مصر موتورز مجتمع السيارات - عربيتك نوعها إيه ؟؟؟

ROSE4Uالسلام عليكم و رحمة الله و بركاتهROSE4U

أنا بأه عربيتى :

PEUGEOT 505 GR model 1980

SHAHIN S 1.4 model 1997

و طبعا بحب البيجو جدا بس الشاهين مش أوى يعنى , أصل البيجو عشرة من ييجى 30 سنة كده .

أنا من حوالى 8 سنين , كنت اشتريت عربية مرسيدس 200 موديل 1980 أوتوماتيك, من سوق السيارات بتاع مدينة نصر و كانت عربية ممتازة اوى , بس جالى فيها بيعة حلوة فلوس كتير, فبعتها و اهى راحت لصاحب نصيبها .

و نفسى أجيب عربية مرسيدس 230 موديل 1984-1985 و أركبلها موتور بفتيس و تكييف زلمكة E200 فوق ال1991.

كان فيه أخ فاضل هنا من اسكندرية, اشترى عربية مرسيدس 230 و كان وعدنى أنه هيعمل موضوع عن عربيته المرسيدس ال230 اللى هو اشتراها جديد و أنا أدينى مستنى أهوه , بس هو الظاهر بعد ما شغل منصب رئاسى كبييييييييييييييييييير هنا فى المنتدى , بأت مشاغله كتيرة و ماعدش فاضى لعامة الشعب زينا , هما دايما المسئولين فى مصر بيعملوا كده , حتى اللى بيترشحوا فى انتخابات مجلس الشعب و لا الشورى , تلاقيهم يهتموا بأبناء دايرتهم أوى أيام الانتخابات و بعد ماينجح و يخش المجلس و يترسأ و يحط كولونيا من بتاع المطار ( وش وحيد سيف فى مسلسل كده كان بييجى فى رمضان زمان ) , ينسى كل وعوده الانتخابية و يجعله عامر ( برضه وش محمد هنيدى فى نفس المسلسل اللى أنا مش فاكر اسمه ).

أنا عارفه كويس و مش هسيبهPOLICEE , هو حتى عنده عربية تانية سيريون .

MERCEDES E230