رد: رأى شخصى بموضوع اسعار العربيات و ضد حمله خلوها تصدى
 

عندك حق يا استاذ شريف في نقطه ان العربيات لو زادت حتبقى كارثه في الشوارع ..
لكن هل الحل انهم يغلو العربيات علشان الناس متشتريش ؟؟!!
لأن شوارعنا تعبانه و مش متحمله اي زياده في الكثافه المروريه
طب ليه الكلام ده مفكروش فيه لما كانت كل الجرايد بتهلل لنسبه المبيعات و زياده معدلات الشرا السنه اللي فاتت و اللي قبلها
بيني وبينك السبب الحقيقي ان الناس مبتشتريش مش الحمله ...
لأن زي ما حضرتك قلت اللي مشارك في الحمله ممكن اساسا يكون معاه عربيه و مش ناوي يغير ( هو احنا بنشتري عربيات كل يوم )
لكن السبب من وجهه نظري الظروف الحاليه ( انهيار بورصه - انخفاض سعر فايده - انخفاض سعر البترول - تأثير الازمه العالميه على الخليج و بالتالي على مصر - دبي و الامارات وظايف بالجمله بتضيع و ناس بيرجعو بشنطه هدومهم ...)
الناس خايفه تشتري لأنها قلقانه من بكره
تفتكر واحد راجع مضطر حيفكر في شرا عربيه ... و لا واحد فلوسه نزلت الربع في البورصه حيفكر يغير عربيته !!!
واحد شركته شغلها قل ... صاحب محل او تاجر بضاعته مركونه جنبه ... موظف شاف زميله اتفور لخفض النفقات .... و ... و ... و
الناس نفسها زي ما فلوسها قلت او ضاعت يحسوا ان الدنيا من حواليهم رخصت ... يحسوا ان الدنيا كلها بتشاركهم مشاكلهم
لكن الباشوات اللي شايفين انها حتغلا ... براحتهم يعني الم القرشين الحيله و اشتري عربيه وانا شايف الدنيا كلها في الضياع !!!!

في جميع الاحوال العربيات فعلا سعرها نزل ... فولكس و سكودا واوبل وبي ام و نيسان و سيراتو و غيرهم ...
و ال 10 او 15 الف دول مش مبلغ صغير في عربيه تمنها 100 و لا 150 الف ... يعني 10 % من تمنها خصوصا للي بيشتري كاش ... يفرقوا طبعا

يا استاذ سيف .... التاجر زيه زي اي مواطن مصري ... و طبعا مكسبه في العربيه مش كبير ... ومش هو اللي حينزل سعر العربيه ... لما يكون واحد مكسبه في العربيه الف و لا اتنين حينزل في سعرها كام !!!
وفي تجار بيكون مكسبهم اقل من كده
بالعكس التجار الصغيرين و الموزعين اكتر ناس مضرورين ... كفايه قله المبيعات ... ماهي دي خساره لوحدها
المشكله في الوكلا الكبار اللي واخدينها عند وفاكرين ان الناس عاملين حمله فعلا ..... ههههه
يا جدعان الناس خايفه على القرشين اللي معاهم مش اكتر ...
واللي عايز يشتري بيشتري فعلا ...
لكن ازاي تقنع الناس انك حاسس بيهم و ان السعر ده منطقي و تشجعهم يشتروا ... عليك وعلى اتش الزيزي و ظاظا بظاظا

رد: رأى شخصى بموضوع اسعار العربيات و ضد حمله خلوها تصدى
 

يا جماعه الوكيل كسبان كسبان كسبان كسبان

بيكسب في بيع العربية

يقولك بس اصله بيصرف علي خدمة ما بعد البيع و الصيانة و الضمان

بيصرف ايه علي خدمة ما بعد البيع

هوانتا بتروح تعمل صيانة هدية و لا ببلاش

الضمان

كلنا عارفين ان الضمان علي حساب الشركة الام

تغيير اي قطعه معيبه علي حساب الشركة الام شامله المصنعية

بيكسب في تجارة قطع الغيار

بيكسب في صيانة موديلات شركته بعد الضمان و خارج الضمان

الليله كلها شوية استثمارات في مخازن و مراكز صيانة و دعاية و تسويق

و بترجع الفلوس تاني اسرع ما يمكن

انا نفسي اخد اي توكيل ptmnlo123per195

رد: رأى شخصى بموضوع اسعار العربيات و ضد حمله خلوها تصدى
 

فادى باشا ... صدقنى ده مش كلام حكومى , ده واقع كلنا شايفينه و حاسينه و عارفينه ...... و ان كان ده كلام حكومى فيبقى اول مره فى حياتى ابقى مع الحكومه فى الكلام ده ..... و بعدين شوارع ايه اللى فى مصر تتحمل اكتر من كده ؟؟ فين الشوارع دى ؟؟ و برده المدن الكبيره اللى سعادتك بتتكلم عليها دى برده عندها مشكله الأختناق المرورى ... حتى فى الدول الحديثه زى الأمارات ابتدى يبقى عندهم اختناق مرورى رهيب لدرجه ان المشوار اللى كنت بيتعمله فى 20 دقيقه بقى بيتعمل فى 3 ساعات و ده عن تجربه و مقارنه من 15 سنه فاتوا و دلوقتى.................
فى رأيى الحل الوحيد هو التوسع فى الصحراء .... بس مين اللى يعمل كده و ازاى و فين الأمكانيات ؟؟؟

رد: رأى شخصى بموضوع اسعار العربيات و ضد حمله خلوها تصدى
 

أشكر الزميل في هذا الطرح المرتب
و لكن !!!!!!!!!!!
أشعر أنه وكيل إحدى الشركات التي تستفيد من غول الأسعار الذي يمتص دمنا
أو أنه مستفيد من عملاق الجمارك الذي يجعل سعر السيارة اضعاف السعر ليس الأصلي بل التجاري في معظم الدول المجاورة و النايمة مثلنا
إن هذا الدفاع الغريب ليس له معنى سوى أن الوكلاء يجب أن يقفوا مع الشركات المتعثرة و التي تتمنى ان تييع و لو بسعر التكلفة و على أقساط طويلة الأمد
ليس مبررا ان باقي الأسعار غالية أليس الأفضل إنخفاض الأسعار كلها
و لكن يا عزيزي يبدو أن كلنا .................

رد: رأى شخصى بموضوع اسعار العربيات و ضد حمله خلوها تصدى
 

اولا مرحبا بالعضو النساج 1969 و ارجو ان يحوز المنتدى على اعجابكم .
و ثانيا لى كل الشرف ان يكون اول مشاركه لك فى المنتدى ان تكون من نصيب موضوعى المكتوب اعلاه .........
و ثالثا سيدى الفاضل ...... اقسم بالله اننى لست تاجر سيارات او وكيل سيارات او لى اى علاقه من قريب او بعيد بمواضيع السيارات اللهم هذا المنتدى فقط ..... عموما انا لست تاجر فى اى شئ او سلعه و ليس لى اى غرض من الموضوع غير ان نتفاهم بالعقل و المنطق ....... بالبلدى كده ( اشمعنى العربيات اللى عليها المشكله ) ما احنا شايفين الويل فى حاجات تانيه و اهم ....... ليه تبقى حمله للعربيات ام كذا الف جنيه ؟؟ ليه ماتبقاش حمله على المنتجات الأستهلاكيه ؟؟؟ و للعلم اعتقد ان كل من يشارك بهذه الحمله حلمه الحصول على سياره بأى طريقه سواء منطقيه ام لا...... و المنطق للى عايش فى مصر بيقول ( العربيات دى هاتمشى فين لما العربيات تبقى فى متناول الجميع ؟؟) ارجوك راجع موضوعى فى الجزء الخاص ب :-
علشان احنا ماعندناش طرق تستوعب كل الكم ده من العربيات و لا خدمات فعليه للطرق ..... يبقى ازاى يخلوا كل اللى ماعندوش عربيه يقدر يشترى عربيه و اللى عنده واحده ساعتها يقدر يجيب التانيه ......طب كل ده هايمشى فين ؟؟؟؟ مع العلم على ان الزحمه دى كلها من 4 مليون عربيه فقط .... و احنا شعب تعدى ال 80 مليون يعنى لو العربيات بقت فى متناول الجميع هانمشى ازاى و فين ؟؟؟؟؟؟؟؟_________________________ _________________________ _________________________ _________

و لك جزيل الشكر و الأحترام