|
|
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
اقتباس:
أولا ألف سلامه والحمد لله جت فى الصفيح وانت بخير بحمد الله أنت عندك حوار طويل بس سهل بأذن الله - ونمسك الموضوع بالترتيب أنا حتكلم عن مشكلتك وأشرح حبت حاجات فى السكه 1- الجنط الجنط مينفعش تعدله عند بتاع كاوتش لازم عند واحد بتاع تصليح جنوط علشان يظبط ميزان ميه علي القطر كله (أي عوجه بسيطه تبرجل العربيه) بتوع تصليح كاوتش - الأسكندريه ( ميدان كابو فى الحضره أسمه الحاج محمود) لو جنط عادي 30 جنيه لو نيكل 90 جنيه - القاهره (شارع الملك الصالح من الكرنيش أسمه مينا) جنط عادي 20 جنيه بدل الفرده المخبوطه وحطها ورا وشوف (لو لسا الصوت يبقى حوار من ألي تحت) بس فى كل الحالات لازم تظبط الجنط ولو سليم حيقولك ده سليم (مش حتخصر المشوار أهو تطمن) 2- رمان البيل وده بالبلدى عباره عن مجموعه بلي فى علبه وبيلفو لو باظ حتسمع صون ونه مع السرعه وممكن يروح مع السرعه العاليه لو الرمان مش بايظ تماما رمان البيل الأمامى بيعمل 120 جنيه (فرده واحده مش طقم) الطقم صعب تلاقيه وده ب 200 جنيه 3- الصره لازم تشيك عليها (انا مش عارف سعرها ) بس لو معوجه لازم تغيرها فورا علشان ديه تؤثر على الطنبير وبالتالى تاكل كاوتش وتيل 4- المساعد لازم تشيك عليها (والمساعد مكون من 3 أجزاء) أ) البطاحه , وديه ألي محمله المساعد علي جسم العربيه , شغلتها أن حمل المساعد ميسمعش فى جسم العربيه لو الخبطه هزت البطاحا أو مسمار ريح أي هزه فى المساعد تسمع فى كل جسم السياره يعنى صوصوه وهوهوا وكل الحيوانات :260309~352: ب) الياي , السوسته بالبلدي ألي بين المساعد والبطاحه , وديه صعب تتعوج بس مع الزمن بتريح, بس شيك علي الجلب ألى بين البطاحه والياي (لو بيظه مش حتسمع صوصوه بس حتسمع تكه فى المطبات ج) المساعد نفسه وده لو لاحظت ماسورتين بيدخلو فى بعض شبه المنفاخ لو المساعد بايظ تعرف أزاي (1- هز العربيه من فوقه بالظبط وبعدين من فوق المساعد التانى لو لقيته ناشف فى الرد لفوق يبقي يتغير )(2- تلاقي زيت على المساعد ) وفى كلا الحالتين لازم تغير المساعدين (2) فورا طقم المساعد الأمامي 400 الي 500 جنيه وطبعا فيه ب 250 جنيه بس ده ممكن لو انت غاوي تغير مساعد كل شهر أنا بستخدم نوع أسمه مندو وده ب 450 جنيه وزي الفل طقم المساعد الخلفى مندو ب 380 جنيه وطبعا لازم تظبط زوايا و ترصص مستنى ردك وطمني عملت أيه:CHUBBY~36: |
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
اقتباس:
تونسي باشا أنا معلوماتى أن فيسكو هو زيت ممتاز ولكن لسيارات الغاز وليس البنزين ودرع الحمايه فى غرفه الحرق من أضرار التأكل ألي بيسببه الغاز لآن أحد دعايا الغاز أن ب 120 جنيه زيت العربيه تمشى 10,000 كيلو وكارجازهى محطات غاز ممكن تكون معلومتي خطأ ويا ريت لو حد يفيدنا (أصل لو بالشكل ده يبقى التوفير كله) علشان شيل هيلكس و موبيلXHP الأثنين 5000 كيلو ب 120 جنيه برضه |
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
متشكر جدا اخي الفاضل لمساعدتك لكل الاعضاء لي استفسار كان عندي شوية خبطات وحكات في العربية انا معايا فيرنا 2012 وملحقتش افرح بيها فقلت اظبط الا فيها فلجئت لمركز صيانة خاص بغبور هوا بصراحة كل الخبطات ولكنها موجوده لكن حاجة غريبة بعد ماستلمت العربية لو عديت ال 80 ك مثلا وامسك فرامل الاقي رجرجة في الدواسة والدريكسيون فمن الموقع هنا وتفاعل الاعضاء اتاكدت انها طنابير ورحت لمكانيكي اكدلي انها طنابير وقال انه عاوز يغيرها مش فاهم حاجة طنابير ايه الا بعد 6000 ك ينفع اخرط ولا اغير ولا اسيبها علي كده انا في حيرة ارجوا الاهتمام |
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
السلام عليكم
بالنسبه لحالتك لازم تروح التوكيل وتقلعلهم (ألي يقولك سوء استخدام - رد فيه جامد ان العربيه زيرو و دخلت سليمه وخرجت بعيب استخدام - هم بيسوقوا العربيات ازاي- ومتسيبش حقك) حرام دي مشيت 6000 كيلو بس ده انا بعملهم فى شهر من غير مشوير كتير حتكلم عن المشكله للمعلومات العامه والأعضاء وليس ليك انت رعشه الطنابير عند الفرمله ليها مسببات وحلول العيب ممكن يكون 1) الطنابير ممكن يكون فيها ريجا عاليه - السبب تيل سئ(حلها مسحه عند الخراط ب 5 جنيه) وتصنفر التيل أكنه حته خشبه بس تحرك ايديك عشوائى على التيل 2) الطنابير تكون معوجعه (السبب مطب عفى والجنط رد لجوه أو تكون سايق والجو حر والطنابير مولعه ويجى السايس يكوب جردل ميه على الطنابير فالطنبور يقفع) الحل لو تقفيعه بسيطه (مسحه عند الخراط والتيل) لو الطنبور مقفع جامد (تغير الطنابير والتيل طبعا) 3) مطب جامد عوج الصره والطنبور ممكن يكون سليم بس حركته بيظه نتيجه عوجه الصره وديه بتحتاج ميكانيكى صايع علشان يكتشفها العوجه بتكون من 2 الي 6 ميلى بالكتير وحلها سمكري محترم بيشتغل بميزان مش بعينه بس 80% بتفشل المحاوله في التصليح وبتشتري صره (انا مش متشائم بس دي الحقيقه المره قسم المطبات) طب أزاى تكتشف العيب أنت لو جايب طنبير جديده حل الجنط (واحد بس) ودور العربيه و هات الأول (الطنبور حيلف سلنصيه) هات جردل أو أي شيء في مستوى منتصف الطنبور بس يكون مستوي من فوق هات حته خشبه مستويه أو مفك عاده و سبته بيدك علي الجردل (وش الخشبه أمام الطنبور ألي بيلف) أبدا أطلع بالخشبه ملى ملى ناحيه الطنبور لو الطنبور لمس الخشبه فى حته أيوه وحتا لأ (العيب من الصره) ملاحظه عوجه الصره ممكن تحسب مقدارها علي الجردل |
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
يعني اغير طنابير اصل التوكيل تاني انسي ولا ايه رايك الكلام ده من اسبوعين هاقول ايه واعيد ايه حسبي الله ونعم الوكيل دنا بفكر ابيع من الا بيحصل ده حظي كده اعمل ايه |
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
اقتباس:
والله انا مدايئ ليك ومينفعش تروح تصلح بره والصنيعيه تلغوص والعربيه زيرو (بسم الله ماشاء الله) انا رأيي تضرب يوم اجازه من الشغل وتروح بدري جدا التوكيل وتتكلم مع المهندس (تجاوب معاك تمام , لو نفض يبقى خطه 2 وعلي المدير انت صاحب حق يبقى ربنا ان شاء الله معاك (وتوكيل هيونداي اسمع انهم محترمين) وطمني عملت ايه |
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
السلام عليكم يا كل الفرناوية المحترمين... معيا فيرنا 2008 كنت ماشى بيها من اسبوع كده ف جسرالسويس وفجأه لقيتها مش رادية تدى اى غيار!!!! ركنت وبصيت على زيت الباكم لقيته فــــاضى!!! حطيت لحد العلامة وبرده مارضيتش تاخد اى غيار وهيا دايرة؟؟
بالصدفة كان فيه واحد بتاع دبرياج وفرامل قريب ف اول الجراج يمين.. فك المسترين وقالى لازم يتغيروا (190+80جنيه) وحط زيت باكم جديد.... (+40 جنيه مصنعية) انا مش عارف كدة اتضحك عليا ولا ايه؟؟؟؟؟ والأهم بقى : ان دلوقت الغيار بقى بييجى بصعوبة قوى وخايف تجيب اسطوانة.. ارجعله تانى ولا اروح لواحد تانى؟؟؟؟؟ شـــــــــــــــــــكـــر ا لوقتكم |
| الساعة الآن 01:57 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017