المشاركة الأصلية كتبت بواسطة elgdawy2007 (المشاركة 600781)

1000 سلامه يا دكتور تامر كلنا بنحبك والله انت انسان محترم نتمنى لك الشفاء العاجل ان شاء الله واتمنى اسمع رأيك فى الموضوع اليى كلمت حضرتك عليه فى الصفحه 680 فى هذا القسم لانه محيرنى جدا وصديقى هذا انسان طيب جدا ومحترم عشان كده انا مهتم اوى انى اجد له اجابه من ناس محترمه زيك ليها تاريخ طويل وخبره وخصوصا مع نيسان صنى مره اخرى دعواتى لسيادتكم بالشفاء العاجل ان شاء الله
تحياتى:01FDAB~189:

ملحوظه: ده الموضوع اليى كلمت حضرتك عليه مره اخرى للاطلاع وافاده حضرتك لنا بخصوصه ان شاء الله
_________________________ ________________________
دكتور تامر اتقدم اليك بخالص التحيه والتقدير لشخصك الكريم وانا متابع جدا لموضيعك الرائعه واشكرك جدا على التعاون الشديد بينك وبين اصدقاء الموقع ولى استفسار عن سيادتك اتمنى الاجابه عليه ..لى صديق لديه سياره نيسان صنى موديل 2012 قام بشراءها جديده المهم السياره دى بتحدف شمال اثناء السير ولما ذهب التوكيل بلغهم بالامر عند صيانه الالف وقد لاحظ بعد استلامه السياره بعد صيانه الالف ان المشكله مازالت قائمه وانه تم كتابه تقرير سلم اليه بحاله السياره النهائيه good ولكن هناك ملحوظه هامه جدا فى التقرير الى جانب الجزء الخاص بcamber السياره الجزء ده مكتوب بالخط الاحمر before left -1.48 درجه وكمان مكتوب actual -1.48 درجه معنى كده ان التوكيل لم يستطيع اصلاح العيب المذكور وعندما ذهب صديقى لمحطه خدمه لظبط الزوايا فيها بلغه القائم هناك ان يتم عمل تبديل لفرده الكاوتش الاماميه بالسياره يمين مكان اليسار ويسار مكان اليمين وعندما قام بذلك الامر بعد ظبط الزوايه بالسياره اصبحت السياره تسير بشكل جيد عن زى قبل ولكن بقت تحدف بسيط لجهه اليمين وعندما تم تجربه السياره مره اخرى بواسطه صديقى والفنى المذكور بلغه الفنى ان هناك ميل نصف درجه فى السياره وهذا لا يؤثر على الاداء عموما فى camber السياره وسأله الفنى لو انت حبيت انك تغير السياره دى فيها مشكله؟ فأجابه صديقى انها فى فتره الضمان وان عداد الكيلو الخاص بها حوالى 1300 كم فقط فرد الفنى عموما هى كده مفيهاش مشكله بس طالما سياره جديده يبقى من حقك انك تغيرها بالتوكيل فسؤالى الآن لسيادتكم هلى الارقام المذكوره دى تشكل خطر على السياره عموما من تأكل فرده الكاوتش مثلا او استهلاك بنزين بعد كده او ـاكل انظمه العفشه والمساعدين والدركسيون؟ وهل بالفعل تعتبر عيب فنى بالسياره يتحتم من خلاله استبدال السياره ام لا لان الفنى بمحطه الخدمه بلغه ان لا يوجد مشكله ولكن لو اراد صديقى ان يظبط الcamber الخاص بالسياره فده صعب جدا لان السياره لازالت جديده وحرام يعنى من الاخر ان يتم الموضوع ده فى سياره جديده بس هو بيتكلم ان من حق صديقى انه يغير السياره مش عشان ده عيب خطر فى السياره لا بس عشان هو من حقه انه ياخد السياره مفيهاش اى شيىء خالص او اى عيب وعهو استلمها كمان كانت عامله 7 كيلو بس وكانت فيها نفس المشكله من ساعه استلامها غير كده الفنى فى محطه البنزين بتاعه ظبط الزوايا بيقوله مفيهاش اى مشاكل خالص بس لو حب انه يغيرها يكون افضل لان السياره لازالت جديده وده من حقه انه يغيرها فى التوكيل وخصوصا ان التقرير الصادر من التوكيل كمان حاطط علامه باللون الاحمر على الجزء الخاص بالcamber فى التقرير قبل فحص السياره وبعد الفحص ايضا يعنى بيشوف حاله السياره قبل الاصلاح وبيكتب بيها تقريربالارقام وبعدين يكتب فى نفس التقرير الحاله بعد الاصلاح وكان الرقم واحد فى الحالتين والوحيد المكتوب بالتقرير باللون الاحمر باقى التقرير باللون الاخضر بالارقام التى ذكرتها لسيادتكم اعلاه -1.48 درجه وهل ياترى العيب ده حيروح بعد المشى فتره معينه بالسياره والا حيفضل على طول كده والا ايه بالظبط وانا عن نفسى لا استطيع الافتاء له فى الامر هل هو بالفعل كده يشكل خطر عليه مستقبلا ام لا وانا عن نفسى معنديش مشكله فى الموضوع ده الحمد لله عشان كده مش حقدر افتى فيه عشان كده انا عاوز اخد رأيك فى الموضوع ده بأستفاضه نظرا لان صديقى محتار جدا جدا وعاوز اجابه شافيه مخلصه لوجه الله لان الفنى فى محطه الخدمه كده يعتبر زى مبيقولوا لعب فى دماغه وحيره وهو عاوز يعرف الحقيقه لانه بعد الكلام ده احتار قوى وتقبل منيى خالص الشكر والاحترام ودمتم بخير http://www.masrmotors.com/vb/images/...HE_PR%7E18.GIFhttp://www.masrmotors.com/vb/images/...HE_PR%7E18.GIF

المشاركة الأصلية كتبت بواسطة د0تامر محمد (المشاركة 601219)

شكرا لك
موضوع الميل حدث معى بس السيارة كانت مستعملة طبعا وعرفته عندما ذهبت لضبط الزوايا وأشار الفنى أنه هناك ميل بالسيارة ولازم أمر على عفشجى للضبط أولا قبل ضبط الزوايا وذهبت لعفشجى محترف أثق به وقام بضبط الميل بتعلية جلد بسيطة جدا فى ناحية الميل وبعد ها تم ضبط الزوايا وسارت السيارة بشكل طبيعى جدا وبلا أدنى مشاكل تذكر فى الثبات أو الإتزان ولكن فى حالة صديقك مع سيارة جديدة ومازالت فى مهدها الأول لابد من إيجاد حل نهائى لهذه المشكلة البسيطة بالتوكيل ومعالجتها أو إستبدال السيارة لأنه من حقه إستلام سيارة بلا عيوب

المشاركة الأصلية كتبت بواسطة elgdawy2007 (المشاركة 601819)

جزاك الله 1000 خير يا دكتور تامر وحمد الله على رجوعك بالسلامه الاول وتانى حاجه بقى تقرير مركز السبع كانوا عاملين على الجزء الشمال علامه بالاحمر يعنى هل معنى كده ان فيه خلل فعلى فى السياره وهما معترفين بيه والا العلامه دى قبل الكشف على السياره مثلا بيعملوا تقرير الاول عشان يعرف فيه جوانب الخلل فين ويعالجها!!!!! وخصوصا بقى انه لما راح يظبط زوايا الفنى عمله استبدال للكاوتش اليمين مطرح اليسار واليسار مطرح اليمين ساعتها بقت تدحف يمين والفنى قاله ده عيب فى الكامبر بسيط ومقدرش اعمل فيه شيىء بس ميخوفكش تمشى بيها عادى ولو قدرت تبدل السياره يبقى خير مقدرتش يبقى مفيهاش مشكله ايه رأى حضرتك يا دكتور تامر فى الموضوع ده!!!!!! سورى ازعجتك معلش هو عموما لسه مرحش صيانه ال5000 عاوزين بس تأكيد عشان نعرف نتكلم معاهم بشكل صحيح ومنلغبطش معاهم بس مش اكتريعنى من الاخر كده عاوزين نعرف ده عيب فعلا فى السياره والا يكون فنى ظبط الزوايا فاشل!!!! لان انا سمعت ان السبع برضه فى موضوع ظبط الزوايا ده فاشل جدا عشان كده بس عاوز اعرف التقرير والعلامه الحمراء الموجوده فيه دى فى الخانه الاخيره اليى بتدل ان فيه خلل عن المعدلات الطبيعيه فى الجنب اليسار دى عباره عن ايه بالظبط واسف تانى انى ازعجتك وحمد الله على سلامتك

المشاركة الأصلية كتبت بواسطة د0تامر محمد (المشاركة 602018)

ممكن الضبط فى التوكيل من متخصص العفشة أولا ثم ضبط الزاويا وهى مسألة ليست مستحيلة بدليل أنى ضبطتها عند عفشجى عادى وبقت تمام
الإصرار على معالجة السيارة لدى التوكيل وعدم إستلامها إلا بعد ضبط العيب وأعتقد أنهم قادرون على ذلك ببساطة
موضع علامة الأحمر قبل أو بعد لن تفرق المهم المعالجة وهو عيب بسيط جدا