مصر موتورز مجتمع السيارات - صورة لحادثة .. المشكلة اللي في العفشة دي ممكن تكون ايه ؟؟

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

رد: صورة لحادثة .. المكشلة اللي في العفشة دي ممكن تكون ايه ؟؟

معلش ربنا يعوض خير عليك ان شاء الله
وان شاء الله ها تترد وتبقى احسن من الاول
بس احب اوضح نقطة حضرتك استعدال السقف ها يكون صعب فاكد على السمكرى لو ما طلعش بالملى ما تحاسبوش وهاتلك سقف تانى شونة فاضل لأن لو فيه مشكلة الازاز مش ها يريح صح وهايشيل معجون كتير مع الشمس الخفيفة ها يطقطق على طول

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة ahmed el gendy (المشاركة 751873)

والله الواحد كل يوم بيستفيد اكتر من مصر موتورز
يعني السقف ده ممكن فعلا يستعدل
انا كنت اللي اعرفه ان 3 حاجات السمكري ميقدرش يلعب فيهم الكبوت والشنطه والسقف

للتوضيح اكتر ... بالنسبة للاختلاف بين تركيب نص ولحامة وبين استعدال الصاج

اولاً تركيب النص

- بتشترى نص مقطوع صح بحيث مكان القطع يبقى مناسب لمكان اللحام عندك
- تحاول تشترى نص بنفس لون العربيه او قريب منه حتى علشان متضرش تفور الدهان بتاعة كله
- مكان اللحام بيعالج بالصاروخ والسنفرة والمعجون لحد ما يبقى مش باين خالص بعد الدهان
- فى حالة ان النص بنفس اللون بتاخد وش خفيف اضافى كلها مع بعض لظبط درجة اللون
- فى حالة انه بلون تانى يفضل يتفور الدهان بتاعة وبعدين يتدهن مع باقى العربية مرة واتنين كمان

المميزات فى الطريقة ديه
اسهل بالنسبة للسمكرى
لو النص بنفس اللون هتبقى اسهل كمان على بتاع الدوكو
العيوب
صعوبة الحصول على نص بنفس اللون
وارتفاع التكلفه

بالنسبة للاستعدال
اى صاج ممكن استعداله بالنار (الحموات) والطرق (الدق) المهم ياخد من الصنايعى وقت قد ايه وطبعاً فيه صنايعية كتير بتستهل او مش محترفين كفايه وطبعاً فى صعوبة اكتر فى القوائم او الصاج اللى متشكل بشكل معقد اكتر كهياكل الصدر الامامى والشنطة

مميزات الطريقة ديه
اوفر غالباً ومفيهاش قص ولحام كتير
العيوب وقت اطول وشغل اصعب على السمكرى

قلبى معاك والله ويارب يعوضك خير يارب وتحت امرك فى اى استفسار

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة AbOnOrA (المشاركة 752300)

كتر خيرك يا ابونورا وشكرا علي المعلومات القيمة .. دعواتك

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة akerima (المشاركة 752047)

ربنا يسهلك الحال ويوقف جمبك ولاد الحلال ويعوض عليك

انا جت في دماغي فكرة دلوقت بالنسبة لموضوع الكبسة دي ان ممكن من تقل الخشب وخصوصا انه فضل مده علي العربية تكون البطاحات فلتت من الركب وهو دا اللي عملك القلق وحتي لو لا قدر الله السست حصل فيها حاجة امرها باذن الله بسيط والمساعد في التوكيل ب 400ج فاكيد باذن الله حتلاقية بره ارخص

هي السست ممكن ايه اللي يحصلها ؟؟ تكسر مثلا ولا " تدك " في بعضها .. المساعد فعلا ب 440 في التوكيل بس السوست للاسف مش موجوده في التوكيل ولا بره التوكيل مش موجوده غير استيراد

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة phar,acology (المشاركة 752424)

السوست لو المساعد اتكسر او فلت من البطاحة ممكن تتكبس بالطريقة دي ودا شيء وارد بس لو لاقدر الله حصلها حاجة هاتها استيراد ايه المشكلة انت ممكن كمان تجيبها كاملة اسيراد يعني السوست بالمساعدين بالعوامة ومتهيالي دا افضل

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة akerima (المشاركة 752614)

انا فعلا سالت عليها استيراد المساعد بالسوست ب 1000 ج .. بس هستني مش هشتريها الوقتي غير لما اجيب عفشجي ان شاء الله ويفكها ويشوف ايه المشكله بالظبط .. ربنا ييسر الامور .. كتر خيرا وشكرا علي الافاده ربنا يجايزك خير

رد: صورة لحادثة .. المكشلة اللي في العفشة دي ممكن تكون ايه ؟؟

ربنا يعوض عليك
قل دائما ( اللهم أأجرنى فى مصيبتى واخلفنى خيرا منها)
وحسبى الله ونعم الوكيل فى صاحب الخشب الظالم , ده لو فيه عدل كان أخد العربية كاملة وجابلك واحدة غيرها بنفس الحالة قبل الحادثة , كل اللى طلع منه 4000 جنيه وهو عارف ومتأكد انهه هتتكلف اكتر من كده
القاعدة الشرعية ( من أفسد شيئا فعليه بإصلاحه)
وربنا يعنك وترجعها زى الأول