مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة د/محمد جميل (المشاركة 96046)

السلام عليكم ورحمة الله وبركاته
ازى حضرتك يا د/ تامر وشاكرين جدا لتعبك معانا
عاوز أعرف اللانوس جولييت آخر موديل منها كام والفابريكة تعمل كام
وهل هى زى ما سمعت أحسن من اللانوس سيدان لأنها كورى 100%
وهل هناك فارق كبير فى سعة الشنطة ولا لا

أنا آخر موديل شفته منها مو2000 لكن يقال أن آخر مو2002
وموضوع أحسن من السيدان لانها كورى 2000 فيما قبل 2000كورى من السيدان
ولا يوجد فرق كبير بين إنتاج أبو الفتوح والكورى من وجهة نظرى
وسعة الشنطه طبعا لمصلحة السيدان
أما السعر فهو مثلا 41 لمو98 و44 لمو 99 فابريقة كاملة حالة متميزة

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة امل (المشاركة 96170)

السلام عليكم د/ تامر معروض عليه عربية دايو لانوس تو موديل 2006 تكييف وباور فقط وبحالة جيدة جدا مع العلم انها رشه حزام خارجي افدني في سعرها وشكرا

تساوى 50000

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة ميدو منصور (المشاركة 96248)

معلش تعابين حضرتك معانا ايه رايك في سيات ايبيزا 2000 وحالتها نظيفه راشه بره تعمل كام
مع العلم ان اللي هيشتيريها هيسافر بيها كل يوم من المنوفيه لجامعه القاهره
ولو مش كويسه حضرتك ترشح ايه في حدود 30 -40 الف واسف علي الاطاله وشكرا

تساوى 37000 لحالة جيدة جدا
فى حدود 30-35 أكسنت مو98-99 1300
وكذلك كيا برايد مو99-2002 1300
ومن 35-40 لانوس مو97-2000 1500
الابيزا جيدة لكن باقى السيارات المناظرة سعريا موتورها أكبر ومصاريف تشغيلها أقل وكلها عربيات سفر

رد: مجهود كبير من أستاذ كبير

اقتباس:

المشاركة الأصلية كتبت بواسطة أبو ذياد (المشاركة 96271)

السلام عليكم ورحمة الله
دى تانى مشاركة ليه فى هذا الموضوع وعندى أستفسار
أيه رأيك فى الدايو نوبيرا 2004 - 2005 وما هو متوسط السعر
وفى حدود مبلغ 45000 - 50000 ما هو المتاح بس ياريت تكون قطع الغيار رخيصه ومتوفرة وتكون السيارة قليلة الأعطال
وشاكر أهتمامك بالمواضيع المطروحه
وجزاك الله عنا خيرا

شكر لك على كلماتك
النوبيرا 2004-2005 فى حدود48-53
مفيش أرخص من قطع غيار دايو وتوفرها بمعظم المدن المصرية وخاصة فى الاقاليم التى تعانى من ندرة قطع غيار كثير من السيارات والدايو عموما أعطالها قليلة ومعروفة والتغلب عليها سهل بواسطة أصغر فنى

وفى حدود مبلغك تأتى النوبيرا 2002-2004
وكذلك اللانوس مو2003-2005
وكذلك الفيرنا مو2004-2006
وهى أفضل البدائل المتاحة

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة ba.tota (المشاركة 96322)

ازيك يا أبو الدكترة
محتاجة نصيحتك ضرورى
أنا دكتورة لسة فى بداية شغلى معايا حوالى 20000ج وعايزة عربية لا تزيد عن 40000ج مش عارفة ادفعها كقسط لجديد أو مستعمل (طبعا لازم تكون حالتها كويسة جدا لأنى بنت!!)
وعايزة أعرف نوع العربية المناسبة ليا كبنت وكسعر فى الجديد أو المستعمل
وكمان نظام التقسيط بيبقى ازاى؟

أهلا بزميلة عزيزة جديدة وتمنياتى لك بكل التوفيق والنجاح

معاكى 20 ألف فى البداية متجبش سيارة يعتمد عليها!!
يعنى ممكن سوزوكى ماروتى مو97 ودى ح تكون فيها مشاكل دورية
طب لو نقدر ندفع 30 ألف ندخل فى شريحة جميلة على رأسها كيا برايد وهى سيارة جيدة ويعتمد عليها وكفاءة وح تكون فى مو99 ممكن أكسنت 98 و99 ال1300 فاضية وهى سيارة جيدة
سعر الجديد أقل حاجة الماروتى بحوالى 35
يأتى بعدها بعيدا عن الصينى فى هذه الفئة الكيا سايبا(البرايد) بحوالى 47 كماليات وهى أفضل الخيارات