رد: دليل الاعطال و الاصلاحات للفيرنا
 

على فكرة الفيرنا كل الجديد اللى نازل منها فيها نفس الموضوع وهما ظابطين العربية على كده انك اول لما ترفع رجلك من على الدبرياج وقبل ماتضغط على دواسة البنزين العربية بتتحرك بس بسرعة بطيئة جدا تقريبا 400 متر / ساعة
فا ده طبيعى ماتقلقش منه ولو مش مرتاحله تقدر تعمل زاى ما قال احمد باشا بالظبط

ربط صامولة مساحة الزجاج
 

اول امبارح حبيت انضف الزجاج بالمساحات لما شغلتهه لقيت واحده بس هيه الى شغاله , لقيت ان التانيه الصاموله بتاعتهه فكت شويه فضغطت جامد على دراع المساحه و نفس الوقت ربطت الصاموله جامد و انا ضاغط على دراع المساحه, و الحمدلله اشتغلت تمام.

رد: دليل الاعطال و الاصلاحات للفيرنا
 

تم تغيرر بلية العجلة القدامانيه اليمين والصوت كان منها فعلا بواحده تانيه كوري بــ 110 ج والصوت اختفي تماما ولله الحمد ورجعت زي الأول .


بس السؤال دلوقتي انا عندي صوت ظهر من الشكمنان رحت لواحد قالي العيب من وصله الشكمان مع الموتور او ما يسمي بسوسته الشكمان .. هل ده ممكن يتغير في التوكيل ضمن الضمان ولا هيعملولي حوار علما اني بعمل صيانات دورية في التوكيل ؟؟؟

ارجو الرد .

رد: دليل الاعطال و الاصلاحات للفيرنا
 

العربيه ماشيه كام الف

رد: دليل الاعطال و الاصلاحات للفيرنا
 

40 الف










.

رد: دليل الاعطال و الاصلاحات للفيرنا
 

متهيالى صعب انت عربيتك موديل 2007 صح

رد: دليل الاعطال و الاصلاحات للفيرنا
 

السلام عليكم
امبارح عملت صيانة ال 5000 كم بفرع الصيانة بشارع العريش (الهرم)
المركز ممتاز لأن لسة مفيش عليه زحمة زى المركز الرئيسى والصيانة بتخلص فى ساعتين او 3 ساعات بالكتير وناس محترمين جدا بس نفس مشكلة المصريين فى اى مكان كل واحد يقعد يجادل لما تقول له على الشكوى و كأنك مخترعها ptmnlo123per172
كان عندى صوت طرقعة منتظمة قالوا لى دى طوبة فى الكاوتش وشلناها وفعلا الصوت اختفى
المشكلة ان كان عندى الكهرباء بتعلق ( النور الضعيف بيفضل شغال احيانا بعد ما بفصل العربية خالص ) وكمان السنتر و الانذار و الزجاج الكهرباء بيعلقوا مع بعض ( احيانا مع فتح الزجاج المجاور لى السنتر بيفتح , وساعات لما اقفل العربية واعمل لوك افتح الباب يفتح عادى و الانذار يشتغل ) وقلت لهم الكلام ده استغربوا جدا كأنى باخترعه وقعدوا يجربوا قدامى وطبعا العطل دا مش مستديم فلم يحدث شيئ وكشفوا على كل دا وقالوا لى كل حاجة تمام واتصلحت وسألت العطل كان فين مالقيتش غير رد واحد ( كل حاجة تمام و اتصلحت ولو فى أى حاجة تعال على طول فى وقتها !!! ) على العموم هنشوف
بالنسبة للعربية انا عملت بيها 6000 كم وبصراحة ممتازة فى كل حاجة ( موتور - عفشة - استهلاك بنزين - مريحة - واسعة - هايلة فى السفر - مرنة - شكلها حلو - شنطة واسعة )
مشكلتها الوحيدة انها واطية اوى على الأرض ولما يكون راكب حد ورا لازم آخد كل المطبات بزاوية وخصوصا المطبات فى شوارع مصر عشوائية ومش معمولة كلها بصورة علميا او عمليا صح
كنت عاوز اسأل : انا لسة ما فتحتش الكبوت و زودت مياه او بصيت على مقياسها او مقياس الزيت فيا ترى انا فعلا محتاج انى ابص على مياه الرادياتير و ازودها او اغيرها كل فترة ؟ ولو لازم يبقى كل قد ايه؟
وشكرا للجميع