رد: دليل الاعطال و الاصلاحات للفيرنا
 

عموما الف مبروك
وإن شاء الله تكون المشكلة إتحلت نهائيا

رد: دليل الاعطال و الاصلاحات للفيرنا
 

السلام عليكم ،

أنا كنت عملت حادثة بالعربيه وكانن الصدمة في العجلة القدامانيه يمين وكانت الخساير اني غيرت المساعدين الأماميين عشان فيه واحد منهم كان اتعوج ، وغيرت الشمعدان والبلية القدمانية يمين .. وزبطت زوايا ورصصت والعربية مشيت تمام ..

بس المشكلة دلوقتي انه ظهر صوت كده عامل زي صوت الغسالة الأوتوماتيك وهي بتعصر الصوت ده بيزيد مع السرعه لحد ما يبقي لا يطاق عند 120 بيجيب صداع ومش بسمع اي حاجه تانيه غيره والصوت ده مش جاي من الموتور عشان انا لما باجي اكبس بنزين والعربية واقفة الصوت مش بيبقي موجود .. هو صوت حاجة بتدور جامد وبتزن .. مع العلم ان بتاع الزوايا قالي مفيش اي حاجه في العفشة ورحت لواحد تاني قالي برده مفيش حاجه في العفشة .

يريت حد يدلني أعمل ايه ... مشكورين يا شباب .

رد: دليل الاعطال و الاصلاحات للفيرنا
 

ده اكيد صوت بلى العجل الامامى اتاثر من الخبطه

او اللى انت جيبته مع الصره و الشمعدان ا

لجديد مش حلو

رد: دليل الاعطال و الاصلاحات للفيرنا
 

هي فعلا البلية أتأثرت وانا غيرتها بواحده ياباني بتاعت النيسان صني .. الصوت مكنش موجود بعد ما صلحت العربية وظهر بعدها فجـأة بأسبوع . يبقي برده ممكن تكون هي ؟ وهل فيه خطورة اني أمشي بيها كده لحد ما أروح صيانة ال 40 الف في التوكيل ولا أيه ؟؟

مشكور علي تعبك .

رد: دليل الاعطال و الاصلاحات للفيرنا
 

كده اكيد اللى غيرلك البليه ما قرطش على صاموله الكوبلن كويس او البليه دى مش نفس المقاس بالظبط انت كده لازم تشوف حدا يغيرهالك و تعاين الاول قبل ما تغير

يعنى تتاكد انها البليه

رد: دليل الاعطال و الاصلاحات للفيرنا
 

انا عندي معضله بسيطه
اول ما ابتدي اشيل رجلي من علي الدبرياج العربيه بتمشي مع نفسها و كنت هحك في كذا عربيه قدامي في محطه البنزين و اماكن تانيه ايه الحل ؟؟؟؟؟؟؟؟؟؟
المعضله التانيه
اول ما العربيه بتطلع فيكون في رجرجه عجيبه ايه السبب مش عارف ؟؟؟؟؟؟؟؟؟؟؟؟
انا بطلع علي طول اول مادور ( الفرق الزمني 10 ثواني تقريبا ) ايه الصح و ايه الغلط ؟؟؟؟؟؟؟
ارجو الرد علي اسئلتي دي من فضلكو مع العلم ان عربيتي عامله 300 كيلو ( زيرو )

رد: دليل الاعطال و الاصلاحات للفيرنا
 

اول مشكله

ممكن تعمل رجلاش للدبرياج و تعليه شويه قولهم عليها فى صيانه الالف

الثانيه

حط بنزين 92

الثالثه

غلط طبعا لازم تستنى من دقيقه الى 3 دقائق على ما الزيت تمشى فى دوره التزيت