|
رد: للأيجار التحفة هيونداي النترا 2012 الشكل الجديد للأفراح وحفلات الزفاف فقط 250 جنية
:coptic_Thutmosis1S:
|
رد: للأيجار التحفة هيونداي النترا 2012 الشكل الجديد للأفراح وحفلات الزفاف فقط 250 جنية
:Bravo:.................. ....
|
مشروع مكتب تأجير سيارات
تحية طيبة الى كل المتخصصين والعاملين بمجال مكاتب تأجير السيارات فى هذا المنتدى
انا افكر جديا فى فتح مكتب تأجير سيارات فى مدينة 6 اكتوبر والحمد لله امتلك محل صغير ولكن.... انا ليس لدى خبرة فى هذا المجال واتمنى مساعدتكم لى من ...اوراق التأسيس ....اقل كمية سيارات ....كيفية الحصول على سيارات عن طريق ( بنك فيصل الاسلامى ) وماهى المخاطر التى اتنبه اليها من البداية والامور الاخرى . انا وناوى بأذن الله استقر السنة الجاية فى مصر واشتغل فى اى مكتب لأكتساب الخبرة العملية قبل البدء فى النشاط وياريت حد يتقضل على نظريا ازاى ابتدى فى هذا المشروع او دراسة جدوى عظيم شكرى وامتنانى لكم على مساندتكم اخوكم / صبرى |
رد: مشروع مكتب تأجير سيارات
اولاً اهلاً بيك فى مصر موتورز ونتمنى نقدر نفيدك
بالنسبة لمشاريع ايجار السيارات فهى كانت بيزنس رائج الفترة اللى فاتت نظراً لعدة عوامل اهمها ان السياحة كانت شغالة والبلد عموماً شغالة والبنوك كانت بتطلع عربيات بشكل اسهل بكتير من دلوقتى لكن الحال دلوقتى نايم جداً وواضح ان حضرتك لسه معندكش خبرة فده هيخلى المخاطرة كبيرة نوعاً ما وزى ما حضرتك قولت افضل انك تبداء فى مكان شغال تاخد خبرة وبعدين تفتح المكان بتاعك طبعاً التفاصيل كتير وتحتاج لمواضيع وصفحات ومفيش نموزج ثابت للنوع ده من التجارة بالعكس كل صاحب مكتب شغلة بيختلف عن التانى فمثلاً فيه ناس مظبطة مع شركات وعربياتهم مليكيتهم الخاصة غير واحد بياخد عربيات من ناس ايجار ويطلعها لناس تانية بالايام غير واحد عندة عربيتن تلاتة وبيطلعهم افراح ومشاوير واللى شغال ايجار بس غير اللى شغال كمان تعليم قيادة او تقسيط وطبعاً فيه اللى شغال بالاصول وبما يرضى الله وفيه اللى شغال شمال فمستحيل حد يحكيلك كل ده فى موضوع واحد انصحك زى ما قولنا تبداء تاخد التجربة العملية بالشغل وهنا فى المنتدى هتلاقى مواضيع سابقة كتير بتتكلم عن مشاريع الايجار اقراءها هتلاقى فيها افادة كبيرة واحنا معاك بعدها فى اى سؤال محدد واهلاً بيك فى مصر موتورز مرة تانية |
رد: مشروع مكتب تأجير سيارات
سيدى العزيز ... سعدت بردك كثيرا ربنا يباركرك لكن ياصحبى ...تقريبا كل المواضيع اللى فى المنتدى هى من اصحاب محلات تأجير السيارات تتلخص فى انهم بيخاطبو الناس عشان اللى عندهم عربيات يأجروها لمكاتبهم لكن انا كان سؤالى موجه لأصحاب المكاتب انفسهم كى اتعلم منهم كيفية ادارة المكتب ولكن لا يريدن ان يعلمو الناس مايعلمون وقال الملك " كان الله فى عون العبد مادام العبد فى عون اخيه "وأن الله في عونالعبد ما دام العبد في عون اخيه تقضي لأخيك حاجة كأن تعلمه أو ترشده أو تحمله
أو تقرضه أو تشفع له في خير أفضل عند الله من ثواب اعتكافك شهرا كاملا فعن عبدالله بن عمر رضي الله عنهما أن رسول الله صلى الله عليه وسلم قال : ( أحب الناس إلى الله أنفعهم ، وأحب الأعمال إلى الله عز وجل سرور تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ولأن أمشي مع أخي المسلم في حاجة أحب إليّ من أن اعتكف في المسجد شهرا ومن كف غضبه ستر الله عورته ومن كظم غيظا ولو شاء أن يمضيه أمضاه ملأ الله قلبه رضا يوم القيامة ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام وإن سوء الخلق ليفسد العمل كما يفسد الخل العسل ) شكرا لك اخى الكريم |
رد: مشروع مكتب تأجير سيارات
مكاتب الايجار بتعتمد على السيارات الحديث فقط يعني العربية ميعديش علية بحد اقصى خمس سنوات
الافضل تجيب سيارة فرنا كاش في حدود 60000 تكون مسعمله موديل 2013 لان الفرنه اخر موديل ليها 2013وتجيب كيا سيراتو اقساط بس استنا لما ينزل الشكل الجديد في شهر 7 سنه 2013 وتامن على العربيتين والاهم مكتب يكون في مكان كويس ويكون ديكور كويس لان الشغل دة بيعتمد على المظهر و تعمل سجل تجاري وبطاقة ضريبية بعد كدة بتفتح المكتب ودور على عربيتين غير الموجدين عشان يمشو المكتب يفضل النترا وفرنا او لانوس او ابترا اومستوبيشي وبتعمل مع اصحاب السيارات عقد ايجار بيكون عادة من سنتين الي ثلاث سنوات وبتديلو صورة من السجل التجاري ومن البطاقة الضريبية ومن البطاقة الشخصية واياك من اعطائة وصل امانة لان العقد بيلزمك بالسيارة وبتجيب واحد ثقة مهمتو يطلع ب السيارة كسائق ويبق في المكتب يساعد وبتشوف محامي كويس تبقى تعرفو عشان الطوارق وبتتفق مع مكتب تاني عشان تعمل اكتفئ مع بعض في حالة لواتزنقت ومع الوقت بتفهم اكتر اية كمية السيارات المنسب للمكتب وبتوفرها بعض الملحوظات 1- خلي السيارات اوتومتك 2- ابعد عن الطمع 3- ادرعملك بنفسك 4- لا توجر بدون سائق اقل من 3 ايام في غير الصيف اسبوع في الصيف اقل من ذالك بسائق 5- افتح المشروع في شهر 4 او 5 عشان تلحق موسم الصيف لانة بيعمل دخل اكتر من باقي السنة 6- عند التاجير تاكد من وجود رخصة وبطاقة سارية 7- لضمان حقق بتكتب عقد وبتعمل مكت للسياره وبتكتبو وصل امانة وبتتاكد من مكان السكن لان البطاقه ممكن تكون مكتوب فيها عنوان ويكون الشخص يسكن في مكان اخر وممكن تخلى المستاجر يجيب ضامن 8- ابعد عن المجاملات مع الاصدقاء و الاقارب لان دة باب رزق 9- لو اخرجت جميع السيارات لا تغلق المكتب 10- ارجو ان اكون افتك والله الموفق |
رد: مشروع مكتب تأجير سيارات
الاستاذ / محمود المحترم
وفقك الله ورعاك ... وادعو الله لك دوم السعادة والتوفيق فى الدارين كنت قد ارسلت لك رسالة اكثر تفصيلا على الخاص يرجى التكرم بقراءتها اخوك / صبرى |
| الساعة الآن 08:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017