مصر موتورز مجتمع السيارات - بخصوص الغاء الجمارك

مصر موتورز مجتمع السيارات (https://www.masrmotors.com/vb/index.php)

- جمارك السيارات (https://www.masrmotors.com/vb/forumdisplay.php?f=140)

- - بخصوص الغاء الجمارك (https://www.masrmotors.com/vb/showthread.php?t=95678)

رد: بخصوص الغاء الجمارك

اقتباس:

المشاركة الأصلية كتبت بواسطة ELSHEPY (المشاركة 744523)

الكلام ده غير صحيح بالمره ولا يوجد له اصل من الصحه
اما الكلام الصحيح ومكتوب الان بملحق الاهرام بتاريخ 24 اغسطس 2012 الصفحه الثانيه
وعلى لسان مدير الجمارك المصريه احمد فرج سعودي
تقدر جمارك سيات اببزا موديل 2012 سعة محركها 1600 سي سي با 80 الف جنيه حيث تخضع السيارة للفئة 40% سيف وارد و 15% ضريبة مبيعات و 3% رسم تنمية
تقدر الرسوم الجمركية على مرسيدس c180 سعة محركها 1800 سي سي با 560 الف جنيه حيث تخضع للفئة 135% سيف وارد و 30% ضريبة مبيعات و 5% رسم تنمية
تقدر جمرك رينو ميجان 2012 سعة محركها 1600 سي سي با 80 الف جنيه حيث تخضع السيارة لفئة 40% سيف وارد و 3% ضريبة مبيعات و 3% رسم تنمية
جميع السيارات السابقة اوربية وحتى الان لن يتم تطبيق الاتفاقيه
اما السبب فهوا الرشاوي و الضغوط من قبل الوكلاﺀ حتى يظل الإحتكار ساري وتستطيع التأكد من كلامي بمراجعة عدد الاهرام الصادر صباح اليوم
لعنة الله على كل محتكر سلعه او خدمه يحتاجها الناس

الراجل اللي بيتكلم في الاهرام مبيتكلمش علي حالات معينة بيتكلم في العموم، ولازم يعرف بلد المنشأ قبل ما يقدر يحدد الضريبة، يعني لو سألته علي اللوجان 1600 هيقولك نفس الكلام بتاع 40 % ، عشان هو ما يعرفش بلد المنشأ ايه، اللي جاية من المغرب عليها اعفاء، انما اللي جاية من رومانيا ما علهاش، لازم السؤال يبقي محدد ان بلد المنشأ الاتحاد الاوروبي وتحت 1600 سي سي.

رد: بخصوص الغاء الجمارك

اقتباس:

المشاركة الأصلية كتبت بواسطة firstknight_eg (المشاركة 744869)

الراجل الي بيتكلم في الاهرام هوا مدير الجمارك عاوز تقنعني انه مايعرفش ان بلد المنشأ للعربيات ده اوربي الموضوع واضح الراجل بيتكلم على كل العربيات بما فيها الاوربي وللعلام سألت على جمرك عربية اوبل المانية (اوربية مش المانية القمح) فكانت الصدمة 40% جمارك

رد: بخصوص الغاء الجمارك

يعنى من الاخر يجماعه محدش بيشتغل فى الجمارك او يعرف حد بيشتغل فيها يقول الكلام ده صح ولا عشان نتاكد بما اننا مختلفين

رد: بخصوص الغاء الجمارك

طيب يا جماعة بالله عليكم انا كنت عامل موضوع عن استقدام سيارتي التيما 2008 اوتوماتيك من الامارات لمصر ومش عارف الجمارك كام وحادفع ايه ياريت حد يفدني اعمل ايه ابيعها هنا ولا انزل بيها مصر وحتبقي اوفرلي بعد الجمارك ياريت حد يرد عليا

رد: بخصوص الغاء الجمارك

قريبا جدا سأكتب موضوع جامد كيفية استغلال ثغرات القانون وادخال سيارت مصر بدون جمارك فانتظروني

رد: بخصوص الغاء الجمارك

اقتباس:

المشاركة الأصلية كتبت بواسطة ELSHEPY (المشاركة 745055)

قريبا جدا سأكتب موضوع جامد كيفية استغلال ثغرات القانون وادخال سيارت مصر بدون جمارك فانتظروني

ياريت اصل موضوع الجمارك ده ملخبط ناس كتير وكل شويه الواحد بيسمع كلام مختلف عايزين كلام اكيد :Wkiss5::Wkiss5:

رد: بخصوص الغاء الجمارك

اقتباس:

المشاركة الأصلية كتبت بواسطة sherifabden (المشاركة 744859)

والنبي بلاش ليبيا دي
انا قعدت فيها 6 سنين واتعقدت
والله الواحد هناك يببقا عنده بالعربيتن والتلاتة
وبتتباع بالتراب
وعلى فكرة العربيات في ليبيا ارخص من السعودية بكتيييير جدا
يعني السيراتو في السعودية بتعمل 65 الف دينار سعودي
وفي ليبيا بتعمل 20 الف دينار ليبي
اه والله 20 الف دينار
والواحد لو العربية عايزة تغير زيت او فلتر بيرميها ويجيب عربية جديدة تانية
ناس عايشة يا عم الحج :fun_10_1_124[1]:

في فرق أكيد ما بين السعودية وليبيا

أولا: الريال السعودي = 1.6 جنيه مصري .... الدينار الليبي = 4.25 جنيه مصري

يبقى السيراتو في السعودية سعرها يعادل 104 ألف جنيه مصري، إنما في ليبيا السعر يعادل 85 ألف جنيه مصري، وفي مصر السيراتو سعرها حوالي 135 ألف (الهاي لاين)

ثانيا: السعودية فيها جمرك حوالي 5%.... ليبيا ما فيهاش... بس فيها دعم لأسعار السيارات، وده يفسر فرق السعر

ثالثا: السوق السعودي مفتوح... السوق الليبي (لحد قبل الثورة) مقفول وممنوع استيراد السيارات إلا عن طريق الدولة أو عن طريق الأشخاص وبصورة شخصية (يعني تستورد السيارة لاستعمالك الشخصي)، ولا يوجد توكيلات للسيارات في ليبيا، يعني بو عايز تغير فانوس مكسور مش هتلاقي توكيل تشتري منه

رابعا: فرق مستوى المعيشة بين مصر والسعودية وليبيا هما اللي مخليين العربيات مالهاش قيمة، لإن الواحد علشان يجيب عربية مش مضطر يقطع من دخله قسم كبير عشان يشتريها، ده غير تسهيلات الدفع مع البنوك في السعودية ونسب الفايدة (البسيطة)... مش فايدة مركبة زي ما عندنا في مصر

على فكرة... احنا لما بنشتري عربية على الزيرو ... بنتسرق مرتين علني... مرة من الحكومة بسبب الجمرك... والمرة التانية من البنوك بسبب الفايدة اللي بتوصل 40% من إجمالي تمن العربية

آخر حاجة

لما الجمارك تتشال في مصر... لازم هيبقى في زيادة في أسعار البنزين بدون شك عشان الحكومة تقدر تعوض المبلغ اللي راح نتيجة إلغاء الجمارك وكمان يقلل من فلوس الدعم اللي بيروح في البنزين... وفي جميع الحالات مش أي حد هيقدر يشتري عربية كبيرة لإنه مش هيقدر على مصروف بنزينها

...