|
رد: فيلم" النار"قصة وسيناريو وحوار د0تامر محمد
كمل يا دكتور
الله عليك موهوب بجد |
رد: فيلم" النار"قصة وسيناريو وحوار د0تامر محمد
لولا البعض من المهتمين لفقدت الامل فى أن هناك من يلتفت الى الاعمال الجادة والابداعية فى زمن الطيارى والاستهلاك التيك آواى
شكرا لمرورك الدائم |
رد: فيلم" النار"قصة وسيناريو وحوار د0تامر محمد
-13-
خارجى/نهار -------------- السيارة اليابانية القديمة داخل ورشة متواضعة تحت شقة عماد غطاء المحرك مفتوح وعماد ينكفىء عليها وهو يحل جزءا من موتورها00 العرق يتصبب من جبينه وهو يفرد ظهره ويمسحه بظهر يده يجلس على كرسى قريب فى تعب واضح وارهاق على وجهه يدخل صبى القهوة بصينية عليها قهوة يقول: -أحلى قهوة لاحلى باشمهندس يقول فى تنهد: -شكرا يا مسعد يقول مسعد فى فرح: -ايوة كدة نورت الحتة يا با شمهندس00 والله قفلت الورشة دى حرام -ربنا يقدرنا يا مسعد -بالاذن 00اى خدمة 00أنت تأمر -شكرا يسترخى عماد على مقعده (قطع) (فلاش باك) حجرة فخمة ورجل بملابس أنيقة يجلس خلف مكتبه00 يدخل عماد وهو يحمل دوسيه به أوراق ورسومات يقبل على الرجل منشرحا: -صباح الخير يا دكتور يقول الرجل فى صلف: -أهلا يا عماد00 أقعد يجلس عماد فى ترقب بينما يقول الرجل: -ها 00عملت ايه فى مشروعك؟ -حضرتك أنا توصلت للتعديل نظريا ومع التطبيق العملى موتور العربية ح يوفر حوالى70% من الاستهلاك هز الرجل رأسه: -جميل أنت محتاج اشراف معاونة كاملة منى00 لكن بصراحة لازم اسمى يكون قبل اسمك فى الاختراع ده قال فى دهشة: -سعادتك انا أنهيته ومش محتاج تعديلات عليه قال فى غضب: -اللى انت عملته ده كلام فارغ وخيال شباب غير علمى 00 لازم يتعدل بطريقة علميه00أنت فاكر نفسك عبقرى قال عماد بانكسار: -العفو سعادتك00 لكن000 قاطعه الرجل وقال بغضب: -مفيش غير اللى قلته يا أما تنسى الموضوع قام عماد من مجلسه وهو يطرق برأسه قال الرجل بقرف: -اتفضل وماكاد عماد يتخطى الباب حتى قال الرجل: -مكانك معانا مش ح يبقى مضمون ونزلت الكلمة عليه كالصاعقة وجمدته فى مكانه (قطع) قام عماد من على كرسيه وهو يشرب قهوته دفعة واحدة ثم انكب على موتور السيارة |
رد: فيلم" النار"قصة وسيناريو وحوار د0تامر محمد
-14-
داخلى/ليل ------------ عماد جالس فى شقته يتابع التلفاز يسمع طرقات على باب شقته00 يتجه الى الباب ليفتحه ليطالعه وجه نور مبتسما يقول نور: -مساء الخير أخويا وحبيبى يصرخ فيه عماد وهو يتراجع للخلف فى خوف ظاهر على وجهه: -يا جدع أنت حل عنى وبنفس الابتسامة: -مقدرش أنت حبيبى قال عماد بضيق: -يا عم انت وانا لا يمكن نتفق ولا يمكن نكون اصحاب 00أرحل للعالم بتاعك وابعد عنى تنهد نور ثم قال: -أنت مش فاهم حاجة00 لكن لو أديتنى الفرصة ح أفهمك يمكن تقتنع زاد ضيقه وهو يقول: -مش عايز افهم00 ممكن ترحل عنى00ياأخى ربيت لى الرعب00 أنا مش ناقصك (الكاميرا على وجه نور) تضيق عيناه ويتجهم وجهه ويزفر فى خوار مرعب قبل ان يستدير ويسير بضع خطوات ويختفى فجأة! يتبع |
رد: فيلم" النار"قصة وسيناريو وحوار د0تامر محمد
لا تيأس يا دكتور تامر ! ولكن فى الحقيقه ان اهتمامات الناس مختلفه و متباينه ! فلا تتوقع مثلا عندما
تكتب عن ال Cancer Markers أن كل الآعضاء حتى الآطباء منهم سيقرأونه ! و بعدين فيه ناس أسهل لها تشوف فيلم و لا تقرأه قصه وفى ناس حتى لا ترى معظم الفيلم و تسأل أولا قصه و لا مناظر ؟؟ لو ترى ان قصصك و أفلامك بها مضمون قوى تريد أن تبصر الناس به ! فلا تتردد حتى لو ح يقرأه شخص واحد ! واحنا كما ترى فى عصر السرعه أو زمن الطيارى كما قلت ! دى موش نصيحه و لكن مجرد فضفضه أو دردشه ! و على فكره أنا سعيد الجظ لآن من زملائى واللى عاشرتهم كما ذكرت سابقآ د/ محمد المخزنجى و كذلك د/ محمد العدل ( كان يعمل معى طبيب فى شركة بترول بمصر ) و أخيرآ د/ تامر الذى أتنبأ له بمستقبل أدبى زاهر ! بس حاول تنشر فى أكثر من مكان مع توثيق ما تنشره ! Dr. Bolbolan ptmnlo123per1127 |
رد: فيلم" النار"قصة وسيناريو وحوار د0تامر محمد
-15-
خارجى/نهار -------------- كازينو على النيل يجلس عماد ومنى أمامه ترتشف من كأس العصير00 يقول عماد بحماسة: -ان شاء الله قدامى ايام واتم اختراعى واجربه عشان يخرج للنور قال مداعبة: -انت متأكد ان اختراعك ده مش فشره؟ قال مبتسما: -تصدقى عنى كده برضه هزت رأسها فى دلال تدارى ابتسامتها: -الصراحة لأ نظر الى عينيها حتى خجلت وأطرقت برأسها: -تصدقى لو قلت لك00 انا بحس ان سر قوتى ف عينيكى ابتسمت: -مبالغة -والله بجد انتى اديتينى حاجة طول عمرى بحلم بيها وعمرى ماحسيتها كده سهمت قليلا ثم قالت فى جدية: -مش شايف انك مستعجل؟ -بالعكس انا ضيعت وقت كتير00 بس خايف -م الصدمة -أكيد -ولا م السلبية؟ نظر اليها فى دهشة وقد باغتته قالت وهى تبتسم: -اكيد قلبك يكسب نظر اليها وقد اتسعت ابتسامته تتبع |
رد: فيلم" النار"قصة وسيناريو وحوار د0تامر محمد
-16-
خارجى/ليل -------------- عماد منهمك فى ورشته تبدو على ملامحة خيبة ويأس وهو يمسك بقطعة صغيرة من المحرك يقلب فيها ثم يلقى بها للارض فى عنف أسترخى على مقعدهوتنهد بعمق00 قبل أن يبلغه صوت نور يقول: -السلام عليكم انتفض من مجلسه وهو يصرخ فيه: -أنت تانى ابتسم نور: -طب رد السلام00 وحاول دايما تكلمنى بلطف لانى ممكن اغضب ومعرفش ايه ممكن يحصل وقتها! قال عماد بغضب: -انت بتهددنى قال بعمق: -لو تعرف انا بحبك قد ايه00متخفش منى 00 قال وهويزفر: -استغفر الله العظيم00 انا مش عاوز أشوفك تانى ابتسم: -ح تشوفنى ويمكن يجى اليوم اللى تستنى فيه انك تشوفنى وعمرى ما ح أتأخر عليك مال نور على القطعة التى القى بها عماد وألتقطها00 أخذ مفتاحا ومفكا وأخذ يعبث بها وعماد يتابعه فى ذهول ولا يستطيع أن يمنعه وكأنه مكبل بالاصفاد (الكاميرا على عماد) يحاول أن يتحرك نحوه ولا يستطيع 00يحاول أن ينطق فيتحجر لسانه مدّ نور يده بالقطعه يناولها لعماد 00 تناولها عماد بتردد00 قلب فيها 00 (الكاميرا على وجه عماد) آيات الذهول والدهشة على وجهه قال: -مش معقول اللى انت عملته ده 00 أنت0000 ونظر ليجده أختفى من أمامه00 زاد ذهوله وهو متجمد فى مكانه تتبع |
| الساعة الآن 01:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017