المشاركة الأصلية كتبت بواسطة ahmed.abdelaal (المشاركة 256291)

السلام عليكم ورحمة الله وبركاته
بصراحة نصائح ثمينة جدا تشكر عليها يا دكتور وكفاية الوقت اللي بتديه للناس هنا
كان عندي سؤال بعد أذنك
أنا عندي دوجان 1600 سي سي مو 96
حالتها كالتالي:
كان فيها بارومة وصلحتها بالطريقة الصح مش سنفرة
لسه مغير لها ماكينة الباور ومظبط الكهرباء بتاعتها
زجاج كهرباء وسنتر وتكييف
محتاجة شوية مصاريف (تظبيط عند سروجي سيارات في الأبواب والشنطة)
لو حبيت أبيعها تجيب لي كام تقريبا وتقترح عليا أعرضها فين
يا ريت لو مكان غير سوق السيارات اللي في العاشر بحس ان الناس هناك كتير منهم بـ100 كلمة حتى لو اتفقت معاهم

المشاركة الأصلية كتبت بواسطة د0تامر محمد (المشاركة 256314)

بصراحة سوق العاشر ده غير مريح على الإطلاق وتشعر بأنها شبكة عنكوبتية تقع فيها ومعظهم تجار وهدفهم طبعا الربح وهذا شىء مشروع لكن أن يكون على حساب أخلاقيات كثيرة فهذا هو المرفوض
ولا ينفى هذا أن السوق توجد به ناس محترمة وناس خارج نطاق الإتجار ولكنهم ليسوا أغلبية

بالتوفيق فى البيع
السعر/34000
ممكن تعرضها على مواقع متخصصة لبيع السيارات
ممكن معارفك أو سمسار بيع ممن حولك أو ميكانيكى تتعامل معه

المشاركة الأصلية كتبت بواسطة ahmed.abdelaal (المشاركة 256326)

جزاك الله خيرا على الإفادة يا دكتور
ممكن تفيدني في المواقع التي أشرت لها لأن للأسف لا معرفة لي إطلاقا بها
وشكرا لك