مصر موتورز مجتمع السيارات - آخر أسعار سوق المستعمل

دكتور تامر انا ليا استفسارين بعد اذنك انا عندى ابيزا 94 مواصفاتها كالتالي
glx متور 1300 4 زجاج كهربا وفرش جلد وانذار وسنتر وجنوط اسبور وكاسيت سوني اكسبلويد وسماعات سوني
والسيارة ماتور وعفشة ممتازين مافيهاش اى مصاريف عاوز اعرف سعرها كام
والاستفسار التاني انى ادامى عربية فابيا سيدان 1200 بي 43 الف عاوز اعرف العربية دى كويسة ولا لاء كسيارة عموما وشكرا لك

عربيتك تساوى 30000 لو بحالة جيدة جدا
الفابيا سيارة عادية قطع غيارها وصيانتها مكلفة وخشنة نوعا لو إبيزا فى نفس الموديل تبقى أفضل
لو أول أربيعينات تفكر فى أكسنت ولانوس وفيرنا

د0تامر محمد

15-06-2010 03:41 AM

رد: آخر أسعار سوق المستعمل

اقتباس:

المشاركة الأصلية كتبت بواسطة toto11 (المشاركة 199072)

لو سمحت انا عايزة اعرف لوعربية جيتز اتوماتك موديل 2007 عاملة 90 الف كيلوا تعمل كام.
ورايك ايه فى الجيتز عموما (مانيوال او اتوماتك).
معلش سؤال تانى هى فى منها 1100 سى سى اصل انا اعرف انها 1600 سى سى فقط وايه رايك فى جيتز 1100 موديل 2004 وتكون سعرها ايه
معلش اسئلة كتيرة بس امامى الاتنين ومحتار اختار من حيث الجودة والسعر

ال2007=55
ال2004=40000
المانيوال أفضل عامة فى الكورى
موديلات 2004 و2005 موتور 1100
ال1600 أفضل كأداء وقوة وجودة

د0تامر محمد

15-06-2010 03:45 AM

رد: آخر أسعار سوق المستعمل

اقتباس:

المشاركة الأصلية كتبت بواسطة ابا رضوى (المشاركة 199203)

دكتور تامر انا متابع لاسعار حضرتك وجزاك الله كل الخير على المجهود وكنت عايز اعرف من حضرتك اسعار السويفت والكيا بريد وحضرتك تفضل ايه وشكرا لحضرتك

السويفت قطع غيار متوفرة جدا ورخيصة وصيانة سهلة من عيوبها ضعف الشاسية والصاج وإنخفاض إرتفاعها وضعف عفشتها وقلة ثباتها
السعر من 22-28 لحالات جيدة حسب الموديل (قبل 94 يابانى و95-96-97-98 مصرى)
البرايد فى منها هتشباك (عصفورة) وسيدان والسعر من 24-35 مو95- 2004
البرايد كسيارة أقوى وأفضل وأثبت قطع غيارها أغلى

د0تامر محمد

15-06-2010 03:49 AM

رد: آخر أسعار سوق المستعمل

اقتباس:

المشاركة الأصلية كتبت بواسطة ميمو1000 (المشاركة 199259)

السلام عليكم ورحمة الله وبركاته ...... ازيك يا دكتور
من فضلك يادكتور هيونداى النترا موديل 2005 خليجى أوتوماتيك فابريكة برة وجوة مش محتاجة مصاريف
بها جهاز انذار ومن أول مالك سعرها يكون كام.... وقطع غيارها غالية ولا رخيصة ومتوفرة ولا مش متوفرة طيب هى أحسن ولا لانوس 2008 أو 2009 من حيث الانتشارو سهولة الصيانة وسهولة اعادة البيع راى حضرتك ايه ....وجزاك الله خير

هى أفضل كأداء وخامات وتقفيل وجودة من لانوس
قطع غيارها متوسطة وموجودة
من حيث الإنتشار أقل بكثير من لانوس وهى ميزة لأنها ليست سيارة شعبية
عموما الإلنترا هذه سيارة مطلوبة وصيانتها جيدة بلا مشاكل وأعطالها قليلة
السعر 65000

morasaad

15-06-2010 10:22 AM

رد: آخر أسعار سوق المستعمل

السلام عليكم ورحمة الله
دكتور تامر متشكرين جدا على مجهودك وتعبك معانا فى الرد على اسئلتنا ومشاكلنا

بعد اذن حضرتك ازاى اعرف ان العربية دى سليمة خصوصا ان اغلبيه الاعلانات بتكتب ان السياره مجدده بالكامل هل هي بذلك سليمه ام غير ذلك وكيف اعرف صدق البائع من كلامه او السؤال اللي ممكن اكشفه بيه خصوصا اني نزلت اكتر من مره مع الميكانيكي علي الاعلانات ولم اوفق مماكلفني وقت وجهد مع تباعد اماكن البائعين مع العلم اني ببحث عن ريجاتا

الساعة الآن 01:40 AM.

صفحة 418 من 735