رد: اسئله المبتدئين ..عفوا ممنوع الفتى :)))
 

تسلم يا باشا على المعلومات

أنا مش متفق معاك في موضوع الغرز بالاشارة ده ANAA7TG
الناس بقت نفسيتها وحشة أوي، ولو عرفتهم انتا ناوي تعمل ايه بيقعدو يزنقو عشان يغلسو عليك :biggrin:
بس طبعا في السواقة العادية الإشارات لا غنى عنها

من 2 إلى 5:
فكرتني والله بأيام الصيف الجميلة والسفر والتنطيط من بلد لبلد
في مرة كنت راجع من اسكندرية بالليل، بعربية يارس جديدة نوفي
ماسك الشمال وطاير، أرعش للناس من بعيد بالراحة وكل ما اقرب ازود سرعة الرعش لغاية ما يبقى نور العربية ولا ال vibration بتاع التلفون، اكتشفت ان الناس بتستجيب للحركة حلو أوي :biggrin:

رد: اسئله المبتدئين ..عفوا ممنوع الفتى :)))
 

لا يا فندم ممكن تنقلى من الرابع للتانى من غير ماتعدى على التالت بس تكون سرعه العربيه ماشيه مع سرعه الغيار التانىGIFT4U

رد: اسئله المبتدئين ..عفوا ممنوع الفتى :)))
 

حلوه يااحمد لغه الاشارات دى بس انا بيتهيالى لما اللى انت ماشى وراه بيديك اشاره يمين وبعدين شمال ورا بعض معناها انه عايزيك توطى النور العالى اللى فى قفاه
حصلت معايا كتير قوى على طرق السفر ليلا او جوه القاهره
ملحوظه اخوك من اشد الناس عشقا للسفر ليلا :playing_music:

رد: اسئله المبتدئين ..عفوا ممنوع الفتى :)))
 

انا بقى لما باعمل كده مش بتتشاهد لا دى بتفضل تصوتلى عشان اهدى شويه وباضطر اتنيل اهدى عشان اخلص من الصوت والرعب :crazyW14:

رد: اسئله المبتدئين ..عفوا ممنوع الفتى :)))
 

انا بستغرب جدا من الموضوع ده ، 90% من الناس الخبرة في السفر بيحبو السفر بالليل، ده غير سواقين النقل والأتوبيسات
انا عارف ان مميزات السفر بالليل ملهاش حصر، وانا بنفسي ممكن أكتب لستة طويلة عريضة بيهم، بس يا أخي انا شايف ان فيه عيب واحد بس يغطي على كل المميزات دي: "مجال الرؤية"
الموضوع ده بيخنقني بشكل غير طبيعي، ما بتشوفش الا اللي نور عربيتك بيدهولك، وانا بطبيعتي بموت في الجري، والجري عاوز تبقى كاشف الدنيا كلها عشان تقدر تتصرف بسرعة لو حصل حاجة.
وطبعا مش عاوز أقولك حصلي مواقف بايخة بسبب الموضوع ده قد ايه منهم اللي كان هايوديني القبر، خلتني أكره السفر بالليل

واضح ان الوضع معقد عندك :biggrin:
يبقى جرب موضوع السماعة ده وقولي ايه رأيك ;)

رد: اسئله المبتدئين ..عفوا ممنوع الفتى :)))
 

معلش النهاردة كان يوم شغل طحن :3_8_14:
بس علشان ما تقولوش إنى هربت ... حقولكم كده حكاية إفتكرتها:
فى واحدة زميلة فى شركة بنتعامل معاها إتسرقت عربيتها بطريقة غريبة ... كانت راكنة العربية قريب من شغلنا و بعد ما رجعت بعد حوالى ساعتين علشان تمشى ركبت العربية و بتدور و لسه حاتطلع لقت واحد معدى بيقولها العربية بتدخن من الشكمان و إنه ميكانيكى و من خبرته الظاهر إن عندها مشكلة كبيرة ... فلما قالتله إنها مش شايفه قالها خلاص إنزلى بصى و أنا هزود بنزين ... و بمجرد ما ركب العربية: طبعاً فص ملح و داب و معاه (عربيتها جواها شنطتها جواها موبايلها و فلوسها و أوراقها):crazyW14:
طبعاً رجعت لينا بتصوت قمنا إتصلنا برقمها فرد علينا الباشا و قالنا العربية فى الشارع الفلانى و قولوا للعبيطة اللى سابتلى العربية ما تعملش كده تانى
طبعاً كل اللى أخده من العربية فلوسها و موبايلها ( طلع محترم: سابلها الأوراق و خط الموبايل) و حمدت ربنا ألف مرة إنه كان مستعجل لإن الأنسة كانت حطة شيكات خاصة بشركتها تساوى ثمن عشر عربيات فى الشماسة(what)
الدروس المستفادة:
1- مفتاح عربيتى لازق فى إيدى طالما سبت العربية ... ولو ثوانى
2- شنطتى لازقة فيا طالما خرجت من العربية ... ولو دقائق
3- مش أى حد غريب يقولى حاجة أصدقها ممكن أقوله شكراً و أخلى أى بواب أو سايس يزود بنزين و لو إحتجت حاجة أتصل بالميكانيكى بتاعى
4- الميكانيكية ما بيسرحوش و ليهم ورش بيشتغلوا فيها
5- واضح إنه كان موجود لما سابت العربية و إختمرت فى دماغة الفكرة ... حسبى الله و نعم الوكيل
6- ما أحطش شيكات الناس و شقاهم فى الشماسة ... يعنى الواحد يتقى ربنا شوية
و تصبحوا على خير:bat_467:

رد: اسئله المبتدئين ..عفوا ممنوع الفتى :)))
 

يا نهار اسود ..ايه الهبل ده

ده لما واحد بيعدي جنب العربية وعايز يتكلم تلاقيني قفلت اللوك وطلعت الازاز

وسايب سنتي بس ..