مصر موتورز مجتمع السيارات - مشاكل الغسالات الاتوماتيك

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - مشاكل الغسالات الاتوماتيك (https://www.masrmotors.com/vb/showthread.php?t=92291)

رد: مشاكل الغسالات الاتوماتيك

الفلتر ده موجود فى اسفل الواجهة الامامية للغسالة يعنى مش محتاج تقلب الغسالة ولا حاجة وساعات بيكون فى رف تحت باب الغسالة يتم ازالته ثم فك الفلتر .

رد: مشاكل الغسالات الاتوماتيك

متشكر لسرعة الرد.. حضرتك أنا لقيت على النت غسالة تقريبا زى بتاعتى والصوت بتعها تقريبا نفس الصوت اللى بسمعة من طرمبة الطرد...الظاهر الشركة دى حاجتها صوتها بيكون عالى مش زى الزانوسى.. هشوف الفلتر

http://www.youtube.com/watch?v=i6LeN5qSuO8

رد: مشاكل الغسالات الاتوماتيك

اذا كان عندك نفس الصوت اللى فى الفيديو ساعة عصر الغسيل فده احتمال ان مسامير الشحن تكون ماتشالتش كلها من الغسالة
مسامير الشحن دى بتبقى راكبة فى الغسالة وبتبقى مثبتة الحلة وتخليها ماتتحركش اثناء النقل والتحميل لعدم التلف فهل لما حضرتك اشترتها التوكيل هو اللى قام بالتركيب ولا حد تانى؟
وفى احتمال تانى برضه ان يكون فى عيب فى المساعدين

رد: مشاكل الغسالات الاتوماتيك

اقتباس:

المشاركة الأصلية كتبت بواسطة محمد السيد 78 (المشاركة 726421)

متشكرين يا هندسة على المشاركة والإهتمام. ايوه التوكيل هو اللى ركب وشغل الغسالة فى الأول وطبعا أكيد شال كل المسامير. أنا بقول لحضرتك صوتها كدة من أول يوم وعلشان كدة مش كانت عجبانى. والفديوا اللى حطيته لحضرتك دة بتاع غسالة من نفس الشركة ولكن بتاع شخص اخر فى اوربا باين. ولكن الصوت واحد. الظاهر هو الشركة كدة يعنى الطرمبة والماتور هو صوتهم عالى. والحقيقة الغسالة ثابتة على الارض ومفيش هزة مع السرعة العليا فى العصر...

هو أحسن حاجة الواحد يشيل الموضوع من دماغة لحد ما حاجة تحصل ويتعامل مع الموقف يومها. لان مجرد تعطل مرة واحدة ( كان فى صوت ماتور ولكن الحلة مش كانت بتلف) يمكن كان سببة كثرة الملابس فى هذه المرة ويكون فى برنامج فى الغسالة بيريح الماتور لو كان الحمل شديد عليه او حاجة..

رد: مشاكل الغسالات الاتوماتيك

انا عايز حضرتك تتاكد من ان الحلة الخارجية حرة الحركة وده عن طريق انك تسند كف ايدك على الحلة الداخلية وتحاول تضغط عليها لتحت المفروض ان حضرتك هتلاقى انها بتتحرك لتحت وترجع تانى لو ماتحركتش معاك يبقى لسة فى مسامير شحن ماتشالتش

رد: مشاكل الغسالات الاتوماتيك

اقتباس:

المشاركة الأصلية كتبت بواسطة محمد السيد 78 (المشاركة 727545)

الحقيقة الحلة الداخلية مش بتتحرك لا لفوق ولا لتحت. أنا جربت كذا مرة. ماسكة جامد ولكنها بتتحرك للامام والخلف. يعنى بتتهز جامد للامام ناحية الباب وللخلف زى ما يكون على سويته ولكن لا تتحرك نهائيا لاعلى ولاسفل,.

هو المفروض الغسالة يكون فيها كام مسمار تثبيت يتشال

رد: مشاكل الغسالات الاتوماتيك

فى الطبيعى 4 او 5 مسامير بيكونو راكبين فى ضهر الغسالة ولكن فى بعض الموديلات بيكون فى مسامير مثبتة الحلة الخارجية من تحت على العموم شوف الفيديو ده وشوف المسامير اللى تحت موجودة عندك ولا لأ
http://www.youtube.com/watch?v=VjaBG8TkseE