مصر موتورز مجتمع السيارات - نظره على الأحداث

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - نظره على الأحداث (https://www.masrmotors.com/vb/showthread.php?t=72436)

رد: نظره على الأحداث

اقتباس:

المشاركة الأصلية كتبت بواسطة د.كمال (المشاركة 557787)

وأنا كمان لا أعتقد ......والله لو عملهم البحر عسل وطحينه ماهيعجبهم ...........هما خلاص صمموا ياإما التورته كلها يانخرب البلد على إللى فيها.
أحب أعرفك ياأستاذ تامر إن المجلس العسكرى لو ساب السلطه من الصبح كل إللى متجمعين فى التحرير هيمسكوا فى خناق بعض وتبقى مزابح على تقسيم السلطه .
متنساش لما مبارك تنحى إنقسموا الى 200 إئتلاف وحزب وحركه وتيار وكلهم إختلفوا مع بعض .......ربنا يهديهم .

لا بالعكس اللي انا متوقعه انه الاسبوع الجاي لما البرادعي هيمسك هيبقى الحرام حلال والحلال حرام
محدش يفهمني غلط .. يعني النهارده انت لما بتقول عجلة الانتاج تبقى حرام ...في عهد البرادعي هتبقى حلال ولازم نشتغل علشان يبينوا انه فيه فرق ....وبيقولوا المظاهرات حلال علشان ننقذ البلد في عهد البرادعي هتبقى حرام وهتخربوا البلد وخليك فاكر الكلمتين دول
الفكره في ايه ؟ في الاعلام المتركز في ايدين النخبه .. افتح اي قناه تفضائيه دلوقتي حالا من الحياه ل او ن تي في لدريم ل المحور وغيرهم مش هتلاقي غير النخبه بيحرموا الحلال وبيحللوا الحرام وبيركزوا على احداث معينه وبيطنشوا احداث تانيه وهوا ده النهارده القوه الاولى عالميا : الاعلام
عموما الجمعه الجايه كل حاجه هتبان وانا شخصيا اتمنى ان البرادعي يمسك يمكن البلد تهدى .. شوف ياد. كمال انا رايي ان النخبه كسبوا الجوله دي بذكاء شديد واستغلوا غباء المجلس العسكري علشان يتصدروا المشهد ويضربوا التيار الاسلامي في مقتل .. هيطلع واحد يقول يا اخي ده كله علشان مصر ... تمام وانا مصدقك بس قولي النهارده ايه مطلبك او مطالبك ؟ ان المشير يتنحى ؟ وانا معاك في ستين داهيه المشير كلها من هنا لحد الجمعه ومافيش مشير سواء من جوه او من بره والحدق يفهم .. هات الطلب اللي بعد كده ؟

رد: نظره على الأحداث

اقتباس:

المشاركة الأصلية كتبت بواسطة MmFFoR (المشاركة 557784)

انت بتهزر؟ مش كده؟

و مصدقه؟؟ انا بحترم فيك طيبة قلبك يا دكتور

مش طنطاوي ده اللي قال حيتحاكم مبارك و حنسترد اموالنا المنهوبة؟
مش هو اللي قال في فبراير 2011 ان السلطة حتتسلم لرئيس مدني منتخب خلال 6 اشهر؟
مش هو اللي قال وقف قانون الطواريء؟
مش هو اللي قال مفيش مدنيين حيتحاكموا عسكريا؟
مش هو اللي قال حنحقق مع ضباط الجيش اللي انتهكوا عرض البنات باختبار العذرية بعد تعذيبهم و كهربتهم؟
مش هو اللي قال علاج مصابي الثورة على نفقة الجيش؟
مش هو اللي قال ملاحقة المجرمين اللي قتلوا الثوار؟

هجاوب عليك ياأستاذنا
محاكمه مبارك والاموال المنهوبه فى يد القضاء مش فى يد المجلس العسكرى ......كون القضاء بطيئ مش ذنب المجلس العسكرى .
قال هسلم السلطه فى فبراير2011 ولكن قوى الثوره إللى فى التحرير الأن . قالوا إحنا غير مستعدين ولازم نشم نفسنا بعد الثوره ونعيد تنظيم صفوفنا .....فتمت الإستجابه لهم وتم تأجيل الإنتخابات ....بعد كده رجعوا إنقلبوا على المجلس العسكرى وقالوا دا عايز يستمر فى السلطه إلى مالا نهايه ......فرجع المجلس وحدد معاد الإنتخابات الاسبوع القادم .....وأهم إنقلبوا عليه .
قانون الطوارئ بيستخدم فى حالات البلطجه وتهريب السلاح والمخدرات فقط .
قال مفيش مدنيين هيتحاكموا عسكريا إلا فى حالات البلطجه والسلاح أو الإعتداء على المنشأت أو المعدات العسكريه او الافراد العسكريين ....وهذا مايحدث .
كل قتله الثوار فى السجن وعلى رأسهم حبيب العادلى
مصابى الثوره تم علاجهم وتعويض أسر الشهداء ......صحيح كان فى تأخير لكن تم التعويض .....ولعلمك فى ناس خدت تعويض ولم يقتل أبنائهم فى الثوره ............تقبل تحياتى

رد: نظره على الأحداث

اقتباس:

المشاركة الأصلية كتبت بواسطة تامر ديزل (المشاركة 557797)

ياأستاذ تامر ياحبيبى الناس دى ( النخبه ) معندهاش مطالب غير خراب البلد حتى لو المشير مشى أو غار فى ستين ....
الناس دى مدفوع لها جامد و معاهم جهاذ إعلامى مدفوع
شوف الفضائيات كلها النهارده كلها بتتكلم بلسان واحد ......الفلوس حلوه ياسيدى وتولع البلد

رد: نظره على الأحداث

:GROWIN~12:متابع......... ..........

رد: نظره على الأحداث

يااخي المشير دا راجل مش كويس

يااخي الجيش كله وساخه وانا اولهم

هنسيبها للتحرير يتهنا بيها

ويبقي قابلوني لو حالنا اتعدل ولا اتصلحت امورنا

اللي جاي خراااااااب