مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   التعديلات الشكلية (https://www.masrmotors.com/vb/forumdisplay.php?f=127)
-   -   مقارنة بين الكسوة الجاهزة والكسوة التفصيل واقوى مفاجأة من اليجانس لفرش السيارات (https://www.masrmotors.com/vb/showthread.php?t=83956)

RAYAN 23-04-2012 02:16 PM

رد: مقارنة بين الكسوة الجاهزة والكسوة التفصيل واقوى مفاجأة من اليجانس لفرش السيارات
 
اقتباس:

المشاركة الأصلية كتبت بواسطة hazem_khidr (المشاركة 656919)
شكرا علي الموضوع
بس اللي اعرفه و اللي بشوفه ان الفرش التفصيل بيتخيط في الفرش الاصلي و بالتالي الفرش الاصلي بيبوظ
طبعا الفرش التفصيل شكله اشيك من الجاهز زي ما حضرتك قولت
لكن ايه رأيك في اللي انا قولته ؟؟

والله يا استاذ حازم مش عارف اشكر حضرتك على مشاركتك بالموضوع , ولو حضرتك بتتكلم على ان الخياطة فى الفرش الاصلى بتبوظه فدة على حسب الفنيين اللى بيركبوا الفرش , هأتكلم عن نفسى وعن اليجانس فاحنا بنخيط فى نفس اماكن خياطة الفرش الاصلى ( فى التجميع بين اجزاء الفرش الاصلى ) ودة بيخلى الفرش الاصلى على نفس حالته , وهناك اخرون بيخيطوا فى اى مكان فى الفرش الاصلى وهنا يكون الضرر على حسب نوع الفرش الاصلى وايضا على حسب الخيط المستخدم فى التثبيت , لو الفرش الاصلى قماش ( القماش لايتأثر بالخياطة اذا كان الخيط المستخدم غير غليظ وهذا لأنه عبارة عن خيوط اتغزلت واتجمعت جنب بعض لتكون قطعة قماش فكل ما يحدث هو فرق بين انسجة القماش ولما بنشيل الفرش بيتشال معاه الخيط فبيرجع القماش يلم تانى ) ودة مش معناه ان اى فنى يخيط فى اى مكان ويقول القماش بيلم .
لو الفرش الاصلى جلد ( الجلد بيتأثر جدا بالخياطة فبالتالى لما بنفصل طقم ونركبه على فرش جلد مبنخيطش فى الفرش الاصلى ودة بيخلى شكله مش تمام لمدة اسبوعين او تلاتة من الاستعمال وبعدها بيكون خد وضعه وطبع على الفرش الاصلى ) ودة معناه ان الفرش التفصيل اللى مقاساته نفس مقاسات الفرش الاصلى عمره ما يضر بالفرش الاصلى
وان شاء الله لما ييجى عميل يغير فرش تفصيل هأصور الفرش الاصلى وارفع الصورة فى نفس الموضوع لاثبت بالصور ان الفرش التفصيل لايضر بالفرش الاصلى الا لو لم يتقن الفنى عمله ودة الطبيعى فى اى شيئ لو لم يكن متقن فإن تجارته حرام , الاتقان فى العمل هو القيام بالعمل على اكمل وجه ليأخذ العميل ما دفع من اجله مع العلم انه لايوجد انسان يدفع مالا ليأخد ضررا - ولذلك نحن لانعمل فى تجارة الفرش الجاهز مع العلم انه اكثر ربحا واقل تكلفة ومجهودا من التفصيل .
يا حازم باشا احنا فتحنا اليجانس قبل الثورة باسبوعين فقط يعنى عمر اليجانس اقل من سنتين وعملنا الحمد لله اسم ناس معملتوش فى سنين وعملائنا الحمد لله كل يوم فى زيادة ولم يصلنى شكوى من عميل حتى الان بفضل الله وذلك لأننا نعمل بمبدأ ولن نتنازل عنه ومبدأنا اعلى شغل باقل سعر ونفضل ان نخسر ربحنا على ان نخسر ثقة عملائنا بنا .
استاذى الفاضل حازم خضر , اشكرك مرة اخرى على مرورك الكريم وان شاء الله حضرتك هتزورنا قريب وتشوف شغلنا وتدوق قهوتنا ( حتى القهوة اللى عندنا مش هتلاقيها فى مكان تانى ) :)

hazem_khidr 24-04-2012 02:03 AM

رد: مقارنة بين الكسوة الجاهزة والكسوة التفصيل واقوى مفاجأة من اليجانس لفرش السيارات
 
شكرا لذوقك يا باشا و علي ردك الممتع و الكافي
ان شاء الله ازوركم قريب و اشرب القهوه حتي لو مش هعمل فرش :)

casper__007 18-05-2012 01:25 PM

رد: مقارنة بين الكسوة الجاهزة والكسوة التفصيل واقوى مفاجأة من اليجانس لفرش السيارات
 
بالتوفيق ان شاء الله

محمدصلاح القاضى 18-05-2012 02:50 PM

رد: مقارنة بين الكسوة الجاهزة والكسوة التفصيل واقوى مفاجأة من اليجانس لفرش السيارات
 
بسم الله ماشاء الله
شغل على ميا بيضا زى مابيقولوا

mohamed elshahat 19-05-2012 08:51 AM

رد: مقارنة بين الكسوة الجاهزة والكسوة التفصيل واقوى مفاجأة من اليجانس لفرش السيارات
 
:funny25::funny25:


الساعة الآن 03:18 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017