رد: رابطة مالكي الكيا سيفيا فيد واستفد ( صداقة - نقل خبرات )
 

صدقنى مرة حصلت معايا من فترة طويله جدا كنت ذاهب الى مدينة الخطاطبه من طريق مصر اسكندرية الصحراوى ودخلت مدخل الخطاطبه الى دير مارى جرجس . وقضيت اليوم وعند العوده وبمجرد الخروج من الدير بعد حوالى 2 او 3 كيلو اضاءت اللمبه والمسافه الى الطريق الصحراوى حوالى عشرين كيلو وفعلا فى محطه بمجرد خروجك من طريق الخطاطبه الى الطريق قبل يوترن العوده للقاهره وفيها مونت العربيه .

رد: رابطة مالكي الكيا سيفيا فيد واستفد ( صداقة - نقل خبرات )
 

السلام عليكم ورحمة الله وبركاته
أخباركوا ايه يا شباب السيفيا
دلوقتى مشكلة الباور اللى كل مانعمل حاجه تظهر حاجه تانيه اللى حصل أنه بعد ماعملنا طقم الأصلاح و كنت بخرج بالعربيه عادى و مفيش مشاكل
و بعديها حصلت مشكلة طرمبه البنزين و طلعت بسيطه الحمدلله و قلت أخرج بيها أجربها و لقيت وأحنا بنزود الكاوتش زيت الباور نازل كله رجعت للراجل بتاع و قالى أن ده من الخرطوم اللى واصل للأسكاتره و عمله
و بعديها قلت أخرج و المهم ماشى فى أمان الله لقيت العربيه مش راضيه تسحب و هتفصل و قلت يمكن من طرمبة البنزين و أخويا يقلى لأ دى بتلت و المهم ركنت و فتحنا الكبوت و طلع فعلا أنها بتلت عشان السلك اللى واصل لفيشة المبباين المهم ظبطناه
بس لقينا علبة زيت الباور الزيت بيغلى فيها و بيطلع من على الجناب و الصوت طرمبة الباور كاان مسموع جدا يعنى الأول كان صوتها بيبان و أنا بلف الدريكسيون و الراجل كان قايلى ان الطرمبه عندك ضعيفه و أنا دلوقتى هاوديله العربيه و قال أنه يفك الطرمبه و يبص عليها و هيرد عليا بكره أذا كان هتنفع تتصلح و لا مش هينفع
فكنت عايز أعرف اللى بيحصل لما الطرمبه تكون ضعيفه قبل ما أروحله عشان نبقى فاهمين و كمان يا ريت أعرف سعر الطرمبه كام جديد و أستيراد
ومعلش طولت عليكم أوى.<!-- google_ad_section_end -->

رد: رابطة مالكي الكيا سيفيا فيد واستفد ( صداقة - نقل خبرات )
 

السلام عليكم
الحمد لله ربنا اكرمني بعربية كيا سيفيا 2001 اتوماتك حاله ممتازة والحمد لله العربية معايا بقاله 10 ايامفيه مشكلة واحدة بس مش عارف اعمل فيها ايه انا شاريها من القاهرة وانا راجع كنت في العجوزة وفولت العربية 92 ووصلت الاسكندرية وفضلت استعملها عادي جدا لحد لما فضل ربع التانك في خلال 5 ايام كنت سفرت عداد الرحله وانا بفول المهم العربية خدت 33 لتر وكان العاداد عامل 370 لتر فده معدل ممتاز وسفرت العداد تاني وانا بفول لما مؤشر البنزين وصل للشرطة قبل الاخيرة لقيت العداد عامل 270 فولت خدت 41 لتر فكده تقريبا عملت 6.5 كيلو في الليتر مع العلم سحب العربية فوق الممتاز مش عارف اعمل ايه ارجوكم المساعدة

رد: رابطة مالكي الكيا سيفيا فيد واستفد ( صداقة - نقل خبرات )
 

ارجو مساعدتكم في مشكلتي :
معي سيفيا 2002 غيرتها موتور وفتيس اتوماتيك محتاج ضفيرة الموتور دوخت عليها في الحرفيين ملقتهاش قالولي عندك مشط الكنترول بصفين وكل اللي بيجي من بره 3 صف قلت ماشي اجيبها بالكنترول الكهربائي قالي مينفعش تغير احنا نحاول نظبطها بعد ما ظبطها وركبنا الموتور والضفيرة ظهرت علامة chick engine قالي ده بسبب ان الضفيرة قبل كده كان ملعوب فيها كتير وفيه اسلاك ملغيه وفيه فيش ملقتهاش زي فيشه حساس الشكمان فالجهاز مش حيقراها
ساعدوني في مشكلتي لاني حاسس ان معيا كهربائي مشتغلش في العربية دي قبل كده وبيتعلم فيها وموضوع الضفيرة دي الاقيها عند مين وهل ينفع التغيير ولا مينفعش وشكرا لسعة صدركم

رد: رابطة مالكي الكيا سيفيا فيد واستفد ( صداقة - نقل خبرات )
 

ريح دماغك وهاتها جديدة وهي في حدود 700 جم والاستيراد في حدود من 350 جم الي 500 جم وانا لا اضمن الاستيراد والطرمبه كده جابت اخرها وياريت تغيرها في اقرب وقت وربنا معاك