رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

تحياتى للجميع : من فضلكم حد ممكن يدلنى على مكان رقم الموتور فى الستروين بيكاسو اكسارا 200سى سى ؟ ولكم جزيل الشكر

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

أنا عربيتي رينو لاجونا 1
وعايز اعمل فيها حبة شغل

انا عايز اغير طنابير أمامية

ومقصات أمامية

وريداتير

واغير سير الكاتينة والسير العمومي

وكمان حساس الشكمان

وأكشف على الفتيس الأوتو ومشكلته كالآتي
بعد تغيير زيت الفتيس ( mobil 320 )
الغيار الثالث بيتأخر شوية وساعات لما ييجي ينقل متأخر يروح صوت العربية عالي وواطي بعدها علطول يعني تعمل ( فوووم ) صوت يعني
وساعات بتنقل عادي خالص
وأيضا ساعات وأنا مسافر بس مشاوير طويلة تروح جايبة غيار عكسي ومتنقلش الا لو بطلت العربية ودورتها تاني وطبعا تروح منورة service ,, وساعات بتمشي زي الفل وبتعملش حاجة خالص

لو تعرف حضرتك تفيدني أجيب قطع الغيار منين وبالذات الريداتير
ولو في مركز صيانة محترم ممكن اروحه أو ميكانيكي محترم بس أهم حاجة الأمانة والصنعة وانه يبقى عارف يشتغل في العربية وشكرا

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

ال فى العربية عندك ده ممكن يكون فلتر البنزين مكتوم شوف اخر مرة امتى غيرته ولو الفلتر سليم وسالك تمام ممكن يكون ضغط طلمبة البنزين ضعيف وده يفضل الكشف بالجهاز اما بالنسبة للكالون يفضل يعاد ضبطه عند أخصائي كوالين

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

ياباشمهندس.... اسف للازعاج .. بس ممكن توضيح
هو فعلا فيه مشكله في فتيس الاوتوماتيك بتاع ال c4 لغاية موديل 2006 ... وياتري المشكله دي اتحلت في الموديلات اللي بعد كده .. ولا الكلام دا مش مظبوط ؟؟؟
وياتري لو الكلام مظبوط .. نفس المشكله دي موجوده في ال c3

ثانيا ... هو ال c3 الموجوده الفتيس اسمه تقريبا tiptronic والقديم منها قبل 2010 اسمه
sensodrive
هما دول فعلا اوتوماتيك في السواقه والفرق بس في التصنيع ... ولا فيه فرق في السواقه عم الاتوماتيك العادي ...
وياتري اي نوع من الفتيس احسن ؟؟؟؟

وشكرا جزيلاااااااااا

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

الفتيس ال c4 مش نازل بعيب ولا حاجة بس ساعات الفتيس ممكن يتعرض لارتفاع درجة الحرارة عن الطبيعى نتيجة خلل فى دائرة التبريد. او عطل فى مروحة التبريد لو ال راكب العربية تجاهل ارتفاع درجة الحرارة ده بيأثر على الفتيس او ممكن اويلسيل يتلف فينقص الزيت وده برضو يأثر على الفتيس جداً يعنى كل العيوب نتيجة إهمال فى الصيانة لأكن انا اعرف ناس عاملة كيلو متر اكتر من 200000 كم وفنييها ماشى تمام علشان بيحترموا العربية وصيانة محترمة ف بالتالى المحصلة ها يكون الفتيس معمر
و قيس ده على كل السيارات الفرنسية وغير الفرنسية
وكمان ال c3 نفس القصة اما بالنسبة ال c3 وطبعا بالنسبة للفتيات المانول كهربا ذى البلوريال فهى عبارة عن وحدتين تحكم كهربا واحدة للدبرياج واسمها اكتويتور لفصل الدبرياج وواحدة سلكتور لنقل الغيارات وطبعا دول بيتحكم فيهم الكنترول الخاص بالفتيس وطبعا ليهم عمر افتراضى وليهم برمجة بالجهاز يعنى فى مانول معين للصيانة قبل تلف اي قطع بالاوضح ممكن تعطل العربية نتيجة اى خلل فى الكهربا مثلا ذى تلف الدينامو فلو ذاد الفوات او نقص عن الحد الطبيعى ممكن العربية تفصل فتيس وبعد إصلاح العطل لازم تبرمج من جديد وتبقى ذى الفل اهم حاجة وباقولها مليون مرة اى سيارة حديثة لازم ال يشتغل فيها لازم يكون عنده خلفية عن لغة التفاهم مع السيارة سوى بالخبرة او الاجهزة
أتمنى أكون قدرت أفيد ال يشوف. الكلام ده

وشكرا
فريد شوقى

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

ده اكيد الفيوز الخاص بالباور لأما. ممكن الهاردوير فيه مشكلة