رد: **نخلي بالنا من الحته دي!!!!
 

هههه ولا شمال
الطريق كلة هيتروق
شوفت حضرتك النحية التاية بقت عاملة ازاي "وهم"

رد: **نخلي بالنا من الحته دي!!!!
 

انا معاك بس فعلا فى اليمين و خصوصا قبل طلعه الدائرى بحوالى كيلو فى بلوه مش حفره

رد: **نخلي بالنا من الحته دي!!!!
 

طيب المطبات ممكن نقول لبعض عليها ونحاول نتفاداها - او الواحد بيحفظ مكانها من كتر ما يفوت عليها .
لكن نعمل ايه فى الاشباح!!!
(همه بنى أدميين طبعا ) اللى بتعدى الطرق السريعه بالليل ، لأ وبيختاروا الحتت الظلمة كمان !!!!!!
خدوا بالكوا من الاشباح فى صلاح سالم خاصة منطقة الدراسة (امام الازهر بارك والمشيخه ) وكمان بعد نفق العروبه حتى الكلية الحربيه.
وكذلك امتداد صلاح سالم بين ميدان ابوالسعود (مصر القديمة ) وبنزينه عين الصيرة - الحته دى ظلمه جدا وكمان هيه مطلع فالعربيات تبقى واخده سرعه وتلاقى اشباح معديه

أما الأوتوستراد : منطقة منشية ناصر والدويقه الناس بترمى نفسها ادام العربيات ، ومن الناحية التانية امام المجزر الآلى بالبساتين ومدخل المعادى الجديده وصقر قريش .
وربنا يستر .

رد: **نخلي بالنا من الحته دي!!!!
 

شوف يااستاذى الفاضل النقل ببيمسك الشمال لان ده منحنى ولازم ياخد الملف على واسع و فى الحالة دى مش لازم تتخطاه وهو غالبا بيديك اشارات بكده لكن معظم الملاكى مبياخدش باله منها يعنى يديك انتظار وبعدين اشارة شمال مثلا دى معناها انتظر لان الشمال مشغول اوا انا هدخل شمال واستنانى او انتظار وبعدين اشارة يمين وهكذا ثانيا غالبية سواقين النقل بيبقى حافظ الطريق فبيبقى عارف مشاكله فين فبيبعد عنها يعنى مثلا من شبرا لبنها اول متعدى محطة قطار شبرا الخيمة وانت على الطريق الزراعى تمسك يمين اوى او شمال اوى لان الشارع فى النص فيه مطب بطول 200 متر طول مش عرض مش فاهم ليه ولما توصل عند ميت نما تمسك الشمال لان الناس فى اليمين بتستنى الميكروباس فى وسط الشارع ولما توصل قها وعند منطقة كفر الجمال تمسك اليمين برضه لان الشارع فى الشمال مموج وان كان ابتدو يصلحوه منطقة طوخ بالكامل خطر لان منحنياتها كتير وصعبة شوية وكوبرى الحدادين مكسر يعنى لازم تدى انتظار وتهدى السرعة وانت داخل عليه طريق مصر اسكندرية الصحراوى عند الكيلو 80 وانت جاى مطب قوى على الشمال وعند الكيلو 50 مطب مرعب على اليمين وان كان مخبيهم اليومين دول ان فى المنطقة دى الطريق حارتين كوبرى الدائرى للقادم من الطريق الزرراعى الى 6 اكتوبر بعد متعدى الكمين اول منحنى عادى تانى منحنى بيبقى فيه مطب صناعى صغير وغبى قبله تدى اشارة وتهدى السرعة وتنزله وتطلعة وبعد بحوال 500 متر نفس ا لقصة منطقة عين شمش وعزبة النخل والمرج الجديدة تتاج الى دبابات للمشى فيها حيث لا قانون ولاقواعد مرور ولا شوارع ولا اى حاجة غغير لغة العضلا ت فقط عربيتك ناشفة خش يامعلم واللى خايف يروح فاذا وصلت المرج وجدت التوك التوك وهم يتعاملون بمنطق انهم زيهم زى سواقين الميكروباس اجرام وقلة ذوق وينط ادامك وفاكرها نصاحة منطقة صفط اللبن شرحه و زنين وبولاق ثم فى المهندسين بعد فرغلى بدل متطلع الكوبرى الى المحور لو دخلت من تحت الى شارع السودان احترس من المطبات العمولة ثم كوبرى الدائرى اللى عند النادى الاهلى الجديد لو انت جاى من عند النادى الاهلى الجديد ومتجه الى طريق السويس احترس من هذا التقاطع الخطر الملعون وانت داخل عليه بص يمين وشمال وكلاكس لانه ممكن واحد جاى من الشروق طالع الكوبرى وانت داخل من تحت الكوبرى ملهاش ا ى تخطيط امان حلها الوحيد مراقبة الطريق مع الكلاكس ثم تدخل تمسك الشمال لان الطريق مدغدغ من اليمين ولو كنت ناوى تعمل ارتداد اللخلف ورايح الماظة عند موقف السوبر جيت خلى بالك ان الطريق لحد موقف السوبر جيت مدغدغ يعنى تلزم الهدوء فى السواقة وغالبا تمسك اليمين لحد موقف السوبر جيت وانت جاى من مدينة السلام فى جسر السويس فى مطب صعب حدا عند منطقة العرب عند حديقة الطفل ومفيش اى علامات تدل عليه وخصوصا بالليل طبعا الكلام ده للى مش عارف المطب ده اشكركم وان شاء الله لما اعرف ازاى احط موضوع فى المنتدى هعمل موضوع عن اماكن المطبات فى معظم محافظات مصر ان شاء الله

رد: **نخلي بالنا من الحته دي!!!!
 

الى الاخت اللى بتتعلم السواقة القيادة فن و ذوق واخلا ق و طبعا ممارسة كل متسووقى كتيره تتعلمى اكتر وهتتقنيها مشكلتك نفسية انت خايفة تخبطى العربية فبخبطيها فعلا جمدى قلبك ومتخافيش حكاية نمرة بين الاسود دى غلط لام ده تشجيع على البلطجة لا السواقة كانت عضلات ولا هتكون وسبب الحوادث الكتير حكاية النمور والاسود دى ييعنى مفيش تعاون ولا تسامح ويكون الناتج حوادث