ساعة بالضبط و المعاملة كويسة جدا بس و بجد ألف شكر لفكرة العروض ده و خصوصا مع البنات لأني ماليش في اللف الكتير على الحاجات ده و لا الوكالة و لا غيره و كمان بيني و بينكم ماليش في الفصال اوي في الحاجات ده برده بس:-) المهم انا كنت وعدتهم اني هأعدي عليهم الكارت في أي وقت لما اجيبه و خصوصا اني لسة عايزة منهم حاجات تانية فياريت أنا عايزة أعرف المكان اللي آخذ منه الكروت بالضبط لأني مش عارفة من العنوان أروح ازاي؟ |
رد: عرض سبير كار - اكسسوارات وفرش وكماليات السيارات
على فكرة لسة كمان فى عروض اخرى وخدمات اخرى لحاملى الكارت
تابعونا علشان تعرفوا اكثر للحصول على الكارت الكارت موجود فى معارض CL موتورز وعناوينها كالتالى الزيتون 135 ش طومان باى - الزيتون مدينة نصر 16 ب عمارات الهيئة العربية للتصنيع امام مدرسة العابد الخاصة من شارع احمد فخرى مدينة نصر للاستفسار يرجى الاتصال بالارقام التالية 0125485222 - 0109943300 |
رد: عرض سبير كار - اكسسوارات وفرش وكماليات السيارات
شكراً يا استاذه عبير على مشاركة التجربة وصدقونى يا جماعة موضوع العروض ده منكم واليكم بمعنى ان انتو اللى هتحددو مدى جدوى العرض وقيمة الخدمات او المنتجات المقدمة ودورنا كإدارة التنسيق مع مقدمى العروض للتأكد من حصول الاعضاء على خدمة / منتج متميز وجيد باقل الاسعار وانتو اللى بترشحو مقدمى الخدمات وانتو اللى بتقيموهم
لذا ارجو من الجميع التفاعل بموضوعية لإنجاح خدمة العروض سواء بعرض السلبيات او الايجابيات علماً ان كل ما يكتب فى هذه الموضوعات يصل مباشرة الى مقدمى العروض وجميعهم يهمهم فعلاً اى نقد ايجابى وموضوعى يخص اعمالهم |
| الساعة الآن 05:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017