مصر موتورز مجتمع السيارات - نظره على الأحداث

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - نظره على الأحداث (https://www.masrmotors.com/vb/showthread.php?t=72436)

رد: نظره على الأحداث

اقتباس:

المشاركة الأصلية كتبت بواسطة nktis (المشاركة 557643)

زيك بالظبط يا بشمهندس ده غير الركود في البيع وخساره في تجاره الموالح يتعدي 40 الف فرق اسعار بسبب ما يحدث وزيك مع الثوره...:Bravo:

ربنا يعوضك يادكتور نوح .....عشان كده بنقول عايزين البلد تهدأ وبلاش مظاهرات وبلاش مخاصر ونخش فى العمليه الإنتخابيه وبعهدها ننتخب رئيس جديد ................ربنا يهدى

رد: نظره على الأحداث

اقتباس:

المشاركة الأصلية كتبت بواسطة MmFFoR (المشاركة 557631)

لأ وانت الصادق كلمتهم واحدة و نص *ضحكة خليعة*

يعنى إيه كلمتهم واحده ونص ياأخ ممفور ..........هو المشير مش قال هيسلم السلطه لرئيس منتخب ولا أنا غلطان

رد: نظره على الأحداث

اقتباس:

المشاركة الأصلية كتبت بواسطة د.كمال (المشاركة 557782)

يعنى إيه كلمتهم واحده ونص ياأخ ممفور ..........هو المشير مش قال هيسلم السلطه لرئيس منتخب ولا أنا غلطان

انت بتهزر؟ مش كده؟

و مصدقه؟؟ انا بحترم فيك طيبة قلبك يا دكتور

مش طنطاوي ده اللي قال حيتحاكم مبارك و حنسترد اموالنا المنهوبة؟
مش هو اللي قال في فبراير 2011 ان السلطة حتتسلم لرئيس مدني منتخب خلال 6 اشهر؟
مش هو اللي قال وقف قانون الطواريء؟
مش هو اللي قال مفيش مدنيين حيتحاكموا عسكريا؟
مش هو اللي قال حنحقق مع ضباط الجيش اللي انتهكوا عرض البنات باختبار العذرية بعد تعذيبهم و كهربتهم؟
مش هو اللي قال علاج مصابي الثورة على نفقة الجيش؟
مش هو اللي قال ملاحقة المجرمين اللي قتلوا الثوار؟

رد: نظره على الأحداث

اقتباس:

المشاركة الأصلية كتبت بواسطة تامر ديزل (المشاركة 557623)

هل تعتقدوا ان هذه القرارات ستؤدي الى التهدئه وفض التظاهرات ؟
رايي الشخصي : انا لااعتقد

وأنا كمان لا أعتقد ......والله لو عملهم البحر عسل وطحينه ماهيعجبهم ...........هما خلاص صمموا ياإما التورته كلها يانخرب البلد على إللى فيها.
أحب أعرفك ياأستاذ تامر إن المجلس العسكرى لو ساب السلطه من الصبح كل إللى متجمعين فى التحرير هيمسكوا فى خناق بعض وتبقى مزابح على تقسيم السلطه .
متنساش لما مبارك تنحى إنقسموا الى 200 إئتلاف وحزب وحركه وتيار وكلهم إختلفوا مع بعض .......ربنا يهديهم .

رد: نظره على الأحداث

اقتباس:

المشاركة الأصلية كتبت بواسطة تامر ديزل (المشاركة 557694)

الميدان رفض بيان المشير
قال ايه المشير :
قبول استقالة شرف وتشكيل حكومة انقاذ وطني .... مرفوض
الانتخابات الرئاسية قبل يونيو 2012 .... مرفوض
الانتخابات البرلمانية في ميعادها ... مرفوض جدا دي اكتر حاجه مرفوضه جدا جدا
طيب استفتاء على رحيل المجلس .. برضه مرفوض
طيب حد يقولنا ايه المطلوب علشان نفهم ؟
بس من غير شتيمه .. اللي هيشتم هيتشتم والبادي اظلم
خدوا بقى السيناريو القادم : ده مش تنجيم ولا معرفة الغيب بس اصله سيناريوا مقري اوي من يوم السبت
استمرار الاعتصام لحين تنحي المشير وتسليم السلطه للبرادعي
وانا مستعد للرهان على كده مين يراهني ؟

يا باشا الحكايه مش مستاهله رهان
اللعبه القذره باينه زى الشمس ومس محتاجه تفسير من حد
مجموعات مخربه معتصمين فالتحريرمسميين نفسهم ثوار يعاونهم اعلام منحط ممول من الخارج لاغراض دنيئه يضخم كل حدث ويصرخ لاى خدش يصيب الانبياء الاطهار المعصومين
واللى طلباتهم فى منتهى البساطه مجلس رئاسى مدنى برئاسة البرادعى منتخب من الميدان !!! وليذهب 80 مليون مصرى الى الجحيم