مصر موتورز مجتمع السيارات - حكايتى مع السيارات فى العراق !

بسم الله الرحمن الرحيم

أنا مهنتى مهندس بحرى وده بيتطلب سفر دائم زرت بلاد كتير لكن أكتر بلد زرتها وعجبتنى فرنسا ,الناس هناك محترمه أوى أوى فوق الوصف أنا أول مرحتها كان بالطياره من مطار القاهره لمطار شارل ديجدول بباريس ترانزيت ثم مطار مونبلييه ,وكيل الشركه كان مستنينى هناك كان معاه عربيه سينيك وجايب تاكسى معاه مرسيدس e-class 2005 ,شوف بيقدرو أد ايه صناعة بلدهم, المهم التاكسى ده هو اللى كان هيوصلنى للمركب اللى موجوده فبلد تانيه اسمها فيل دو ست,واحنا ماشيين فى الطريق لست اللى كان طبعا طريق سريع لاحظت ان كل عربيه ملتزمه بالحاره بتاعتها ومفيش حد بيعدى حد فقلت للسواق هو النظام هنا كده على طول قاللى اه هنا الناس بتحترم بعض بس اللى بيبوظ الهدوء ده السياح اللى بييجو فى الصيف وبالذات من بريطانيا بتلاقى كل حاجه اتلخبطت والهدوء بيرجع تانى مع نهاية الصيف ,واحنا فى الطريق قابلتنا بوابة ست ملقتش بنى آدم واقف عليها وكل اللى عمله الراجل انه هدى لحد موصل للحاجز اللى لاقيت صوت طالع من تابلوه العربيه بيعمل (تن) وبعدين الحاجز اترفع محاولتش أسأل ايه ده أحسن الراجل يستقل بيا بس اللى فهمته بتخمينى كده انه دفع الكارته والله أعلم ptmnlo123per1127,وصلنا المركب بسلام وقعدت فى البلد دى حوالى شهر وأكتر حاجه حبيتها فيها هدوئها ونظامها والناس المحترمه اللى فيها اللى لو مثلا انت بتعدى الشارع واللى سايق جى بسرعه مهما كانت سرعته يهديلك ويسيبك تعدى الأول وصدقونى كل الناس بتعمل كده,وأكتر حاجه تانية لاحظتها ان الناس هناك بتعشق صناعة بلدها واللى بدون مبالغة 90% من العربيات اللى فى الشارع بيجو رينو وستروين ومعظمها كمان هاتشباك وكانت ظاهره بالنسبالى ساعتها بس اتعودت عليها ,والتاكسيات يا اما فرنسى يا اما المانى ,ولقيت حاجه صدفه كده استغربتها برضه وقلت ايه اللى جابها هنا وكانت دايو لانوس وهاتشباك برضه عربيه كوريه وحيده ماشيه فى الشارع,المهم قضيت أيام جميله هناك بس اللى زعلنى والمركب ماشية انى مشيت قبل راس السنه بيومين,كان نفسى أشوف ايه اللى هيحصل هناك.