رد: رأى شخصى بموضوع اسعار العربيات و ضد حمله خلوها تصدى
 

و لنفرض,
عندهم نفس المشكلة فى لندن و نيويورك و كل المدن الحديثة,
ارتفاع عدد السيارات مما يسبب زحاما,
كانت ايه النتيجة,
الناس بتسيب عربياتها تحت البيت و تروح شغلها بالمترو,
و ده اللى هيحصل فى مصر لدى زيادة السيارات عن حد معين, المواصلات هتفضى لأن جزء كبير من ركابها انتقل الى استخدام السيارات, و سوف تصبح المواصلات اكثر جاذبية بالترافق من تطويرها, و ينتقل البعض لاستخدام المواصلات, و يقل الزحام مرة اخرى ليصبح فى معدلاته الطبيعية.
صدقنى دى حجة حكومية خايبة.

رد: رأى شخصى بموضوع اسعار العربيات و ضد حمله خلوها تصدى
 

رد: رأى شخصى بموضوع اسعار العربيات و ضد حمله خلوها تصدى
 

ماهو الناس بتنتقل بوسيلتين, يا اما المواصلات يا اما العربيات,
أكيد الشريحة اللى هتزيد من مستخدمى السيارات هتقلل من مستخدمى المواصلات, و ده هينعكس بالايجاب لأن حتى الأن الميزان مختل لصالح المواصلات,
حضرتك بتفكر بس فى زحام الشوارع لأن حضرتك تمتلك سيارة,
طيب مفكرتش فى زحام المواصلات؟ مش دى ازمة برضو لازم نحلها و هى اولى من ازمة الزحام, لان راكب السيارة مهما كانت الدنيا مزدحمة لا يشعر بمعاناة من يستقل مترو الأنفاق فى ساعات الذروة,
و فى النهاية هنوصل لنقطة (كما هى طبيعة الحياة فى اى شىء) تسمى نقطة الذروة, أو الpeak point, اللى هيبقى فيها ازدحام السيارات الى حدوده القصوى, و ساعتها هيفضل عدد كبير من راكبى السيارات استخدام المواصلات العامة, طبعا لازم الدولة تحسن هذه المواصلات و تصرف عليها شوية, و تزود عدد القطارات و الأوتوبيسات, و تحسن من نوعيتها حتى تجتذب شريحة من راكبى السيارات.
يبقى الأفضل للجميع هو زيادة السيارات للتخفيف عن المواصلات,
فى لندن الموظف بيسيب عربيته و يروح شغله بالمترو مش لأنه راجل متحضر و مش عايز يلوث البيئة و الكلام الفاضى ده, لكن ببساطة عشان المترو هيوصله اسرع,
و فى النهاية هتلاقى انو ال8 مليون عربية اللى حضرتك بتتكلم عنهم, نصفهم فقط أو ازيد قليلا هما اللى ماشيين, و الباقى مركون و لا يستخدم الا فى الاجازات و عند السفر.

رد: رأى شخصى بموضوع اسعار العربيات و ضد حمله خلوها تصدى
 

مع احترامى لرأيك طبعا بس الكلام ده مش مظبوط ..... ليه ؟؟
علشان هانرجع و نقول دلوقتى شعب مصر كله حوالى 85 مليون مواطن (و دى نسبه وسط ال 80 و ال 90) يملك من ال 85 مليون دول تقريبا 4 مليون مواطن سيارات (منهم اللى عنده عربيتين و تلاته بس نفترض ان كل مواطن معاه عربيه واحده بس )
يبقى فاضل 81 مليون مواطن ماعندهمش عربيات ..... بأفتراض ان 4 مليون كمان من دول اشتروا عربيات .......... يبقى فاضل 77 مليون مواطن من غير عربيات ......
بالبلدى كده بقى فيه 8 مليون عربيه فى الشارع اللى مش هاتعرف تمشى فيه لما يوصل للعدد ده و 77 مليون مواطن عايز يركب مواصلات و برده هاتبقى زحمه و اساسا ساعتها برده المواصلات مش هاتعرف تمشى فى الشارع زى التاكسى و الميكروباص و الأوتوبيسات ...... معنى كده ان المواصلات هاتفضل زحمه و ماحدش ساعتها برده هايفكر يسيب عربيته و يركب مواصلات لأنها زحمه و لا تطاق و فى الأخر البلد كلها هاتقف و يحصل فيها شلل اكتر من اللى حاصل و يبقى مافيش عربيات هاتمشى وللا مواصلات هاتتركب و للا حد هايروح اى مكان

رد: رأى شخصى بموضوع اسعار العربيات و ضد حمله خلوها تصدى
 

لالحالة عمرها ما هتوصل للشلل التام اللى حضرتك بتتكلم عنه,
لكن و لنفرض ان الزحام ازداد بدرجة كبيرة, يعنى بقى المشوار اللى بياخد نص ساعة بياخد ساعة,
نبقى كسبنا برضو يا استاذ شريف,
كسبنا 4 ملايين مواطن أصبحوا يمتلكون وسيلة مواصلات أكثر رفاهية, لهم و لأسراتهم, يعنى لو قلنا كل واحد منهم وراه 3 أشخاص فى المتوسط مراته و طفلين, يبقى قدرنا نرحم 12 مليون مواطن من زحمة المواصلات و بهدلة التاكسيات, و حتى لو الطريق زحمة, فهو افضل من المواصلات.
و الحالة اللى انت بتتكلم عنها ديه هى اللحظة اللى هيبدأ فيها بعضهم الانتقال الى استخدام المواصلات مرة اخرى.

و مش معقولة هنحرم ال12 مليون دول من ركوب السيارات و نستمر فى تعذيبهم فى المواصلات و تعريض زوجاتهم و بناتهم للأخطار و التحرشات فى المواصلات و فى التاكسى عشان اللى راكبين عربيات دلوقتى ميزهقوش و هما واقفين فى الزحمة!