رد: اى معلومات عن الfrv انا تحت امركم
 

انا بالنسبالى ركبت العربيتين بس بصراحة
انا بالنسبالى كشاب احب طبعا الfrv لانى بحب الجرى والغرز الضيقة والثبات الممتاز على السرعات العالية
وانا هقول لحضرتك ليه الfrv
اولا نظام التعليق (الشاسية ) سيستم بورش وداه كلام سليم لان العجل عندى لما بيلف يمين او شمال بيعمل زاوية ميل زى المرسيدس والبى ام
بالنسبة للوسع الداخلى للصالون البريلينس احسن كتير
بس بالنسبة للشنطة طبعا البيرسونا تكسب
الفرامل انا جربت الاتنين لاقيت البريلينس افضل
هوا طبعا موتور البيرسونا اسرع
بس قطع غيار موتور الfrv متوفر جدا تروح عند اى واحد بتاع ميتسوبيشى لانسر بومة 2008 وتجيب كل حاجتها
وكمان الوكيل بتاع البريلينس ممتاز وغنى عن التعريف وهوا المجموعة البفارية
وطبعا الاختيار لحضرتك
وياريت لو حضرتك تقولى انتا بتاع جرى وشد والا مشى هادئ

رد: اى معلومات عن الfrv انا تحت امركم
 

اشكرك يا استاذ خالد على الرد والتوضيح
انا بالفعل ميال لل FRV اكتر من البيرسونا
وباحب العربية اللي تكون مطاوعاني في وقت الزنقه
يعني مش باحب الجري كتير زي الشباب عمال على بطال بس باحب تكون العربية اللي معايا مطاوعاني لو احتاجتها في موقف يحتاج شد
واكيد طبعا مش عمال اعمل غرز طول ما انا ماشي بس احب تكون العربية مساعداني لو احتاجتها في موقف معين وحبيت اعمل غرزه ضيقة
فايه رايك اي عربية فيهم توفي طلباتي ؟
حاجه تانيه بخصوص قطع الغيار
الاحسن طبعا تكون العربية سعر قطع غيارها رخيص ومتوفره مش غاليه ونادرة
وعلى حسب كلامك ال FRV تكسب في الموضوع ده
اما بالنسبه للموتور فكل الناس بتقول ان موتور البيرسونا افضل لانه فيه تكنولوجيا التيربو صح ولا انا غلطان في المعلومه دي؟
بس هل موتور ال FRV اقل من البيرسونا بكتير ولا الفرق بسيط نقدر نتغاضى عنه ونتوكل على الله ونشتري ال FRV
منتظر الرد المحترف يا استاذ خالد
واشكرك مرة تانيه

رد: اى معلومات عن الfrv انا تحت امركم
 

احب اقول لحضرتك حاجة بالنسبة للغرز
انا ركبت البيرسونا انهاردة مع واحد صاحبى وسوقتها عشان اقارن
لاحظت ان الثبات فى الغرز الضيقة وعلى سرعة عالية مش زى الfrv لان الشاسية بتاع البريلينس احسن بكتير بسبب زاوية الميل الى فى العجل الى بتزود الثبات بتاع العربية
وانا بالنسبالى انا معايا ال1600 بعد اما جبت بيها 10000كم غتحتها وجبت بيها ال195كم\س وبعد كدة لاقيت الموتور ما شاء الله عليه استجابتة ممتازة
وبالنسبة لقطع الغيار
1-الموتور متوفر جدا جدا لانك بتشترى حاجات اللانسر2008
2-العفشة متوفرة بتجيب حاجات الفولكس الجيتا والجولف
3-الهيكل الخارجى هوا الوحيد الى ماينفعش غير التوكيل (بس فيه ناس فى الحرفيين وشارع دمشق ابتدوا يجيبوا قطع الغيار)

اما بالنسبة للموتور بتاع الfrv هوا اقل من البيرسونا والفارق 9 حصان بس انا بالنسبالى بضور على العربية الامان الى هتحمينى داه بعد ستر ربنا

وانا على فكرة من اعجابى بالعربية جبت frv 1300 مع ال1600 عشان بجد عربية تستحق الاحترام
وبعدين من اهم الاشياء الى اشوفها يوم ما اجيب العربية التوكيل
وطبعا عز العرب معظم الناس بتشتكى منه
لكن البفارية محدش اشتكى منه
وصلى صلاه استخارة
وربنا معاك

رد: اى معلومات عن الfrv انا تحت امركم
 

هو ده الكلام يا استاذ khaledazizeg
والله مش عارف اقولك ايه على التقييم الرائع المحترف الخبير ده
كده الكلام ولا بلاش
مش نقول ابعد عن الصيني وخلاص
يا جماعه لازم نجرب العربية وبعدين نقول حلوة ولا وحشه
جزاك الله خيرا يا استاذ khaledazizeg وربنا يباركلك في ما رزقك ويعطيك خيرها ويكفيك شرها يارب

رد: اى معلومات عن الfrv انا تحت امركم
 

استاذ khaledazizeg ممكن تقوللي الفرامل الخلفيه في FRV الكامله اوتوماتيك 1600 ديسكات ولا من النوع العادي ؟
منتظر ردك جزاك الله خيرا