مصر موتورز مجتمع السيارات - استفسارات عام 2012

مصر موتورز مجتمع السيارات (https://www.masrmotors.com/vb/index.php)

- تقسيط السيارات (https://www.masrmotors.com/vb/forumdisplay.php?f=62)

- - استفسارات عام 2012 (https://www.masrmotors.com/vb/showthread.php?t=77232)

رد: هل ينفع تعمل قرض لشراء سياره مستعمله ؟

لأ شركات التأمين بتامن على الزيرو بس
والنسبة بتقل مع عمر السيارة على حسابك أنت
يعنى الزبون فى الآخر هو اللى بيشيل المشاريب
أفضل حاجة للمستعمل الجمعيات تعمل جمعية كبيرة وتشترى اللى انت عاوزه
ولا الحوجة للقروض ولا البنوك وشركات التأمين والتوكيلات وحظر البيع والذى منه
وربنا يوفقك للى فيه الخير بإذن الله
تقبل مرورى

رد: هل ينفع تعمل قرض لشراء سياره مستعمله ؟

اقتباس:

المشاركة الأصلية كتبت بواسطة Hisham.Elgazzar (المشاركة 641525)

الف شكر يا باشا بس المشكله ان الشركه بتاعتي هي اللي بتدفع الاقساط يعني انا ما بادفعش حاجه من جيبي وده مش بيكون مخصوم م المرتب بتاعي فلو ما اخدتش العربيه منهم اللي هم اساس بيجيبوها بقرض هيبقي ضاع عليا قسط العربيه اللي بيكون 1400 شهريا

طب بالنسبه للبنك بيوافق انك تجيب مستعمل ولا لازم زيرو لان اللي ملاحظه كل الناس عندنا ف الشركه كلهم زيرو ؟؟

رد: هل ينفع تعمل قرض لشراء سياره مستعمله ؟

طبعا ينفع تقسط مستعمل بس عمر العربية بيبقي من 3 - 5 سنين حسب نوع العربية يعني لو مرسيدس، بي ام، تويوتا ...الخ ممكن تكون 5 سنين انما مثلا سوزوكي وفيات بيبقي اخرها 3 سنين وده برده ممكن يختلف حسب الجهة اللي هتقسطلك.

لو عاوز عربية عمرها اكبر من دول روح لمعرض من اللي بيقسطوا بس الفايدة بتبقي عالية شوية، وطبعا التامين بيأمن علي اي عربية مش مهم تكون زيرو

رد: هل ينفع تعمل قرض لشراء سياره مستعمله ؟

اقتباس:

المشاركة الأصلية كتبت بواسطة firstknight_eg (المشاركة 641549)

الفايده بتبقي عاليه ازااي يعني مش البنك بيشتري العربيه من المعرض او صاحبها كاش والتقسيط بيكون بيني وبين البنك ولا ايه؟؟
يا ريت توضيح للحته دي بعد ازنك

رد: هل ينفع تعمل قرض لشراء سياره مستعمله ؟

اقتباس:

المشاركة الأصلية كتبت بواسطة ahmed el gendy (المشاركة 641563)

الكلام ده لو بتشتري زيرو وبتقسط مع البنك، انما لو بتشتري مستعمل نقول موديل 2000 مفيش حد هيرضي يقسطلك غير معرض وده بيبقي تقسيط مباشر معاه، بيحط فايدة عالية وعدد سنين قليل