رد: لماذا نجحت اسبيرانزا فيما فشل فيه الأخرون
 

بالنسبة للأسئلة

قطع الغيار غالية نسبيا على الرغم من إن السؤال ده كان محتاج أمثلة على الغلو زى مثلا مقارنة بين أسعار قطع الغيار اﻹسبيرانزا مع قطع غيار الفيرنا لكن عموما السبب اﻷساسى فى غلو أسعار قطع الغيار هو حداثة السيارة و إحتكار الوكيل لقطع الغيار- حداثة السيارة بمعنى إنها بقالها تلات سنين و نص أو أربع سنين بس فى السوق يعنى جديدة لسه - أما إحتكار الوكيل فهسألك أنا سؤال لو إنت تاجر و لقيت إن الوكيل بيبيع قطع الغيار بسعر خيالى هتعمل إيه ؟ و عموما أسعار قطع الغيار عمالة تزل مع زيادة إنتشار العربية و أظن حضرتك كنت عامل موضوع عن تاجر فى إمبابة تقريبا

إعادة بيعها فى اﻷرض
السبب إن الخيارات للى بيشترى عربية و إمكاناته محدودة يا إما يشترى عربية صينى زيرو يا إما يشترى عربية كورى أو يبانى مستعملة

إنما حد يشترى صينى مستعملة فده هتلاقيه قليل قوى يعنى الطلب على السيارات الصينى المستعملة ضعيف جدا و بالتالى اﻷسعار لازم تنزل لكن أنا برضه عايز أنبه لحاجتين إن كل العربيات الزيرو بتنزل مبلغ محترم عند إعادة البيع - ثانيا العربيات اللى ماسكة سعر كويس زى اﻷكسنت و اللانسر و غيرة بتتياع بعد عشر سنين إستخدام و معنى كده إن فيه أثر تضخمى للنقود (و حضرتك فى البنك المركزى و سيد العارفين) بمعنى إن اﻷربعين ألف إللى يجيبوا أكسنت مستعملة إنهاردة يساوو عشرين ألف من عشر سنين

قطع غيارها غير معمرة

صح و نيلة و زباله لكن العيب فى اللى بيستورد زبالة المصانع مهو فيه قطع غيار رخيصة و سيئة لكل موديلات السيارات ، و على فكرة السؤال ده بيتناقض مع السؤال اﻷول يعنى مفيش قطع غيار رخيصة و معمرة .

بتخرج من المصنع و فيها عيوب
صياغة السؤال غلط أصلا حضرتك بتسأل ليه مع إنها منتشرة بتخؤج من المصنع فيها عيوب ؟
المفروض السؤال يكون ليه على الرغم من إنها بتخرج من المصنع فيها عيوب إلا إنها منتشرة؟
و لو صياغة السؤال بقت كده يبقى اﻹجابة هى الموضوع إللى إحنا بنتكلم فيه ده كله

فشل التوكيل فى الصيانة

صياغة السؤال بتحمل اﻹجابة بمعنى علشان العربية منتشرة التوكيل فشل فى صيانتها نتيجة للضغط و لكن مش بس الضغط أكيد طبعا فيه مشكلة فى مراكز الصيانة فيه إنعدام ضمير و غلو اﻷسعار و سوء المعاملة

أخيرا أتمنى إن ربنا يرزقك و يقدرك و تبيع العربية قريب و ترتاح منها طالما مش قادر تقتنع بيها

رد: لماذا نجحت اسبيرانزا فيما فشل فيه الأخرون
 

مش مقتنع يا استاذ حازم بالردود وانا والله مش قصدى انى احول الموضوع انك بتشكر فى العربية
عن موضوع قطع الغيار حضرتك عايز امثله
فانوس فيرنا امامى 100 وفى الانوس 80 فى الاسبرانزا ؟ فانوس خلفى 65 فى الفيرنا فى لانوس 80 فى الاسبرنزا ؟؟
تيل فرامل فى الانوس الكورى 80 وفى الفرنا 110 الكورى فى الاسبرانزا ؟ سير الكاتينة فى لانوس 55 جنية فى الاسبرانزا ؟؟ ومع كده قطع الغيار غير معمره
بالنسبة ان موضوع قطع الغيار حضرتك بتقول انها وحشة جدا ومتفق معايا وبتقول علشان كده هى رخيصة لاء بالعكس قطع الغيار غالية جدا وغير معمرة بالمره
اما بالنسبة الى انها بتخرج من المصنع فيها عيوب انا اقصد مش عيوب موجوده فى الشاسية لكن انا بتكلم على نقره الدريكسيون اللى معظم الاسبرانزا فيها نفس العيب وغير العيب ده فى طلمبة البنزين اللى معظم العربيات بتشكتى منها والدينمو اللى برده خارج من المصنع وفى عيوب صناعة او الخامة ردئية
اما العيوب اللى التوكيل عاجز عن حالها هى صوت نقره الدريكسيون علشان بيقول هيعمله تعديل وهما مش عارفين ثانيا ديفيره الكهرباء محدش بيعرف يشتغل فيها حتى التوكيل لغايت دلوقتى وانا عمى كان عنده مشكلة فى الديفيره استنه لحد اما سئله الشركه الام وردت عليهم وجوم ينفذوها حرق الديفره كلها ده موقف معايا مش عارف باقى المواقف اية اما بالنسبة ان ماكينات الزوجاج اللى ماكيناته المانى والله ومش عندى وبس بالذات فى الشتاء تيجى ترفع زجاج العربية مش عايز يترفع واكيد عملت مع حضرتك كده صح وله لاء انا مع حضرتك انها شكل النوكيا بس فى الاساس صينى زى الموبايلات الصينى بالضبط صح ولة لاء
انا كلمت حضرتك على الميل على الياهو كنت لسه شارى العربية بقالى حوالى ثلاث شهور وكنت باخذ راي حضرتك فى سحب الماتور الضعيف وفولتيله هو تصميمة كدة مع العلم ان ماتور الاسبرانزا مش 117 حصان لان الماتور هو تصنيع شركه ايفل النسماوى بس تكنولوجيا صينى يعنى اما الصين تقول 117 حصان يبقة اكيد هى 70 حصان وده عن تجربة اما بحب بس اطلع من اى عربية صوت العربية لازم يعلة بطريقة غريبة وفى الاخر انا معلوماتى عن العربية ضعيفة جدا مش قويه يعنى لو انا مش فاهم حاجة واضحها بعد اذن حضرتك

رد: لماذا نجحت اسبيرانزا فيما فشل فيه الأخرون
 

mwdooooooooo3 ra23

رد: لماذا نجحت اسبيرانزا فيما فشل فيه الأخرون
 

مش مطلوب أنى أقنعك بحاجه أو تقنعنى لكن فى النهايو المناقشة ممكن توضح حاجات غايبة عن اﻷعضاء
و كل كلام حضرتك كويس يا أستاذ محمود و مش مختلفين

السؤال بقى ليه رغم كل المشاكل و العيوب دى العربية إنتشرت

هو ده هدف الموضوع فى الحقيقة

رد: لماذا نجحت اسبيرانزا فيما فشل فيه الأخرون