رد: كل اللي نفسه في حاجة عن اللوجان يدخل هنا
 

يا باشا العفو ولا شكر على واجب احنا اخوات وبنستفاد معلومات من بعض وتحت امرك فى اى استفسار


29 امامى ... 32 خلفى .... انا بظبط كله 30 مش بتفرق فى حاجة ... حاول تملى نيتروجين وريح دماغك من الكشف كل شوية على ضغط الاطار

مافيش حاجة اسمها استعملها اكتر من مرة .. لان دة اسمه نصب ودى سيارة مستعملة مش زيرو
اضمن مكان لشراء اللوجان هو التوكيل والموزعين المعتمدين لدى شركة eim
لو لاقيت معرض ارخص بس يكون موثوق فيه زى محمد زكى فا مفيش مشكلة
كل ما فى الامر ان سعر اللوجان غلى 1000 جنيه ... وبالتالى يوجد لدى الموزع مخزون من السيارات قبل الغلاء
وبالتالى بتكون فرصة ليه انه يبيع كم كبير من المخزون بالسعر القديم وهو الكسبان والعميل كمان كسبان
طبعا دى صفقة رابحة لكن .. دلوقتى انت اشتريت لوجان بالسعر القديم من موزع محترم .. اول حاجة حتعملها تغير الزيت فى اول صيانة متستناش حتى لو التوكيل قالك تغيير الزيت على 10000 كيلو اطلب انه يتغير علشان الزيت ليه عمر افتراضى مش بس عدد كيلوات
......................... .......
والافضل تحط ال 1000 جنيه وتشتريها بسعرها الحالى لسبب واحد ان مع الوقت بيتعرف ملاحظات العربية عند العملاء والتوكيل بيبعت للشركة الام وبيوجد حلول لهذه الملاحظات
والحلول بتطبق على الدفعات الجديدة والعربية بتشتريها من غير الملحوظة .. اه هى لو فيه ملحوظة تتحل فى التوكيل عادى بدون مشاكل .. لكن لما بيكون مافيش عندك ملاحظات بيتوجد حالة من الحب للعربية .. ودى اهم حاجة علشان تصينها وتصرف عليها وانت راضى عنها وضرورى جدا الراحة النفسية فى قرار شراء العربية
وربنا يوفقك لما فيه الخير

رد: كل اللي نفسه في حاجة عن اللوجان يدخل هنا
 

استاذ رينجو باشا مش عارف اشكرك ازاي لمعلوماتك القيمة ربنا يكرمك...... شكرا جزيلا

رد: كل اللي نفسه في حاجة عن اللوجان يدخل هنا
 

السلام عليكم ورحمة الله
انا اشتريت العربيه وكنت عايز اعرف الصيانه بتبقى على كام كيلو
يعنى فيه صيانه على 1000 كيلو ولا بتبدأ من كام
انا عامل لحد دلوقتى 850 كيلو عايز اعرف الصيانه بتبقى على كام كيلو وتكلفتها كام تقريبا
وشكرا جزيلا لسيادتك

رد: كل اللي نفسه في حاجة عن اللوجان يدخل هنا
 

العفو يا باشا وتحت امرك

اولا الف مبروك وربنا يباركلك فى الجميلة لوجان
اول صيانة ليك 5000 كيلو مجانا .. 0 تكلفة الا لو غيرت زيت بتتحاسب على سعر الزيت فقط .. بتقول فيها كل ملاحظاتك ان وجد ملاحظات فى الضمان

رد: كل اللي نفسه في حاجة عن اللوجان يدخل هنا
 

عندى سؤال يا جماعة .......هو صحيح موتور اللوجان ممكن نستخدمله بنزين 80 !!!و إن هو معمول 8 صبابات عشان كده؟؟ .. هل ممكن ؟؟ وهل حد جرب الموضوع ده؟

رد: كل اللي نفسه في حاجة عن اللوجان يدخل هنا
 

السلام عليكم ورحمة الله وبركاته

هذه اول مشاركة لى بالمنتدى أنا إشتريت اللوجان من شهرين وبصراحة عربية ماشاء الله عليها مفيهاش حاجة تتعيب ولكن عندى ملحوظة متضايق منها شوية وهى كل ما أشغل التكييف بتاع العربية فى حالة ثبات السيارة طبعا مفيش مشاكل ولكن عند السير بالسيارة والتكييف شغال الموتور بيكون صوته عالى وكمان بيأثر على سرعة السيارة وبتتقل فى سيرها وكل نقلة مش بتدى السرعة المطلوبة ؟؟؟؟؟؟!!!!!!!

هل أحد من الأخوة الأفاضل لاحظ ذلك ام العيب عندى فقط؟؟ وإيه اللى ممكن اعمله لحل ذلك العيب أو المشكلة؟

أرجو الإفادة ولكم جزيل الشكر والإمتنان

رد: كل اللي نفسه في حاجة عن اللوجان يدخل هنا
 

لو مونت بنزين 80 العربية حتمشى معاك ... حيكون فيه شوية تسقيف وكركرة ... حيقصف عمر الموتور على المدى البعيد .. ولا انصح باستخدامه فى اى عربية سواء حديثة او قديمة

بص انا حقولك على حاجة ... مافيش عربية التكييف مش بيأثر على ادائها ودة بسبب ان التكييف بيسحب من عزم الموتور دة غير درجة حرارة الجو العالية واللى بيأثر ايضا على الاداء وبالتالى سحب العربية بيقل
......................... ............
حاول تقلل درجة التبريد درجة واحد علشان مايكونش فى اقصى حمل على الكمبرسور وبالتالى الحياة حتتظبط
......................... ...........
طيب لو انت ماشى عادى وعايز تشد بالعربية .... تجيب الدواسة للارض وانت حتلاقى العربية بتسحب
ودة نتيجة وجود حساس بيفصل الكمبروسور لحظة الشد علشان تاخد اقصى عزم من الماتور
......................... .......
والف مبروك وربنا يباركلك فيها ويكفيك شرها ويعطيك خيرها