مصر موتورز مجتمع السيارات - رابطه ( قول معاك كام و انا اقولك تجيب ايه بفلوسك )

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - رابطه ( قول معاك كام و انا اقولك تجيب ايه بفلوسك ) (https://www.masrmotors.com/vb/showthread.php?t=64821)

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة dodo_7288 (المشاركة 516618)

مساء الخير على كل المنتدى وأخص بالشكر العضو yahiaashraf . بس بعد اذنك كان عندى سؤال
انا معايا 20000 وبفكر اشترى عربية مع العلم انها أول عربية اركبها. ف ممكن تنصحنى بحاجة فى السعر ده وتستحمل سواقتى اللى فى البداية؟ وشكرا جزيلاً
وأرجو الرد للأهمية

اوك بص حضرتك
عندك سوزوكى ماروتى موديل 98 الى 2000
اللى هى الشكل الجديد فى حدود 19500 جنيه

عندك كمان ستروين ax مود
موديل 96 تعمل من 16 الى 18 الف

عندك كمان سكودا فيفوريت موديل 94 ب 20 الف

مش هقولك بقى اللادا و ال 128

اختار من اللى انا كتبتهم
كلهم عربيات محترمه و قطع غيار متوفره و رخيصه

تحياتى

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة محمد زغلول (المشاركة 516974)

ياباشا ان اسف حضرتك رشحت لى البونتو وانا لقيت الفلوس اللى معى يادوب موديل 97 او زى كده يعنى
معلشى يعنى حاجه فى حدود 30 مش اكثر وياريت 28 الف كمان
المهم قرات ان فى مشكله فى وحده التحكم وتقريبا بيتغير بعد 100 الف كم وسعره بيوصل 2500 او3000
ياترى ايه رايك
وشكرا لكم :k_crying77[1]:

عندك الفيات اونو من موديل 97 الى 2000 فى مش بتزيد عن 27 الف
لو عاوزها انا ممكن ادورلك على واحده حلوه

تحياتى

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة amr_misr (المشاركة 517013)

السلام عليكم
معى مبلغ 50000 ومنت عاوز نصيحه ممكن أشترى مستعمل ايه ولا اقسط واشترى جديد
انا كنت بفكر فى الكريستاله 99 واحد قالى ادفع دول قسط وهاتلك لانسر جديد أحسن .... بس الفرق هيبقى بتاع 60000 كمان وانا بصراحه مبحبش كده الواحد ماشى على طريق ( ربنا يسترها على الجميع ) عاوز اجابه شافيه وافيه لو سمحت لو انت معاك المبلغ ده وهتفكر تشترى هتعمل ايه وهتشترى ايه وموديل كام .... ملحوظه انا عاوز حاجه اتوماتيك ...... شكرا واسف للإطاله

بص يا باشا
انا هقولك على كام موديل بنفس التمن اوتوماتيك

وقولى ايه رايك و لو عاجبك حاجه منهم انا مستعد ادولك منه مستعمل

بص بقى يا سيدى

عندك اوبل استرا موديل 2004 ب 47 الف
اوتوماتيك كامله 1600 سىسى

عندك كمان داتيهاتسو تريوس موديل 2000 فى حدود 48 الف اوتوماتيك

عندك كمان دايو نوبيرا من موديل 2002 الى 2004 تعمل من 45 الى 48 الف
كامله اوتوماتيك

اختار اللى يناسبك من دول

تحياتى

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة emaratyyy (المشاركة 517076)

لو سمحت عايز سيارة من 25000 : 30000 بس تكون بتستحمل اللف الكتيير وقطع غيارها رخيصة ومتوفرة وموفرة فى البنزين ولك جزيل الشكر

بص حضرتك عندك فولكس فاجن بولو موديل 95 ب 30 الف

عندك كمان فيات اونو موديل 2000 او 2001
تعمل من 25 الى 28 الف

فى كمان سوزوكى التو موديل 2008 تعمل 30 الف

و ندك كمان سيات ابيزا موديل 97 فى حدود 29 الف

و عندك كمان سوزوكى ماروتى 2010 او 2009 كسر زيرو تعمل فى حدود 28 الف
او 30 الف و متزيدش عن كده

و اخر حاجه اوبل كورسا موديل 95 تعمل من 28 الى 30 الف

لو حضرتك مش عاوز فوق ال 25 الف

يبقى الماروتى موديل 2002 او 2004

لو من 25 الى 30 زى ما مكتوب حضرتك اختار من الموديلات اللى انا كتبتهم

تحياتى

تحياتى

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة badmood (المشاركة 517480)

شكرا لصاحب الموضوع - الفكره جميله ومفيده بصراحه
اخويا معاه 48 الف وممكن يوصلو 50
عايز عربيه اوتوماتيك نضيفه
ومش كل شويه يروح بيها للميكانيكي - اهم حاجه اوتوماتيك
يجيب ايه بالمبلغ ده

بص حضرتك طلبك ده اول ما شوفته قولت
مفيش غير اوبل استرا موديل 2004 كامله اوتوماتيك ب 43 الف

دى عربيه ممتازه و الله
لو مقتنع بيها انا ممكن ادورله على انظف واحده

و على فكره العربيه مليانه اوبشنز مشوفتهاش فى اى عربيه تانيه

تحياتى