|
رد: زيادة أسعار البنزين والسولار تنتظر موافقة «مرسى»
اقتباس:
|
رد: زيادة أسعار البنزين والسولار تنتظر موافقة «مرسى»
يا حماعة ربنا يسترها علينا والله.انا حاسس ان البلد بقت على صفيح ساخن جدا.وحضرتك حتى ال عندوا كذا عربية يعتبر استهلاكوا للبنزين واحد او مضاعف بس.مش معنى ان عندوا 4 عربيات انه مخدورهوم على طول او بيطلع بيهم فى وقت واحد اى نعم انا معاك ان ده يعتبر نوع من انواع البزخ انه يكون فى البيت الواحد اكتر من عربيتين على الأكثر.انا مع رفع سعر البنزين اه بس تدريجى لأن مش معقول سعر سلعة يفضل مثبت لأكثر من 20 سنة ذى البنزين 80 ب 90 قرش من على ما اوعى او على الأقل من اول ما بدأئت اسوق من يجى 15 سنة.انا انه المروض يرفع السعر عشر قروش او 20 قرش كل سنة او سنتين حيبقى معقول الطريقة ديه لأن انتا قبلها بيوم حتخوش البنزينة حتفول مثال ب 30 جنيه تانى يوم حتدخل حتفول ب 32 ج مش فارق محسوس اوى غير لما تانى يوم تدفع 45 جنيه بس حنقول ايه شر ولابد منه وللعلم انا مش مع الحكومه اساسا ولا انتخبت مرسى من اصله"تبع شفيق يعنى من الأخر" عشان محدش يقول انى من المطبالتيه للأخوان.وربنا يرحمنا برحمتوا
|
رد: زيادة أسعار البنزين والسولار تنتظر موافقة «مرسى»
اقتباس:
|
رد: زيادة أسعار البنزين والسولار تنتظر موافقة «مرسى»
الدكتور مرسي غلط انة بدا حياتة الراسية بقرض ربوى
ولازم احنا اللى نشيل الطين كل حاجة فى البلد هاتغلى حتى لو ملهاش علاقة بالوقود طب انا مستعد انى اركن عربيتى بس هاينفع اركب مواصلات ؟؟؟؟ شوفو الصورة المنشورة بتاعة مترو الانفاق الطوابير علية ادا اية وبعدها نحكم هاينفع نركب مواصلات ولا لا وخدو بالكم احنا بنتكلم على احسن وسيلة مواصلات فى البلد ما بالك بقى بالاتوبيسات والميكروباص اللعين انا مش عارف لية الحكومات بتغض النظر عن اى موارد فى البلد وتبص بس على حاجة واحدة انة مورد سهل ومقدور علية وهو المواطن المصرى واسهل كلمة نغلى الوقود ونعمل ضريبة على الموبايل ...... الناس اللى بتتكلم على السعر العالمى للوقود انا موافق يطبق فى مصر بس لما اقبض مرتب عالمى ومش بس كدة اخد كل مميزات المواطن الامريكى او الاوربى اللى بيتعالج فى مستشفيات الحكومة وممكن يعمل عملية تتكلف مليون جنية بدون ما يعمل قرار علاج على نفقة الدولة المواطن الامريكى ممكن يركن عربيتة ويركب مواصلات لانها تشبة اتوبيسات السياحة اللى عندنا بغض النظر عن الطرق اللى بتمشى عليها طب احنا ممكن نوفر نص الوقود المحروق لو فى سيولة فى المرور وساعتها الدولة هاتوفر نص دعم الوقود وانت كمواطن هاتحس براحة لو كل واحد شاف شغلة بضمير ومنهم ظباط المرور والله ما هايكون فية ازمة مرور فى القاهرة اللى ازحم مدن الجمهورية |
رد: زيادة أسعار البنزين والسولار تنتظر موافقة «مرسى»
اقتباس:
|
رد: زيادة أسعار البنزين والسولار تنتظر موافقة «مرسى»
السلام عليكم
اولا المشكله فى موضوع زيادة اسعار الوقود او تخفيض دعم الدوله للوقود انه شرط من شروط الحصول على قرض صندوق النقد الدولى واللى انتو عارفين اد ايه هو مهم للبلد مش عشان المبلغ بتاعه وهو 4.8 مليار دولار ولكن لانه بيدى مؤشر ايجابى على الوضع الاقتصادى فى البلد واللى مستنياه بلاد كتير عاوزة تضخ استثماراتها فى مصر وكمان بلاد تانية عاوزة تقرض مصر ولكن مستنية تعرف قدرتها على سداد القروض وهتعرف ده عن طريق ان مصر حصلت على القرض . يعنى الموضوع ده متهيالى هيتم رغم انف الجميع حتى الحكومه ورئيسها . طبعا كلنا عارفين ان موضوع الزيادة ده هياثر بالسلب على كل حاجه فى البلد . طبعا مينفعش نقارن متوسط الدخول العالميه بالدخول المصريه وكلنا عارفين ليه :shyy: |
رد: زيادة أسعار البنزين والسولار تنتظر موافقة «مرسى»
ومين قا ل ان الشعب هيوافق على كده احنا خلاص عرفنا الطريق نعملهم بدل الثوره عشره وخلاص بقى زمن الطبطبه ده انتها الى هيعرف يدير البلد صح على عنا ورسنا اما الغير كده فى ستين دهيه مش ناقصه نكد يعنى
|
| الساعة الآن 04:30 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017