رد: قطع غيار JAC B15
 

قرأت مشاركتكم على موقع جاك .....مشاركه جامده جدا جدا ياريت الزملاء على الصفحه يدخلوا ويقلوا أرائهم حتى يتغير التوكيل بضغط من الشركه ....على فكره ده موقع جاك وليس هورس موتورز لأنى لاحظت ان كل كلامك موجه للتوكيل

رد: قطع غيار JAC B15
 

السلام عليكم
عاملين إيه ؟ بقالي فترة كبيرة مكتبتش حاجة بس أنا متابع كل الموضوعات المكتوبة باهتمام و معجب جداً بفكرة الموضوع ده.
وأحب أشارك معاكم بتجربتي مع قطع الغيار - لأني عملت شغلتين في العربية النهاردة
أنا النهارده غيرت البطاحة وهي الجزء اللي بيبقى أعلى المساعد بيبقى شكلها عامل زي المثلث كده وراكبة في العربية بثلاث مسامير- المهم هي بيبقى جواها رولمان بلي علشان المساعد و هو بيلف يمين و شمال
كنت رزعت مطب جامد و بعدها بقيت بسمع صوت غريب و عالي من الناحية اليمين قدام و الحمد لله طلع الموضوع ان البلي اللي جوا البطاحة دي كان فرط أو بمعنى تاني البلية باظت غيرت البطاحة بواحدة بتاعة لانسر تمنها 125 جنية والحمد لله ركبت تمام و الصوت راح

و الشغلانة التانية بقى أحب أشكر الدكتور كمال الأول لأنها كانت في طلمبة البنزين وأنا عملت بنصيحته و غيرت القلب ببتاع الطلمبة الصيني بتاعة الالنترا ودي جبتها بـ 90 جنيه والحمد لله

أما بقى ليه أنا عملت الشغل ده بره التوكيل - ده لأني وانا في التوكيل قلت لهم على الصوت بتاع الناحية اليمين و قعدت أوصيهم لأني خايف أمشي بالعربية من الصوت ده خرجوا بعد فترة و قالوا لي مفيهاش أي حاجة و انهم ربطوا العفشة بس منهم لله بعد ما روحت عند البيت لقيت الصوت زي ماهو فقررت اني مش هاروح لهم في حاجة تاني

رد: قطع غيار JAC B15
 

السلام عليكم ورحمه الله وبركاته
استاذ احمد انا برده غيرت الطاحة اليمين وواضح انهم مش مليينها شحم وده عيب
وغيرت الرداخ بتاع الطلمبة مرتين وتلع العيب بعد كدة من الفيشة نفسها (من داخل التنك )
وركبت الاصلى (او بتهتها الاولى ) لاننى لم ارميها وصلحت الفيشة
انا كنت فى التوكيل منذ اسبوع وشاهدت b 15) 2013 ) شالوا منها 12 كمالية مثل الجنوت وفرش الجلد وحساسات الركن وفوانيس الشبورة ...............الخ
ايه رايكم
:THE_PR~18:

رد: قطع غيار JAC B15
 

بالنسبة لموضوع الفيشة بتاعة الطلمبة عندك حق لأن أول مرة عملتها معايا اشتغلت لما حاولنا مع الفيشة بس وقتها الكهربائي قال لي لازم أغير القلب بتاع الطلمبة لو عملتها تاني و لما عطلت تاني قلت أغير قلب الطلمبة بالمرة

أما بالنسبة لموضوع الموديل الجديد فنحمد الله إن الشكل ما اتغيرش علشان قطع الغيار والاكسسوارات تبقى واحدة وهي فعلاً تقريباً ناقصة 11 أوبشن لكن نازلة بموتور أقوى 118 حصان

و أنا في التوكيل أخر مرة كان عندهم الـ J5 الجديدة الهاي لاين ودي هتبقى ستيب ترونك مانوال واوتوماتيك و فيها فتحة سقف هما لسة مش عارفين تمنها هيبقى كام بس الأكيد إنه فوق الـ 100000
و بالنسبة لشكلها الخارجي هو هو شكل الـ B15

رد: قطع غيار JAC B15
 

[QUOTE=ahm2000;843963]السلام عليكم


و الشغلانة التانية بقى أحب أشكر الدكتور كمال الأول لأنها كانت في طلمبة البنزين وأنا عملت بنصيحته و غيرت القلب ببتاع الطلمبة الصيني بتاعة الالنترا ودي جبتها بـ 90 جنيه والحمد لله




شكرا أخى الفاضل ووحشتنا مشاركاتك ..............وطلمبه البنزين الصينى شغاله معايا ذى الفل وداخله على سنه ومفيش مشاكل والعربيه معايا ذى الفل ومغيرتش حاجه تانى غير طلمبه البنزين والحمد لله مفيش مشاكل خالص ..... دلوقتى العربيه معايا سنتين و8 شهور مشفتش حاجه وحشه منها ........................ بالنسبه لنقص الكماليات فى الجاك الجديده لان اسعار كل السيارات غليت 10 الاف جنيه تقريبا فالتوكيل بيحاول ينقص كماليات عشان يبقى السعر منافس ........إنما لو هتنزل كماليات كتير هتكون أغلا من 90 الف ..................... فى واحد زميلى غير أكصدم امامى فى التوكيل وكانت المفاجأه إنه جابه ب 350 جنيه ....يعنى كده قطع الغيار رخصت ولا إيه ؟؟؟...
عموما ربنا يصلح الحال وشكرا لك وللأخ تيجر .........

رد: قطع غيار JAC B15
 

شكراً بخصوص النصيحة بتاعة طلمبة البنزين النهارده الطلمبة الجديدة عملتها معايا و طلع فعلاً العيب من الفيشة مش من الطلمبة - فيشة صغيرة جوا التنك داخل جسم الطلمبة يعني الطلمبة الأصلية بتاعتها كانت سليمة مش محتاجة تتغير
نصيحة لأصدقاءنا ملاك جاك قبل تغيير الطلمبة شوف الفيشة الصغيرة اللي جواها لأنها راكبة في وضع رأسي أعتقد بتتهز من بعضها مع المطبات

رد: قطع غيار JAC B15
 

مبروك حل المشكلة

وشكرا على نقل التجربة