|
|
رد: مغامرات المفتش برومبو
3-<o:p></o:p>
بيت الدكتور احمد هوبة الدكتور النفسانى اللى فاتح عيادته فى اول الحارة <o:p></o:p> الدكتور باين عليه القلق على الاخر وعمال يحرق فى سجاير الواحدة ورا التانية <o:p></o:p> بص لقى جرس الباب بيرن فتح الباب بسرعة لقى برومبو على الباب <o:p></o:p> دكتور هوبة : ادخل بسرعة يابرومبو <o:p></o:p> برومبو : خير يادكترة فيه ايه ........ الجماعة فى البيت قالولى انك طلبتنى مرتين .... خير؟؟ <o:p></o:p> دكتور هوبة : مش خير يابرومبو ........ مصيبة ........ مصيبة كبيرة <o:p></o:p> برومبو : مصيبة ايه كفى الله الشر <o:p></o:p> دكتور هوبة : سالى ماتت .......... ومش عارف ماتت ازاى ولا مين اللى موتها .... بص شوف جثتها عاملة ازاى <o:p></o:p> برومبو : ياساتر يارب ........ البقية فى حياتك يا دكتور ........ عموما سالى كانت كبرت خلاص وتلاقيها كلت حاجة كده والا كده " فى سره قال هو انا هاشوف كمان ايه سبب موت القطط ..... بلاوى والله " <o:p></o:p> فى اللحظة دى رن الموبايل بتاع برومبو وكان اللى بيتصل بيه الرائد ابونورا <o:p></o:p> برومبو : لا مؤاخذة يادكتور....... " الو ........ ايوة ياباشا ..... حاضر ..... تحت امر معاليك ......... فى نفس القهوة ..... نصاية كده وتلاقينى عندك " <o:p></o:p> دكتور هوبة : ايه يابرومبو هاتسيبنى فى المصيبة دى وهاتمشى .... من غير ماتقولى مين اللى موت سالى <o:p></o:p> برومبو : يا دكتور مافيش مصيبة ولا جريمة ......... قطة وعمرها خمستاشر سنة لازم تموت ده طبيعى <o:p></o:p> وبعدين دى كان شكلها ماتت تلت مرات قبل كده ........ ربنا يعوض عليك <o:p></o:p> دكتور هوبة : كده برضه ..... اخص عليك يابرومبو وانا اللى بقول عليك صديقى الوفى والمخلص !!!!! <o:p></o:p> برومبو : يادكتور ماتكبرش المسائل ....... دى سنة الحياة ....... وليك عليا اخلص مشوارى ده وهاعملك مفاجأة هاتعجبك اوى وتنسيك سالى واللى جابو سالى كمان ....... سلام دلوقتى <o:p></o:p> يتبع <o:p></o:p> |
رد: مغامرات المفتش برومبو
موضوع جامد موووووووووووووووت
وياريت ما تتألش علينا فى باقى الحلقات |
رد: مغامرات المفتش برومبو
4
على قهوة كتكوت والترابيزات عمرانة بخلق الله <o:p></o:p> اللى بيلعب طاولة ويرزع بالقواشيط " خشب ....... راحت ياحلو " واللى بيلعب ضومنه " لاست كارت ..... قفلت ياباشا ..... عد اللى معاك " ..... والشيشة التفاح والقص والزغلول متغمسين ومعبقين المكان <o:p></o:p> برومبو دخل القهوة ونده على الواد قصقوصة الصبى <o:p></o:p> " شوفلى ترابيزة نضيفة وكرسيين حلوين وحتة رايقة نعرف نقعد فيها " <o:p></o:p> قصقوصة : منور يابرومبو باشا ....... وعندك احلى قاعدة والقهوة المستكوف المعتبرة لخبير الخبرا <o:p></o:p> برومبو : ماحدش سأل عليا ياد يا قصقص <o:p></o:p> قصوصة : لا ياباشا مافيش ........ انت مستنى حد والا ايه <o:p></o:p> بص برومبوالناحية التانية ولمح الرائد ابو نورا جاى من بعيد وفى لمح البصر نص القهوة جريت توقلش شافت ديناصور <o:p></o:p> قصقوصة : سعادة الباشا ابو نورا بنفسه مشرفنا " يا داهية دقى ابلع الحشيش ياله منك له" <o:p></o:p> برومبو : ماتخافش ياقصقوصة الباشا جاى عايزنى فى موضوع خصوصى مش كبسة ولا حاجة <o:p></o:p> قصقوصة : الامر مايسلمش برضك يا باشا ........ زاى مانت شايف نص القهوة جرى ........ والباقى ناقص يعملها على روحه <o:p></o:p> برومبو : اهلا ابو نورا باشا ...منور ... القهوة المظبوط بتاعة سعادة الباشا من البن الغالى اللى انا جايبه <o:p></o:p> ابو نورا : عندى خبر زاى الزفت ......... هايسحبو الترخيص بتاع المكتب بتاعك ويقفلوه <o:p></o:p> برومبو : يا نهار طين ....... ليه ياباشا انا عملت ايه ........ دى اخرتها والا على رأى المثل " اخرة خدمة الغز علقة " <o:p></o:p> ابونورا : لا غز ولا يحزنون ....... الحكاية ومافيها ان موضوع مساعدتك ليا بقى واضح للكل ........ وفيه ناس غيرانة منى ومنك ياسيدى <o:p></o:p> برومبو : ناس مين ياباشا .......سيبنى عليهم وانا اكلهم بسنانى ...... ده المكتب ده فاتح اربع بيوت وكل بيت فيه وحوش بقها مفتوح مابيتسدش ...... نعمل ايه يعنى <o:p></o:p> ابو نورا : والله مش عارف اقولك ايه يابرومبو ........ بس اكيد مش هاستغنى عنك وهانشتغل مع بعض دكاكينى <o:p></o:p> برومبو : ياباشا الشغل بتاعكم حلو وكل حاجة بس المكتب برضه قيمة وسيما وبيجى من وراه شغل اضافى بيسند الواحد <o:p></o:p> ابو نورا : المكتب هايصدر قرار بقفله خلاص وسحب الترخيص بتاعه خلال ساعات حاول تشوفلك شغلة تانية ........ وانا برضه مش هاسيبك <o:p></o:p> برومبو : هو النهار باين من اوله ....... وبعدين بقى فى الحوسة دى ........ عشانا عليك يارب <o:p></o:p> ابونورا : انت هاتشحت من اولها ..... عموما انا حبيت اقولك بنفسى بدل ماتعرف من حد تانى خللى بالك من نفسك وخلينا على اتصال ........ وسلملى على سوكة وزومة ومجانص .......سلام <o:p></o:p> برومبو : سلاااااااااام <o:p></o:p> يتبع<o:p></o:p> |
رد: مغامرات المفتش برومبو
5<o:p></o:p>
مكتب وزير الداخلية والدنيا مقلوبة وفيه اجتماع مغلق بين الوزير ومدير الامن ورئيس المباحث د / بولبولان <o:p></o:p> الوزير : اللى حصل ده كارثة بكل المقاييس ..... شخصية مهمة جدا تتخطف وتختفى وفين فى منطقة الهرم وفيه حراسة مشددة معاه <o:p></o:p> مدير الامن : بصراحة معاليك مش عارفين اى تفاصيل عن الحادثة وكمان الجماعة اللى خطفوه مااعلنوش عن مطالبهم <o:p></o:p> د / بولبولان : واحنا لسه هانستنى لما يعلنو .......... الحراسة اللى كانت مرافقة للراجل كانت فين <o:p></o:p> مدير الامن : قائد فريق الحراسات الخاصة بيقول ان الراجل كان فى زيارة لمنطقة الهرم ودخل الهرم فعلا وماخرجش منه تانى <o:p></o:p> الوزير : يعنى الراجل اتخطف ازاى جوة الهرم دى فضيحة <o:p></o:p> د / بولبولان : والحراسة مادخلتش معاه ليه <o:p></o:p> مدير الامن : سعادتك عارف ان ده ممنوع ....... الحراسة بتستنى برة لحد لما يخلص زيارة <o:p></o:p> الوزير : والحل <o:p></o:p> د / بولبولان : لازم نعرف الاول الراجل ده اتخطف ازاى ومين ورا العملية دى وايه هى طلباتهم <o:p></o:p> الوزير : قدامك 48 ساعة بس تعرفلى كل حاجة عن العملية دى وترجع الراجل والا ....... هاتحصل ازمة دوبلوماسية خطيرة <o:p></o:p> مدير الامن : ازمة ايه يافندم <o:p></o:p> الوزير : سفير الدولة اللى الراجل ده تبعها ادانا مهلة 48 ساعة بس ....... والا هايصعد الموقف لمجلس الامن <o:p></o:p> د / بولبولان : مجلس الامن مرة واحدة ........ ليه هو الراجل ده مين <o:p></o:p> الوزير : الملحق العسكرى الاسرائيلى <o:p></o:p> يتبع <o:p></o:p> |
رد: مغامرات المفتش برومبو
ربنا ياخده يارب (الملحق العسكرى الاسرائيلى)
قولو أمين وموضوع جامد أوى ومستنين باقى الحلقات بسرعة |
| الساعة الآن 04:24 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017