رد: ردا على عمرو أديب: منتخب مصر مش نجس
 

دا موش أديب خالص ! دا قليل التأديب ! و عاوز تهذيب و تشذيب و ترويض !

وبالبلدى قلمين على قفاه بس بتوع مخبرين ! علشان تتضح الرؤيه عنده !

و أنا بعد لما أخلص حكايتى مع السيارات فى العراق ح أدخل على جكايتى فى جنوب أفريقيا !

و ح يكون معظمها صور ! و ح أوريكم أغرب يافطه تحذير ممكن أن توضع على باب مستشفى !

لتعرفوا ما هى جنوب أفريقيا !


Dr. Bolbolan ptmnlo123per1127

رد: ردا على عمرو أديب: منتخب مصر مش نجس
 

بص ياباشمهندس انا معاك ان موجة الغضب من الاداء فى مباراة امس
جعلتك شديد الهجوم على لاعبى المنتخب المشهود لهم بالاخلاق فعلا
وبرضه سهارات اللاعبين مع المزز فى مصر كلام لا اساس له من الصحه
ولا نملك ادله على ذلك ولا حتى صور كما تقول

وبعدين موضوع الامارات الاعبين ملهومش دعوه ...
عاوز تعاتب عاتب المسئولين عن المنتخب والجهاز الفنى اللى وافق على المهزله
اللاعبين بينفذوا اوامر (ادبح ياذكى ياقدره يدبح ذكى قدره)
وبعدين احنا ماكناش بنشحت ده الراجل ولى عهد دبى كان عامل احتفاليه للمنتخب
وفرح كل المصريين والجاليه المصريه هناك


ارجوك لا تدع الهزيمه تحبطك وتنسيك صوت العقل.....!
الموضوع ملفق وواضح جدا انهم خائفين على سمعة التنظيم فى 2010
ولا تنتظر نتائج تحقيقات فى صالحنا هتتظبط لصالحهم طبعا
يافادى دول بيرموا زبالتهم علينا........
وهل لو خيرتك بأفتراض ان الكلام على اللاعيبه كان صحيح وانهم سهروا
السهره اياها ....وكنا كسبنا امبارح كنت هتبقى فرحان؟
كنت اصلا هتفتح الموضوع؟
ارجوك انصت لصوت المنطق والعقل

رد: ردا على عمرو أديب: منتخب مصر مش نجس
 

والله مش عارف اقول ايه المفرود الواحد مايحكمش على حد الا لما يتأكد

رد: ردا على عمرو أديب: منتخب مصر مش نجس
 

ذكر مراسل "العربية" المتواجد في جنوب إفريقيا أن رئيس الاتحاد المصري لكرة القدم سمير زاهر ورئيس اللجنة المنظمة لبطولتي كأس القارات 2009 وكأس العالم 2010 داني جورادن، عقدا مساء الاثنين 22-6-2009 مؤتمراً صحفياً أكدا فيه عدم تطرق محضر الشرطة الذي يحقق في تعرض بعثة المنتخب المصري للسرقة إلى ما تناولته الصحافة الجنوب إفريقية عن بنات الليل.

وكان 5 لاعبين مصريين تعرضوا للسرقة بعد المباراة التي جمعت "الفراعنة" بإيطاليا - وشهدت فوز أبطال إفريقيا على أبطال العالم بهدفٍ سجله محمد حمّص -، إلا أن صحف جنوب إفريقية كـ Daily Star و The Sunday Independent نفت رواية "السرقة"، مؤكدةً احتفال اللاعبين بنصرهم مع عاهراتٍ سرقوا بعض ممتلكاتهم.

وأشار جوردان خلال المؤتمر الصحفي أن الشرطة المحلية تحاول الكشف عن الجناة، حيث اتضح الاشتباه بـ 4 أشخاص "ضلعوا في الجريمة التي تمت في أروقة فندق (بروتيا) في العاصمة جوهانسبرغ"، مؤكداً خلو التحقيقات من أي ذكر لبنات الليل.

من جانبها، طالبت البعثة المصرية التي ستغادر إلى القاهرة الليلة، الصحف بتقديم دلائل تثبت الاتهامات التي وجهتها لـ 5 من لاعبي المنتخب المصري، "أو الاعتذار للاعبين والسفارة المصرية عما نشرته وفق الأصول المتعارف عليها صحفياً، وإلا ستتم مقاضاتهم في المحاكم الجنوب إفريقية".

وكان الإعلامي المصري المعروف عمرو أديب اتهم في برنامجه "القاهرة اليوم"، لاعبي منتخب بلاده بقضاء ليلة حمراء مع فتيات هوى جنوب إفريقيات، ما أثار ثائرة الشارع المصري، ودفع اللاعب محمد أبو تريكة إلى التهديد بالاعتزال حال لم يعتذر، مطالباً في الوقت نفسه اتحاد اللعبة برد اعتبار اللاعبين الذين "تعرضوا للإهانة".

و لا تعليق !
Dr. Bolbolan ptmnlo123per1127

رد: ردا على عمرو أديب: منتخب مصر مش نجس
 

الله ينور عليك وعلى ابويك يا دكتور
انت جبت الناهيه
واجو من كل من افترى على اخلاق اللاعبين ان يرد لهم الحق
اما من الناحيه الفنيه فهم فشلة الفشله وخاصة الجهاز الفنى العبقرى

رد: ردا على عمرو أديب: منتخب مصر مش نجس
 

حسبى اللة و نعم الوكيل فى عمر اديب .

و ربنا على الظالم و المفترى , اللى يتابع حلقة عمر اديب , يحس فى كلامة شماتة غير محدود , لية هو فى اية , هو فى طار بايت بينة و بين المنتخب , تظ فى اى مكسب تظ فى اى بطولة لو فى ناس على شاكلة اخلاق عمر اديب .

لما يكون فى اعلامى بالمنظر دة وبالاسلوب المستفذ دة , يبقى فى حاجة غلط ,
يبقى فى حاجات غلط كتير , اية يعنى خسرنا مباراة خسرنا اتنين خسرنا عشرة حتى ,انما اتكلم بالاسلوب القذر دة و بالاستفاز دة بدون اى رد و ببدون اى رادع ,

لا و الف لا , مين عمر اديب دة , مين اللى ادالة الفرصة يتكلم بالاسلبو القذر دة و يقولك انا بنقل بس , لا مش بتنقل و بس , انت اتكلمك بسخرية و قذارة على منتخب بيمثل مصر , .

فى بلاغ مقدم للنائب العام بعد الحلقة الزبالة دى , و ان شاء الله حيكون فى تعامل مع الاعلاميين الفاشليين على شاكلة عمر اديب , لرد حقوق و اعراض اللاعبيين و القصاص لك من تأزى من الكلام الزبالة دة .

عشان كل اعلامى بعد كدة يحترم نفسة و يحترم المكان اللى هو فية , و يحترم المشاهدين بعد كدة .

و اللى مش حيعمل كدة يغور فى ستين داهية ميلزمناش و ميلزمناش تعليقاتة الزبالة و اسلوبة الواطى دة .

رد: ردا على عمرو أديب: منتخب مصر مش نجس
 

عمرو اديب اعلامى محترف و له اسلوب مميز, مخارج الفاظه قوية و متقنة, لغته أنيقة و منمقه, يعنى هو راجل محترف فى شغله و محدش يقدر ينكر كده,
و اسلوبه الاستفزازى هو احدى اهم اسباب نجاحه و لا احنا عايزين اعلام "موالس" من عينة مذيعين البيت بيتك و مدحت شلبى؟؟
الى جانب انه لا يهادن الحكومة, و لا يخاف من أحد.
و فى النهاية هو نجح فيما يريده, فبعد ما حصل, أتحداك ان مصر كلها سوف تشاهد برنامجه اليوم.
عمرو اديب هو الفائز الوحيد من كل هذا.
و اللاعبين لازم يعرفوا انهم شخصيات عامة, يعنى تعرضهم للهجوم على أى تصرف و لأى شائعة وارد جدا, ده لو افترضنا انو الموضوع شائعة عكس ما تؤكد كل المواقع الاخبارية العالمية.
و فى النهاية حرية الاعلام أهم من شوية اللعيبة دول, مبدأ حرية الاعلام فى التغطية و فى ابداء الأراء أهم من لاعب كرة, لأن حرية الاعلام فى الكورة سوف تنعكس على حريته فى السياسة, و هو ما لا نريده و لا نتمناه, لذا فان اللاعبين و حسن شحاتة لازم يحترموا حرية الاعلام بدلا من الشتيمة ليل نهار فى الصحافة و الاعلام المرئى بحق و بدون وجه حق, ركزوا فى الملعب بدلا من عمرو اديب.