|
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
اشتريت البوما الحمدالله من المستورد ذات نفسة وركبتهم وتاع العفشة قالي انهم حلويين ولكن انا بجد محتاج مساعدتكم ورائيكم بشكل سريع جدا انا كنت عند اي مطب او فرمله جامدة سنه الاحظ ان لمبه الزيت بتنور لثواني كدا وترجع تطفي المهم اميارح كنت عند الميكانيكي وقلتله عا الموضوع دا قثالي طيب لما اشوف مقاس الزيت والصراحة انا بكسل من ناحية الموضوع دا المهم لما طلع المقاس وقف قدامي مبلم وبيقولي المقاس مش جايب زيت انا كمان بلمت والمهم قالي لازم انزل الزيت واشوف الي نزل من العربية نص كيلو بالكتر وانا واقف اقول الحمدالله ان الموتور ماجرلوش حاجة المهم جبنا زيت رخيص يعمل الف ونص كيلو وقالي امشي علية لحد الف وشوف الدنيا هايحصل فيها اية انا هامشي علية 700 او 800 وطبعا مع المتابعة المستمرة جدا المهم هو بيقولي انه لو حصل تاكل بالمنظر دا تاني هانفك ويا اما طقم شنبر ياما نضطر لعمرة لاقدر الله وهو قالي لازم تبقي عامل حسابك في الفلوس لعمرة لاننا مش هانعرف الامور الا لما نفك الميكانيكي دا انا بعاملة من سنين وهو كويس ومش رائي وبس وربنا كارمة بزابين كتير انما بردوا ان عارفين الصنيعيةبيحبوا يعملوا شغل مش عارف بقي هو مافيش زية ولا في الصنعة ولا المعاملة لان غيرة هايبقي اوحش منه بمراحل انا كنت حاطط ليكوي مولي المعدني اللي بيعمل 5000 كيلو وانا كنت عامل لحد مانزل حوالي 4500 ك اول مرة العربية تاكل زيت بالمنظر دا العربية مافيهاش اي دخنه ارجوكم قولي رائيكم واية اللي ممكن يكون السبب وطبعا مافيش حاجة بتشر زيت لاني مش ممكن هاكون شوفت زيت بيشر واسكت بجد متلخبط ومستني منكم نصيحة وشكرا وعذرا عا الاطاله |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
مبروك على المساعدين الجديده وبالنسبه لمسألة الزيت بلاش ليكوى مولى لانه للاسف اثبت فشله و انا من راى الخاص خليك فى زيت التعاون البرتقالى ب 60 جنية بيعمل 2000 كيلو او فى زيت شل الاحمر ب 75 جنية بيعمل 3000 كيلوا ومتغيرش عن النوعين دول بس بشرط والشرط ده مهم جدااااا اوعى تغير زيت فى محلات الزيوت العادية لما تحب تغير زيت مثلا عاوز تحط زيت التعاون روح اى بنزينة تعاون وغير الزيت من عندهم عاوز تحط زيت شل روح اى بنزينه شل وحط زيت من البنزينه نفسها لان كل زيوت المحلات مضروبة مضروبة مضروبة وعلى العموم جرب وشوف ايه اخبار الزيت لو نقص يبقى خلاص استعوض ربنا وفك الماتور وشوف فيه ايه وصلحه اذا كان نص عمرة و عمرة كاملة وربنا ييسر لك الامور |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
ا/ سيد تحية عطرة ومتشكر لردكم السريع معقول الليكوي مولي اثبت انه فاشل تعرف انا اميل لاني اصدقك في الموضوع دا لان انا عمر ما الماتور عندي كل الزيت بالمنظر دا انا كل ماافتكر اقول الحمدالله ان ماحصلش حاجة انا دلوقتي ومؤقتا حاطط كالتكس اي حاجة للمتابعة بس وبعدين انا ناوي لو انشاء الله مافيش حاجة وادعوا معايا انه مايبقاش فية حاجة لانو بجد مش وقته خالص هاحط شيل بس انا كنت ناوي علي شيل الاصفر اللي هو بيعمل 3000 كيلو وب 120 او 130 مش فاكر انما لاقيت حضرتك بتقولي شيل الاحمر بيعمل 2000 كيلو وب 75 جنية انا مش فاهم ازاي
ديا حاجة وانا مش بشتري من محلات ابدا انما الشيل هاشترية من الموزع الرئيسي عدنا ففي محافظتنا لاننا للاسف معنداش محطة شيل بس دا الموز الاكبر في المحافظة يعني اي حد بيبيع شل بيشتري منه ارجو توضيح موضوع الجركن الاحمر في الشل والجركن الاصفر واية موضوع فشل الليكوي مولي اول مرة المكنه تاكل عندي الزيت بالمنظر دا |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
اولا الحمد لله ان مفيش حاجه حصلت ثانيا زيت لكوى مولى للاسف اثبت فشل زريع بمعنى الكلمه وبلاش حضرتك تجربوا تانى وبالنسبه لزيت شل الاصفر ابو 120 جنية فده بيقعد 5000 كيلو ولا انصح به لل 128 نهائيا وزيت شل الاحمر بحوالى 75 جنية بيقعد 3000 كيلو وممكن نحطة عادى فى ال 128 بشرط المراقبة المستمرة لمقياس الزيت يوميا وان شاء الله الماتور ميكونش فيه حاجه باذن الله تحياتى لحضرتك |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
ياريت تقولى هل الديسك بتاع الستروين افضل من الحالى 128 وفين بيتباع ونوعه بالضبط وسعره علشان ناوى اجرب واركب ولو فى اى معلومة او توجيه علشان اكون فى الصورة تمام وألف شكر ليك |
| الساعة الآن 10:28 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017