|
رد: عندي مشكلة في عربيتي BYD......ارجو الافاده
متقلقش خالص .... الحل بأذن الله عندى على العموم انا لسه عامل صيانة الـ 10000كيلو من يومين وعملتها فى فرع الشرابية اللى عجبنى بنسبة اكبر من فرع القطامية ومن ضمن شكوتى المرة دى فى الجوب بتاع العربية اللى عملهولى المهندس كان مؤشر الحرارة . وكانت الحرارة عندى على النص وشوية الاقيها طلعت لتانى او تالت شرطه بعد النص تقوم المروحة تشتغل فتنزل الحرارة الى النص مرة تانية بس التكرار هنا كان بمعدل كبير ورا بعض ورا بعض المهم وهما شغاليين فيها فى الورشة بالتوكيل روحت متكل على الله وعملت فدائى ودخلت للكهربائى اللى وصلتلوا العربية علشان يحل مشاكل المرحلة بتاعته وكلمتوا فى الموضوع فكان الكلام ياسادة كاللآتى ........ ان ارتفاع مؤشر الحرارة ناتج عن ضعف الكابل الارضى تحت البطارية وفى مكان آخر بس مش فاكر فين علشان كده الحرارة بتعلى ودى حرارة كذابة وبيعمل تقوية للكابل الارضى والحرارة مبتعلاش تانى والموضوع ده خد فى ايده ربع ساعة بالظبط يعنى متقلقش خالص على فكرة الفنى اسمه (صابر) وده اللى حصل معايا والكلام ده كان يوم السبت السابق يعنى فات بتاع 5 ايام والحرارة عندى مزادتش عن النصف. وبالتوفيق انشاء الله وكل سنة وانتم طيبين:Wkiss5: |
رد: عندي مشكلة في عربيتي BYD......ارجو الافاده
اقتباس:
بس ممكن توصف حضرتك فين فرع صيانة الشرابية انا ساكن فى القصيريين بجوار سوق غزة الجديد شكرا لاحضرتك مرة تانية لان الموضع دة كان مخلينى متردد على شراء العربية دى و هل حضرتك ليك اى تعليق على حاجة فى العربية من ناحية العيوب |
رد: عندي مشكلة في عربيتي BYD......ارجو الافاده
استاذ هانى بعد التحية هو سيادتك اللى جبت الكابل للكهربائى وكم متر؟
|
رد: عندي مشكلة في عربيتي BYD......ارجو الافاده
الهندسة داليا حلت لك المشكلة ازاى بالضبط؟
|
رد: عندي مشكلة في عربيتي BYD......ارجو الافاده
المهندس اشرف موسى قاللى انالعيب دة من الموتور ولازم يتقرط على وش السلندر---الواحد احتار مهندس يقول من الكابل الارضى واخر من الثرموستات واخر من وش السلندر والتاكيهات ومافيش حد عارف يصلح عيب السخونة نروح بالعربية الصين؟
|
رد: عندي مشكلة في عربيتي BYD......ارجو الافاده
ت فرع الشرابية / 22336922 - 22364156 وهو بشارع معمل الصابون اللى على ناصيته قسم الشرابية القديم اللى (اتحرق ايام الثورة)
بخصوص الكابل انا مشترتش حاجة ياجماعة والكابل ده ياجماعة حتة سلكه بيربطها من الطرفين فى العربية اوعو تتخيلوا ان احنا عماليين نقول كابل كابل كابل يبقى الموضوع كبير ده الموضوع ماخدش معاه ربع ساعة والكابل ده حتة سلكه متعملش ربع متر ملهاش لازمة لو شوفتها على الارض مش هتوطى تجيبها والحمد لله لحد دلوقتى اهو يعنى 15 يوم تقريبا والحرارة ثابته على النص عندى (الله اكبر) هههههههه والكهربائى اسمه صابر علشان نديله حقه اما بخصوص المهندسه داليا فالمهندسة داليا بفرع القطامية مش الشرابيه ... |
رد: عندي مشكلة في عربيتي BYD......ارجو الافاده
شكرا على المعلومة
:CONGRA~238: |
| الساعة الآن 03:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017