مصر موتورز مجتمع السيارات - التحايل "الاخوانى"!!

مسرحية البلتاجى وحجازى : احنا بتوع الاتوبيس ..بالصور

السبت 7 ديسمبر 2013 6:42:49 م

مسرحية هزلية قام ببطولتها اثنين من كومبارس الجماعه المحظورة امام عدسات المصورين اليوم فى اثناء جلسة محاكمتهم .

حجازى والبلتاجى ليسوا سوى اراجوزات الجماعه تدربوا على تلك المسرحية خلال الايام الماضيه استعدادا لرفع الستار .

وهذا هو السيناريو الذى دار بينهم

صفوت : يا بلتاجى حنعمل أيه ، احنا لسانا الطويل خلى القبض علينا مطلب شعبى
البلتاجى: يا صفوت ما يهمكش بكره حتقوم ثورة تانيه واصحابنا فى حماس حيفتحولنا السجون ونرجع تانى للحكم
صفوت : حكم ايه يا أهبل هو احنا كنا بنحكم اصلا ، احنا كنا بنضحك على العيال الصغيرين بتوع الجماعه انما ما حدش منا بقى وزير وحتى انا ما وافقتوش ادخل البرلمان زيك
البلتاجى : يا صفوت ما يهمكش المرة الجاية كلنا حنبقى فى الوزارة بس نخرج من هنا الأول
صفوت : وحنعمل ايه فى المحاكم دى
البلتاجى : حنعمل عبط طبعا
صفوت : ازاى
البلتاجى : ابدا حنخرج واحنا بنضحك على الاخر وكأننا اسعد ناس فى الدنيا وصابرين ومش هممنا اى حاجه
صفوت : ايوه بس لازم نرفع اشارة رابعه فى وشهم كلهم
البلتاجى : اكيد حنرفع اشارة رابعه بايدينا الاتنين وبرجلينا لو قدرنا كمان
صفوت : بس صحيح قولى هى يعنى اشارة رابعه اللى احنا رافعنها دى
البلتاجى :بينى وبينك وما تقولش لحد انا ولا اعرف ، انا جاتلى تعليمات نرفع الاشارة دى وخلاص وكل الناس الهبل اللى برا حيقلدونا وخلاص
صفوت : بس مش عارف انا حاسس انها اشارة مش تمام
البلتاجى : انا كمان يا صفوت حاسس انها اشارة عيب وفيها لغز محيرنى
صفوت : تصدق انا كنت لسه حاقولك كده الاشارة دى حاسسها مقلب وشربناه
البلتاجى : ازاى مقلب يا صفصف
صفوت : مش كنا بنقول مرسى حيقعد مدتين فى الرئاسة كل مده 4 سنين البلتاجى : ايوه بس ده ايه علاقته بالموضوع
صفوت : اقولك احنا رافعين اربع صوابع وموطيين الصباع الخامس ، وحاسس ان كده معناها كأنهم لبسونا فى الحيط وبيتريقوا على الاربع سنين اللى ما كملش منهم الا سنة واحده وياريتها كانت عدله كانت سنة منيلة وكان موطى على الاخر وشبع تريقه وشتيمه من الكل زى الصباع الخامس اللى احنا عاملينه ده
البلتاجى : يا صفوت انا ما اعرفش اللى انت بتقوله ده ، دى تعليمات ارفع صوابعك وانت ساكت بقى وما تقرفنيش بتحليلاتك دى
صفوت : يا عمى انتو حرين اهو يا سيدى حارفع الصوابع معاك اهو
البلتاجى : ايوه كده برافو عليك انت حتمسك وزارة الشباب والرياضة ما تقلقش انا حاوصيهم عليك
صفوت : صحيح قولى مين بنات 7 الصبح اللى بعتلهم رسالة دول
البلتاجى : ولا اعرفهم يا ابنى لا بتوع 7 الصبح ولا غيره وما اعرفش الا اغنية الجسمى بتاعة 6 الصبح
صفوت : وايه حكاية الاغتصاب دى يا بلتاجى اللى قلت عليها انت والعريان
البلتاجى : يا عم ده العريان قالك اهو نقول كده يمكن ينقلونا فى اى سجن تانى بينك وبينك قرفان من باقى الإخوه من ساعة ما ضحكوا عليه ولا بقى وزير خارجيه ولا غيره وقالك بالمرة اهو يمكن يوقعوا علينا الكشف الطبى ونروح المستشفى نغير جو يومين هناك

صفوت : يا ولاد الايه ازاى ما جاتليش الفكرة دى ، انا بكره حاقول انهم تحرشوا بيا خصوصا بعد اللوك الجامد اللى كنت عامله ده
البلتاجى : عيش يا معلم وقول اللى فى نفسك هو الكلام بفلوس
صفوت : امسك ايدى والنبى يا بلتاجى انا بتجيلى دوخة وكرشة نفس وخايف اقع
البلتاجى : اثبت يا صفصف واشرب بيريل هات ايدك فى ايدى واضحك اوى صفوت : اهو هاااااااااااااااااااااااا اااا
البلتاجى : ما تنساش اى سؤال يتسألك تجاوب بكلمتين : انا مش معاهم ، انا مش إخوان
صفوت : ماشى ماشى ولا اقولك تعالى نستهبل اكتر ونقولهم احنا بتوع الاتوبيس
البلتاجى : فكرة حلوة يا صفصف اهتف معايا :
احنا بتووووووع الاتوبيس

http://elbashayeronline.com/upload/i...khu78s4a4k.jpg

http://elbashayeronline.com/upload/i...j82h3oogmy.jpg

http://elbashayeronline.com/upload/i...h4aftcsrnu.jpg

http://elbashayeronline.com/upload/i...qxcabm7he8.jpg

http://elbashayeronline.com/upload/i...du0nd6nc0b.jpg

http://elbashayeronline.com/upload/i...38mhhzfhb0.jpg

http://elbashayeronline.com/upload/i...8sf7nrjrvk.jpg

http://elbashayeronline.com/upload/i...2v7ynicku8.jpg