رد: آخر أسعار سوق المستعمل
 

السيد المحترم دكتور/ تامر
السلام عليكم ورحمه الله وبركاته
ارجو من سيادتكم مساعدتى فى الاختيار نظرا لقله خبرتى بالسيارات وثقتى الكمبيره فى حضرتك
افكر فى شراء سياره مستعمله فى حدود 70000جنيه وستكون قسط نظرا لعدم وجود امكانيه سداد كامل المبلغ مره واحده(المقدم من 45000 الى 50000 جنيه) والقسط على سنتين او ثلاثه ومع كثره الاختيارات اصبت بالتوتر والخوف والارتباك. فالسياره التى سيكتب لى الله نصيبى فيها لااريد ان تكون معيوبه من ناحيه الاداء او الاحتياج للصيانه بصفه مستمره او قطع الغيار الغير متوفره او الغاليه.علما بان استخدامى للسياره للعائله فقط( زوجه وطفلين فقط) وذهابى للعمل وهو داخل القاهره فقط والسفر قليل جدا جدا ومسافات ليست كبيره
الاختيارات (حسب الفئه السعريه المتاحه) :
نيسان صنى - تويوتا ياريس- هوندا سيتى - رينو ميجان - فورد فوكاس - جين 2 - بيرسونا - هيونداى النترا
علما بان الاصناف المذكوره كلها اوتوماتيك(لا اريد مانيوال).نظرا لطبيعه حركه المرور فى القاهره.
علما باننى كنت الى وقت قريب(شهر 3/2011) امتلك لانسر1600 بومه 2009 خليجى كلاسيك اوتوماتيك وحضرتك تعلم تمام العلم مدى كفاءه هذه السياره وتم بيعها نظرا لظروف طارئه بسعر بخس(80000 جنيه)
ارجوك ساعدنى فى الاختيار مع اعلامى - ان تكرمت- بسبب رفض او تفضيل موديل عن الاخر.
جزاك الله كل خير والسلام عليكم ورحمه الله وبركاته

رد: آخر أسعار سوق المستعمل
 

د.تامر أنا كنت سألتك من صفحتين فاتوا عن سيارة أونو ولم تجب
فهل السؤال في غير محله أم ماذا؟

رد: آخر أسعار سوق المستعمل
 

أختار لك الصنى لأنها الأقل إحتياجا لصيانة مكلفة كباقى ما ذكرت علاوة على أنها فى الأوتو ممتازة وموتورها موثوق فى طول عمره وقوته وكذلك أعطالها شحيحة
وسيارة تتحمل الطرق المصرية والحرارة الشديدة وثباتها على الطريق مميز

باقى ماذكرت سيارات محترمة لاسيما الميجان والفورد والإلنترا
الميجان هى أفضل إختيار من كافة الوجوه لكن مشكلتها الصيانة المكلفة وهى سيارة معقدة تكنولوجيا والصنى تتفوق عليها من هذا الوجه بساطة وقطع غيار معقولة وصيانة غير مكلفة

رد: آخر أسعار سوق المستعمل
 

لا أستطيع إهمال سؤال أحد ربما أجبت عنه أو سقط سهوا
لطفا أطلب منك إعادة طرح السؤال

رد: آخر أسعار سوق المستعمل
 

السلام عليكم ورحمة الله وبركاته
كيف حالك د.تامر

ممكن تثمن لي سيارة فيات أونو موديل 1998 عاملة 210000 كيلو (مائتين وعشرة ألف)
حالتها الخارجية:
1- واخدة خبطة في الباب الأمامي والرفرف الشمال ومحتاجة سمكرة
2- فيها بارومة خفيفة في بابين
3- محتاجة وش فانوس أمامي واحد فقط

حالتها الداخلية:
1- الموتور محتاج طقم شنبر
2- محتاجة تغيير مقصين أمامي
3- محتاجة بطارية جديدة

وأشكرك مقدماً على مساعدتك

رد: آخر أسعار سوق المستعمل
 

تساوى 24000

رد: آخر أسعار سوق المستعمل
 

ارجو تسعير سيارة اوكتافيا a4 موديل 2004 اتوماتيك فبريكا دواخل بالكامل ما عتبة تحت الباب صغيرة جدا والله محدش يعرفها خالص وملهاش دعوة بالقايم خالص ورشة بره نظافة من غير معجون خالص اى حد يشوفها ميعرفش ان راشة بره كوتش بالكامل جديد وبطارية جديدة وعفشة جديدة بالكامل وتكييف تتش الماتور جديد من 4 شهور