المشاركة الأصلية كتبت بواسطة tamer_cairo (المشاركة 209182)

شكرا ليك يااستاذ عمرو بس انا بردو مش فاهم اسئلتك دى عشان تطلع ثغرة او عيب ولا عشان تستفيد واضح ان حضرتك فى التامين ولو عشان تنصحنى متقلقش انا بحضر الدكتوراه ومحدش هيضحك عليا وعلى فكرة صدقنى الانسان عمره مهياخد خطوه لو باصص لحد وسايب طريقه يعنى من ساعه مدخلت وانا شايف هجوم ومحاوله لكشف خطا الغير وده من اكثر من شخص مقصدش اضايق حد بس بامانه ياجماعه هوا ده عيبنا كمصريين بره المنافسه شريفه جدا جد ا وبعدين حضرتك متنساش ان ده فى الاول وفى الاخر رزق من ربنا سبحانه وتعالى فاتمنى ان بدل حضرتك متسال على اصدار غيرك اهتم بالاتى اين عروضك ؟ واين مميزاتك؟ وماذا قدمت لمصر موتورز؟ وما هى الخدمات التى استفاد منها اعضاء هذا المنتدى؟ وشكرا لحضرتك وعلى فكرة صدقنى بامانه وبدون انحياز لشخص لو هيا نفس سعر جميع الاعضاء هتعامل معاها كفايا زوئها مع الناس اللى بيهاجموها واضح انها انسانه واثقه فى نفسها ومعتمده على ربنا ومقتنعه بالارزاق طولت على حضرتك بس سامحنى انا لو كنت حسيت ان السؤال للافاده كنت قلت لحضرتك كل بنود الوثيقه

المشاركة الأصلية كتبت بواسطة tamer_cairo (المشاركة 209038)

الصراحه انا كنت من 4 ايام ببحث عن تامين لسيارتى ودخلت جوجل وبعدين دخلت على منتداكم اللممتاز اللى لقيت فيه عرض من م مرنا بسعر كويس بس الصراحه مصدقتهوش فى الاول ومتزعليش منى يا مدام مرنا وكلمتها فى التليفون واكدتلى الخصم ورحت شركه قناه السويس للتامين وفعلا قابلونى مقابله جيده وكانت المفاحاه انى دفعت بامانه اقل من السعر اللى موجود فى الوثيقه بكتير وكانت صادقه فى النسبه فعلا وبشكر مصر موتورز بامانه انكم فى خدمه فى موقعكم بالشكل الجميل ده والرائع ده عشان كده دخلت وسجلت نفسى عضو واقبلوا انى انضم للمنتدى وبشكركم وبشكر م مرنا كتيير وربنا يوفقك تستاهلى كل خير لانى متاكد انك اتنازلتى من جزء كبير جدا من عمولتك لتنفيذ الخصم ده واعطائى جواب السداد فى الحال وبالمبلغ كاملا
واخيرا وليس اخرا شكرا لادارة المنتدى