رد: الكروز احسن من السيراتو بالدليل
 

وانا كذلك متفق معك 100 فى المئة لكن ماذا لو كانت قيمة اى من السيارتان اعلى من الكورولا واعنى بالقيمة جودة السيارة مقابل سعر ذكى ومدروس وربما يكون زهيد تكون سيارة ذات قيمة عالية
الان ماذا لو السيراتو او الكروز تسوق بسعر ذكى جدا ومدروس مثلا 100 واقل بقليل من الكورولا فى التجهيزات او الاسم والاعتمادية والكورولا 150 الست كنت سوف تقتنى السيراتو او الكروز و تتمتع بما تبقى لك من مال وهذا ما يطلق علية الصفقة الرابحة
يمكنك ان تبتاع كورولا والشعور بالسعادة اما يمكنك ان تبتاع الكروز مثلا والشعور بسعادة والرضا وشراء سيارة اخرى لزوجتك مثلا بما تبقى لك من مال لانة ما من سبب يبرر شراء سيارة اغلى ثمنا من الكروز او السيراتو مثلا ولا تقدم لك المزيد المزيد
ربما السمعة لكن حتى السمعة اصبحت على المحك لدى اكبر الصانعيين امثال هوندا وتويوتا فى حين لم نسمع كذلك لدى الكوريين او ليس بالحجم الهائل والمتكرر ومن الخطاء
سيدى لقد اصبحوا رقما صعبا لا يمكن الاستهانة بة شكرا شكرا شكرا على سعة صدرك ودمتم جميعا بود وسعادة وسالمين

رد: الكروز احسن من السيراتو بالدليل
 

اولا الكروز مالهاش علاقة او مش مشتركة باى حاجة لا مع النوبيرا ولا مع الاوبترا

موتور وعفشة ونظام تعليق مختلف

زى مالسيراتو 2008 الشكل القديم مختلفة تماما عن النيو سيراتو

ثانيا مافيش حاجة اسمها العربية ديه مبالغ فى سعرها لان الغالى تمنه فيه

يعنى اللى يخلى الفئة السابعة بتتباع بمليون و 300 الف فهى تستحق كل جنيه من تمنها وزى الكروز وزى السيراتو وزى الباسات

وبعدين فى مصر لو واحد معاه 80 الف هيبقى بالنسباله اى عربية معاهوش تمنها مبالغ فى سعرها

ثالثا ايوة الكروز بتنافس الكورولا لان جنرال موتورز منزلاها اساسا عشان تحتل مكان الكورولا وده فى العالم كله

http://www.youtube.com/watch?v=tRxvDPOrTzA&

ملحوظة الكروز اعلى فئة ب150 الف والكورولا اعلى فئة ب160 الف معا العلم ان الكورولا تزيد مثبت سرعة و فوانيس زينون وفيها 9 ابرباج يعنى ال10 تلاف جنيه زيادة عشان فرق ا الكماليات مش اللى يقولك الكروز بتنافس الالنترا!!!!

يعنى لو حسبنا تمن الكماليات هنلاقى ان الكروز اغلى من الكورولا

و بعدين اسم شيفروليه يتفوق على تويوتا طبعا


1- السيراتو سيارة كوري مصنعة في كوريا و لكن الكروز ماركة أمريكاني في قالب كوري

على فكرة ده ميزة وعايز اصحح معلومة ان الكروز تصميم الموتور والعفشة وكل حاجة قامو بيه مهندسى اوبل الالمانية مش مهندسى هيونداى او كيا الكورية وده عندى يفرق كتييير

رد: الكروز احسن من السيراتو بالدليل
 

أولا أنا حاسس إن انت متحيز شوية ( كتير ) للكروز و ومتعصب حبتين ..... روق دمك
الاختلاف في وجهات النظر لا يفسد للود قضية إحنا بنتناقش و ممكن تكون اراءنا مختلفة فلازم نتقبل اراء بعض و ماينفعش لما اكون مختلف معاك أقول لك ماينفعش تقول كدة :waving:
المهم
أنا في الحقيقة شايف إن السيارة مبالغ في ثمنها و ارجع لمقارنات أعضاء المنتدى في مواضيع تتعلق بالمقارنات بين السيارتين حتلاقي ان الكروز أقل امكانيات في كل فئة و أغلى من السيراتو
ثم إن مش العامل الأساسي في المقارنات الدعاية التي تفتعلها الشركات لترويج سلعها زي الفيديو اللي انت حاطه دة انا شفته قبل كدة و ده وضع طبيعي للمنافسة بين أكبر اتنين مصنعين للسيارات في العالم ( يعني ممكن ينزل إعلان إن أريال أحسن من برسيل ميت ألف مرة و الواقع إن الاتنين قريبين من بعض )
و بعدين الفرق بين الكروز و الكورولا مش في الكماليات بس دة في أعتمادية السيارة و قيمتها بالنسبة لتمنها و حاجات تانية كتير يطول شرحها
يعني تركب عربية ياباني معروفة للعالم كله من سنين طويلة و سعرها مناسب لتمنها و اعتمادية عالية و سهولة في الصيانة و قطع الغيار ولا تركب عربية دايو مكتوب عليها شيفورليه بنفس السعر و يمكن أغلا؟
و بعدين ليه من المسلمات و البديهيات عندك إن اسم شيفورليه يتفوق على تويوتا طبعا ؟ يمكن الكلام دة يكون له وجهة نظر بالنسبة لشيفورليه الأمريكاني ( الذي ينتج و يصنع في أمريكا )
على العموم الموضوع واسع و يحتمل الاراء ووجهات النظر و لولا اختلاف الأذواق لبارت السلع
مش معقولة كل اللي اشترى تويوتا مغفل و لا اللي اشترى الكروز عبيط
شكرا لسعة صدرك و مشكور على الاستماع

رد: الكروز احسن من السيراتو بالدليل
 

أولا أحب أن أشكرك على سعة صدرك و تفكيرك المنظم و تحليلك المنطقي المحايد في أغلب الأوقات
و أشعر أن هناك نوع من التقارب بين طريقة تفكيرك و تفكيري ( ماعدا إني غير منظم بالمرة )
فممكن اخد من وقتك دقيقتين زيادة و نستفيض شوية في هذا الموضوع لأن تعليقك الأخير دة برجللي دماغي شويتين ...
هو أنا في الأصل دايما بقارن السلع عامة بموضوعية شوية بطريقة علمية تسمى Factor weighted method
و الطريقة دي بتحدد فيها عوامل التقييم لأي سلعة زي السيارات أو غيرها
زي مثلا : السعر الابتدائي , أسعار الصيانة و قطع الغيار , تكاليف التشغيل ( استهلاك البنزين في السيارات ) , سعر إعادة البيع العتمادية , ,,,,, إلخ
و بيتحط السلع اللي انت بتقارن بينها في الجدول ( مش عارف اعمل جدول في المنتدى ) و بتدي كل عامل من العوامل اللي انت بتقيم على أساسها وزن من 100 ( مثلا : الاعتمادية 30%,...... )
و بتدي كل سيارة درجة لهذا العامل من 10 ( مثلا : الكورولا 8/10 في الاعتمادية )
و بعدين بتقيم كل سلعة حاتاخد كام في المية
طريقة سهلة و لكن صعبة في التطبيق لأن كل واحد ممكن يحط التقييم اللي هوة عايزه
المهم عايز أسألك سؤال..
ازاي تقيم الجودة مقابل السعر؟؟
أنا شخصيا حاطط مواصفات معين للعربية اللي عايز أجيبها من ضمنها الاعتمادية, سعر إعادة البيع, قطع الغيار ( أسعارها و مدى توفرها ) , أوتوماتيك , بها ABS
و كنت عامل ميزانية لنفسي حوالي 115000---125000 و لكن فكرت أزود شوية علشان أجيب عربية زي الكورولا ( لأني أنا شخصيا معجب بالكورولا لأن عربيتي تويوتا ايكو و مجرب و عارف يعني ايه تويوتا
لو انت مكاني تعمل ايه؟
تجيب عربية في سعر 115000 و تقريبا حاتكون السيراتو SX ؟
ولا تزود شوية و تجيب الكورولا ؟
مع العلم بأن قرار الشراء حايكون إن شاء الله في حدود شهر ابريل القادم و طبعا لو فرت من فلوس العربية و عملت بيها حاجة تانية طبعا حايكون شيء جميل ( لو مش حايأثر على جودة الاختيار)
مشكور على وقتك و انصاتك و أرجو مشورتك
:HAPPY_~211:

رد: الكروز احسن من السيراتو بالدليل
 

نسيبنا من العربيات كلها

المهم انا بحيى حضرتك على طريقة نقاشك الموضوعى واسلوبك الراقى فالحوار حتى مع بعض الاختلافات فى وجهات النظر

بجد حضرتك شخص محترم جدا

وعلى فكرة انا مش داخلى ولا طلعلى حاجة بس انا بقول الصح طبقا لما هو معروف

انا بقالى 3 شهور محتار اجيب كروز ولا سيراتو هاى لاين بس بعد لما جربت الاتين ان شاء الله ناوى على كروز توب لاين

وبرده السيراتو حلوة على تمنها

تحياتى ليك