مصر موتورز مجتمع السيارات - ثبات الالنترا 2012

اقتباس:

المشاركة الأصلية كتبت بواسطة sherifabden (المشاركة 714528)

اولا : الموضوع اللي حضرتك جايبه دا انا حاسس انك لم تقرا الموضوع
الراجل اللي كان سايق العربية خلى الكاوتش يخش جوه النقرة
وطبعا اكيد الكاوتش انفجر
وانتا ياباشا مستني ايه من عربية كاوتشها انفجر على سرعة عالية ؟؟؟؟
انتا لو جبت المرسيدس وجريت بالعربية ودخلت الكاوتش في نقرة وانفجر
العربية هتتقلب بالضبط
اما ياباشا قولك ان الالنترا الجديدة والسيراتو والاكسنت والفيرنا اكتر عربيات بتعمل حوادث
فانا اعتقد انك ذكرت اكتر سيارات منتشرة في مصر
وطبعا الحوادث في مصر منتشرة
ومن الطبيعي جدا ان العربيات دي تعمل حوادث بما انها منتشرة
وبالذات ان فئة الشباب بيقبلوا على العربيات دي
وطبعا الشباب بيحب الجري والغرز والكلام دا
ومش معنى ان العربية دي حوادثها كتير يبقا دا معناه ان العربية وحشة
وتانيا ياباشا انا جربت مرة سيراتو 2011 وجبت بيها 180 وكانت تابتة جدا معايا
وخذت غرزة بنت كلـ....... والعربية لم تميل مني خالص
وتانيا ياباشا معروف ان الباور الخفيف بيقلل الثبات
ودا ينطبق على الكوري بسبب الباور الخفيف
اما ياباشا بخصوص العربيات اللي انتا قولت انها منتشرة لكن مبتعملش حوادث
دا بسبب ان السيارات اللي شكلها جذاب (الكوري) الشباب بيقبل عليها
وطبعا معروف ان الشباب وانا واحد منهم بيحب الجري بالعربيات
انما باقي العربيات محدش بيحب يجري بيها
يعني من الاخر سبب الحوادث القيادة المتهورة
وليست السيارات الكورية
وان شاءالله ياباشا
استنا كام سنة كده
وهتلاقي الكوري بيضرب بيه المثل في الامان والقوة
وتقبل تحياتي :waving:

مع احترامي الكامل والشديد لحضرتك
انا معايا بروتون واجا و بنزل في نقر في الطريق على سرعات اكتر من 120 كيلو والعربية مبتتهزش ولا بيحصل حاجة
ووالدي كان سايق ورايح اسماعيلية وعلى سرعة 130 كيلو تقريبا انفجر الاطار الخلفي والعربية ولا اتقلبت ولا عامت ( الحمد لله )
يعني اهم حاجة في الثبات ان العربية تكون مظبوطة من حيث العفشة والزوايا
ومتديش مثل بالمرسيدس لان الاطار لو انفجر في المرسيدس اصلا السواق مش هيحس انه انفجر

وبعدين انا عايز اعلق على نقطة حضرتك قولتها اللي هيا جبت 180 بالسيراتو وكانت ثابتة
هو ايه اصلا معنى الثبات اللي حضرتك بتقول عليه؟ طب مانا جبت 208 بعربيتي .. هل هيا كدة ثابتة ؟؟
وكمان عايز اناقش حضرتك في حاجة
موضوع العفشة الخلفية للسيراتو والالنترا مؤثر جداً في الثبات لل2
العفشة من نوع تورشن بيم يعني دنجل
مش معقول عربية فيها دنجل تصميم قديم جداً زي السيراتو والالنترا ان العربية تديك الثبات اللي بتتكلم فيه
وبعدين غرزة ايه ياباشا اللي على 180 بسيراتو
سوري انت بتبالغ جداً في الكلام ده
ده انا بالواجا اللي هيا مالتي لينك ( 4 لينكات ) متعملهاش بسهولة .. تيجي انت تقولي بالسيراتو تعملها !!!

وبعدين عايز اوضح نقطة اخيرة .. اسبرانزا 516 اللي مش عجباك دي اثبت من السيراتو واحسن
وكمان m11 اثبت واثبت من ال2