مصر موتورز مجتمع السيارات - تعالوا نتعرف على بعض - اول موضوع مفيد اعمله ههههههههههههههه

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

رد: تعالوا نتعرف على بعض - اول موضوع مفيد اعمله ههههههههههههههه

اولا احب احيى كل الاساتذة اعضاء المنتدى
ثانيا انا عضو جديد بس للاسف ماليش مشاركات لانى لغاية دلوقتى مبعرفش انزل موضوع جديد فى المنتدى وبصراحة اكتر معلوماتى بحس انهال متجيش حاجة جنب الى موجود
ودلوقتى بقى احب اعرفكم بنفسى
اسمى محمد صلاح ساكن فى شبرا الخيمة ولسه مخلص جامعة السنة دى
اتعرفت على الموقع بالصدفة كنت كل اما ابحث عن حاجة تخص العربيات فى النت الاقى الموقع ده يظهرلى من ضمن النتايج بتاعة البحث والاقى فيه المعلومة الى عايزها واما سجلت لقيت فيه اكتر وبالنسبة لعلاقتى بالعربيات فانا مهتم باخبار كل العربيات بكل موديلاتها مع انى مجبتش الا عربية واحدة 128 من كام شهر وكمان قررت ابيعها
وفى النهاية احب اشكر كل القائمين على الموقع وبالذات ابو نورا وكل الاعضاء المؤثرين واقولهم شكرا على كل المعلومات الى بتفيدونا بيها وان شاء الله اقدر انا وكل الاعضاء الجداد الى زيى نشارك فى المنتدى بموضوعات مفيدة زى الى بتكتبوها

رد: تعالوا نتعرف على بعض - اول موضوع مفيد اعمله ههههههههههههههه

اقتباس:

المشاركة الأصلية كتبت بواسطة مممم]]]] (المشاركة 270722)

اهلا بيك معانا يا استاذ محمد وان شاء الله تكون استفدت من المنتدي ومتحاولش تقلل من نفسك شارك بمواضيعك يمكن تكون من وجة نظرك مش مفيدة لكن من وجة نظرنا تكون مهمة جدا وان شاء تكون معانا في مقابلتنا ونورت الموضوع وتقبل تحياتي

رد: تعالوا نتعرف على بعض - اول موضوع مفيد اعمله ههههههههههههههه

الاسم : محمد حمدس
السن : 19 سنه
المهنه : طالب في معهد المساحه بس فاشل جدا
وانا من الناس الي استفادو جدا بهذا المنتي وبالخبر الي موجوده الي قدموها الاعضاء بكل سهوله لأخوتهم وبجد احلي شئ في المنتدي ده الطرابت الي فيه واتمني اكون صديق الي كل الاعضاء الي موجوده GIFT4U

رد: تعالوا نتعرف على بعض - اول موضوع مفيد اعمله ههههههههههههههه

اقتباس:

المشاركة الأصلية كتبت بواسطة دحداحي (المشاركة 272560)

الاسم : محمد حمدس

السن : 19 سنه
المهنه : طالب في معهد المساحه بس فاشل جدا
وانا من الناس الي استفادو جدا بهذا المنتي وبالخبر الي موجوده الي قدموها الاعضاء بكل سهوله لأخوتهم وبجد احلي شئ في المنتدي ده الطرابت الي فيه واتمني اكون صديق الي كل الاعضاء الي موجوده GIFT4U

ههههههههههههههههههههه

اهلا بيك يا كابتن طيار محمد ويا سيدي مين فينا اللي كان مش ضاربها صرمه بس شد حيلك شوية وبعدين يا سيدي احنا كلنا في المنتدي هنا اسرة واحده ولازم اشوفك في مقابلتنا اللي بنعملها دايما وبعدين مين الدحداحي ده هههههههههههههه

رد: تعالوا نتعرف على بعض - اول موضوع مفيد اعمله ههههههههههههههه

انا اسمي احمد حرب
بكاليوريوس كليه التجاره جامعه طنطا دفعه 2002
بشتغل موطف استقبال وحسابات في معمل البرج للتحليل الطبيه من سنه 2004 حتي الان
وده الموقع الرسمي للمعمل
http://www.alborglab.com/27092010/Default_ar.aspx

للاسف انا لسه ماعنديش عربيه لحد دلوقتي بس بدور جديا علي عربيه كويسه
وانا سعيد جدا بالتعرف علي المنتدي واعضاءه