مصر موتورز مجتمع السيارات - ارشيف الاستراحة 2011

اقتباس:

المشاركة الأصلية كتبت بواسطة Ahmed Anwer (المشاركة 359600)

قصدي يا ميدو ،،، يا صديقي

دي طريقة تفكير سيئة

تصدق ضباط شرطة كتير لما بيضربوا الناس و يعذبوهم في الأقسام

بتكون وجهة نظرهم كده ،،، الشعب ده لو ما عاملتهوش كده ،، مش هتعرف تتعامل معاه و بتوصل لقناعة عندهم بيبرروا بيها افعالهم

تجار بيكون وجهة نظرهم كده هوا شعب كله حرامية اساسا

و ميت مقولة و ميت صفة تلصق بشر البشر الشعب المصري

شخصيا فقدت صديق عزيز ليا لما احتديت عليه علي الفيس بووك في بداية الدعوة لمظاهرات 25 يناير

كان كاتب إن إحنا و دي قناعة شخصية لديه ،، شعب لا يجيد أن يفعل اي شئ بنظام و لذلك يرفض يوم الغضب

فالصراحة احتديت علي رأيه مش عشان المظاهرات لأن عشان استخدم نفس النغمة ((( إحنا شعب )))

** سبحان الله ربنا كسفه و العالم انبهر بالثورة البيضاء و كتبت صحف العالم لأول مرة نري شعب يقوم بثورة و ثاني يوم يقوم بتنظيف مكانه **

طب تعال نكلم بالعقل

هل الموضوع جينات مثلا ؟؟؟ طبعا استحالة

هل دكتور الجامعة المصري زي السمكري المصري (( مع احترامي للجميع )) ؟؟

طيب بلاش المصري لما بيعيش بره بيكون شكله أيه ؟؟؟ طب ما هوا هوا نفس الشخص (( مصري ))

طب المصري اللي عايش في كمباوند كله خضرة و منظم زي المصري اللي عايش في عشوائيات ؟؟

لا يمكن إنكار صفات قبيحة (( و مش في كل الشعب ))

ناتجة عن ثقافة الزحمة و الفقر ،،، ناتجة عن عصور انحطاط ،،، ناتجة عن أكبر نسبة أمية في العالم
ناتجة عن 40% تحت خط الفقر

مش هاقول إحنا شعب حضارة و شعب عظيم

بس إحنا ناس زي بقية الناس في كل الدنيا

في وجهة نظري الشخصية الناس ،،

10% فاسدين بالفطرة

10% صالحين بالفطرة

80% عامة الناس حسب الظروف اللي موجودة فيها لو ظروف كويسة هيكونوا كويسين لو ظروف مهببة هيكون مهببين

فعشان كده عايزين نبطل مقولة (( إحنا شعب ........ ))

الصراحة شايفها مقولة هدامة

احمد بيه طبعا رايك محترم وهايل .. وبجد والله مش مجامله
بس لما بنعمم حاجه مش المقصود بيها الكل بنسبه 100 % ولكن بتعمم للاغلبيه
وبعدين الموضوع هزلى وليس موضوع جاد للنقاش

بس عموما وجهه نظرك سليمه واكيد هاخد بالى فى التعبير المره الجايه