رد: اسئله المبتدئين ..عفوا ممنوع الفتى :)))
 

SRS airbag
نظام تقييد الحركة التكميلي Supplemental Restraint System
و الكلمة دى بتبقى فى مكان وجود الإيرباج فى السيارات الحديثة

رد: اسئله المبتدئين ..عفوا ممنوع الفتى :)))
 

ABS
Anti-lock Break System أو نظام منع إنغلاق الفرامل
و ده بيستخدم علشان فى حالة الفرملة القوية ووجود مادة زلقة على الأرض ما يخليش تيل الفرامل يقفل تماماً على الطنابير مما يتسبب فى زحف العربية ككل أو فى إتجاه الجانب الزلق
بمعنى أنا لو عندى العربية ماشية على طريق و نصه اليمين عليه زيت ... لو دوست فرامل جامده اللى حايحصل إن العجلتين اللى عند الزيت حيقفوا تماماً ( لإنعدام المقاومة بسبب لزوجة الزيت) وسبب وقوفهم إن تيل الفرامل مسكهم بسهولة و قفل عليهم للأخر بينما العجلتين اللى على الأسفلت حيفضلوا بيقاوموا الفرامل بسبب القصور الذاتى للعربية و إحتكاك العربية مع الأسفلت
فى النهاية: العربية حتزحف و حايبقى التحكم فيها مستحيل لإن عندك عجلتين مابيلفوش
اللى بيقوم بيه نظام ِِABS إنه فى حالة دوسة الفرامل القوية و حصل إنه لقى عجلة أو أكتر وقفت بسرعة عن باقى العجلات أو وقفت تماماً أسرع من المحسوب لها بيقوم بفتح و قفل الفرامل عدة مرات فى الثانية الواحدة علشان العجلات اللى عندها المشكلة تفضل تلف و يقدر اللى سايق يتحكم فى العربية لغاية ما تقف
الغريبة إن كتير متخيلين إن ال ABS علشان تقوية الفرامل و جعلها أسرع رغم إن الغرض الأساسى منه إنى أقدر أفرمل فوق أرض زلقة من غير ما أفقد السيطرة على العربية
درس اليوم: لو عربيتك ما فيهاش ABS و مشيت على زيت أو مطر أو تراب على أسفلت ... أوعى تدوس فرامل مفاجئة للأخر (وخصوصاً فوق الزيت) و إلا حتلاقى العربية بتزحف و مش عارف تتحكم فيها ... دوس فرامل تدريجياً و بهدوء أو لو محترف دوس فرامل متقطعة بسرعة و حاول تسيطر على العربية
حد فهم منى حاجة:crazyW14:

رد: اسئله المبتدئين ..عفوا ممنوع الفتى :)))
 

انا النهاردة مضايق جدا جدا , نزلت اسوق بعد فترة من عدم السواقة و العربية فصلت مني كتير بسبب رفعة رجلي من علي الدبرياج مكنتش مظبوطة وبعدها لما سوقت مكنتش مستريح خالص :(

رد: اسئله المبتدئين ..عفوا ممنوع الفتى :)))
 

ال ABS هوا نفسو اللي مبيخليش العربية تعمل امريكاني وانتا طالع من اشارة مثلا؟
ولا ده نظام تاني ؟

رد: اسئله المبتدئين ..عفوا ممنوع الفتى :)))
 

:bb127bc6eab060e3e23:bb12 7bc6eab060e3e23:bb127bc6e ab060e3e23
انا قولت اني محترف

طيب انا بطالب شهادة الشهود كل اللي دخل الموضوع ده
حد فيكم سمع مني اني قلت اني محترف


راجع المشاركات اللي في الموضوع كويس وانت تعرف

:1281F1~121:

وبطل اكل كبسة كتير
:bb127bc6eab060e3e23

رد: اسئله المبتدئين ..عفوا ممنوع الفتى :)))
 

فيه حاجة غلط في الساعه في السيرفر
انا قلت رد دلوقتي الفمروض يكون الاخير رجع لورا ليه

رد: اسئله المبتدئين ..عفوا ممنوع الفتى :)))
 

ما انا محتار عشان كدا، في الأمريكاني بيبقى فيه عجلتين بيلفو جامد أوي وعجلتين تقريبا ثابتين
يعني نفس فكرة الفرملة على سطحين مختلفين في معامل الإحتكاك، الفرق الوحيد ان في الأمريكاني مفيش فرملة، ده في تزويد بنزين بس.
الأمريكاني اللي انتا وصفتو ده في المانيوال بس، في الأتوماتك لو عملت كده تكسر الفتيس
الأتوماتك لو دفع امامي يبقى تسحب فرامل يد ودوس بنزين، لو دفع خلفي يبقى هتحتاج عربية نشيطة شوية، لأن كل اللي تقدر تعملو انك أول ما الإشارة تفتح تجيب اخر دواسة البنزين وهيا بتعد تفرك شوية وتطلع من نفسها
في ناس بدوس فرامل و بنزين مع بعض، بيعملو الأمريكاني زي الفل، بس سلملي على تيل الفرامل على طول
بالنسبة للأرمادا بقى، هيا ما بتحبش المنظرة، بس لو في فرح واحد عزيز عليا ولا في مهرجان ولا حاجة مبتقصرش معايا :biggrin:
بس هيا فاهمة الموضوع كويس، فمابطولش في الحركات الشبابية دي :biggrin: يدوب بس لفت نظر كده لمدة 5 ثواني ولا حاجة عشان تثبت وجودها في المنطقة بس :THUMBS~220: