|
رد: هل أكهرب الحرامى - ولا - حرام ؟
بس الاول نتاكد ان الكهرباء مش مقطوعه
|
رد: هل أكهرب الحرامى - ولا - حرام ؟
فكره كويسه بس المشكله ان ممكن اما يلمس السلكين ببعض الفيوز احتمال كبير يضرب و ده هيقطع النور فالبيت كله او ان الكهربه تكون قاطعه ساعتها يفضل استخدام اجهزه انذار و ممكن تركبلها مكبرات صوت مطله عالشارع وتكون بزرار عشان تشغله لما يكون البيت فاضى
|
رد: هل أكهرب الحرامى - ولا - حرام ؟
السلام عليكم
الموضوع خطرجدآ لأكتر من سبب - العيال ممكن تنضر او حتى الكبار ربنا يسلم - الحرامي لو فرضنا و مات هتبقى بلوى و سين و جيمو ممكن تلاقي نفسك انت الي غلطان قانونآ و بعدين ذي ما ابو نورة قالك ممكن العيال يقولوا لك نعزل م البيت عشان الجثة و العفاريت و كده و بعدين دلوقتي كتير الكهربه بتقطع يعني ممكن ما يكونش ليها لازمه اعتقد جرب تركب جهاز انزار هتلاقيه بيتباع في المحلات الالكترونيات و ربنا يسلم بس بلاش فكرة الكهربه اسال المدام نتسرق و لا نموت الحرامي هتقولك نتسرق و سيبه يغور بعيد عننا و كمان اعتقد اهل الحرامي هيهجموا عليك مهمه حراميه كلهم معلش انا باقول رايي |
رد: هل أكهرب الحرامى - ولا - حرام ؟
اقتباس:
جرس زى بتاع المدارس يرن |
رد: هل أكهرب الحرامى - ولا - حرام ؟
الموضوع قديم ولكن نقاش الفكرة اعتقد انة مازال متاح ولذلك ساكتب تعليقى
صراحة تعجبت من اغلب الردود التى تشجع على كهربة الحرامى ! ! وكذلك الفتوى بانة مش حرام ! يا جماعة لكل مهنة تخصصها الدكتور لما يقول لك شئ بتسمعة مباشرة ولا تجادلة وكذلك المهندس فى تخصصة وغيرة كذلك فتاوى الدين تخصص ولها علمائها وباحثيها فلا داعى ان كل شخص يفتى من تلقاء نفسة بدون علم ولا دليل توصيل تيار كهربى بقوة 220 فولت قوة كهربية مميتة اذا الشبكة تعلقت بالحرامى ولم يستطيع اخراج نفسة منها سيموت حتما فى لحظات ! الذى اعلمة والله اعلم ان الحرامى اذا مات فانت تعتبر قتلت نفس بشرية قانونا وشرعا طبعا الحرامى مجرم وربما يكون قاتل و و و الى اخرة لكن كل هذا لا يعطيك الحق فى قتلة يجوز لك استخدام اى وسيلة لحماية نفسك ولكن بطريقة غير مميتة قد يقول شخص ما الحرامى كان حريص على قتلى وقتالى لة دفاعا عن نفسى كلام معتبر ولكن لا يوجد دليل قاطع ان اى حرامى كان حريص على قتلك لاننا هنا نتكلم فى نفس بشرية والكلام لا يحتمل التخمين لان هناك حرامية كتير ممكن تسرق ولكن ملوش فى الاعتداء والقتل وهذا الصنف من الحرامية اصلا جبان جدا فكيف سيكون حريص على القتل بالاساس ايضا اذا كان حرامى وحاول الاعتداء او ما شابة وتمكنت منة المفروض انى اسلمة للشرطة وهى تحاسبة وفى قانون عقوبات لكن اقوم انا بمحاكمتة من تعذيب وقتل صراحة لا هو قانونى ولا شرعى ان افعل هذا لان لو كل واحد اخذ حقة بنفسة لتحول المجتمع لغابة ولو الناس بتقتل الحرامى لما يقع تحت ايديها يعتبر هذا الفعل مبرر كبير للشرطة لقتل الحرامية فى الاقسام والسجون دون محاسبة ! وهذا طبعا مخالف اتمنى عدم فهم كلامى بانة تعاطف مع الحرامى او تهاون بالامر فالحرامى مجرم وربما يكون قاتل وسفاح ويجب ان يعاقب ويفعل بة الافاعيل ولكن وجهة نظرى باختصار ان يتم هذا كلة بمعرفة رجال القانون والقائمون على ذلك وانا شخصيا اخشى على نفسى من قتل حرامى ويكون الحكم الشرعى انة لا يجوز لى فعل ذلك واكون تورطت فى قتل نفس بشرية مجرد وجهة نظر تحتمل الخطأ او الصواب والله تعالى اعلى واعلم تحياتى للجميع . |
رد: هل أكهرب الحرامى - ولا - حرام ؟
بشمهندس / حسن فتحى
الموضوع كان خاص بفترة انتشرت فيها السرقه فى المنطقة واعتقد وقتها كانت ظاهره فى معظم مصر ربنا يعافينا جميعا والا تعود السرقات مرة اخرى بالنسبة للص فهو حريص على النجاة بنفسه وبالتالى لو فاجاته فرد فعله ان يضرب باى شيئ معه سكين حديده او شيئ مؤذى للنجاه بنفسه - وغالبا الضحيه شخص مسالم وغير متوقع مهاجمته فى داخل بيته فبالتالى رد فعله غالبا هيكون ضعيف وتعرضه للاذى هو الاحتمال الاكبر - وربما ينتهى الامر بوفاته وبوفاه كل من بالمنزل فى سبيل نجاة اللص بنفسه وبمسروقاته التى ربما لا تتجاوز موبايلات او ريسفر بالتالى يحق لى ولكل صاحب شقة او صاحب سياره او مار فى الشارع يحق لنا الدفاع عن انفسنا وامريكا وفرنسا ودول كثيره تبيح حق تملك السلاح للدفاع عن النفس - بشروط طبعا- |
رد: هل أكهرب الحرامى - ولا - حرام ؟
رأى حضرتك يا باشمهندس يحترم جداً طبعاً وانا معاك فى ان الحفاظ على النفس البشرية مقدم على اى شىء اخر بس الكلام ده كله لو بنتكلم عن حرامى غسيل مثلاً لكن الحرامى الهجام زى ما بيقولو عليه ده اخطر انواع الحرامية على الاطلاق لانه مش داخل يرتكب واقعة سرقة بس لكن ده وارد يعمل
سرقة بالاكراه وتهديد بالسلاح وقتل وهتك عرض وحتى لو ملقاش حد فى وشة وحتى لو ملقاش حاجة يسرقها وخرج هيسيب برضو اهل البيت فى حالة نفسيه طويلة المدى من الرعب والترصد ميحسش بيها الا اللى جربها انا عن نفسى تعرضت لسرقة بيتى من كام سنة والحمد لله مكانش حد فى البيت الحرامى اللى جالى غالباً مكانش فى وعية لانه قلب الشقة بشكل هستيرى مش طبيعى لدرجة حيرت ظباط المباحث نفسهم وبشهادتهم مشافوش حرامى بالهمجية ديه قبل كدة والحمد لله انه من كتر الفوضى والكركبة اللى عملها معرفش يلاقى حاجة ياخدها فدخل المطبخ وفتح التلاتجة وطلع اكل واخدة قعد على السفرة اكل ومشى !! مش محتاج اقولك تتخيل لو كانت زوجتى واولادى رجعو لقوه موجود كان عمل فيهم ايه بس تخيل هما قعدو كام سنة بعدها ويمكن لحد دلوقتى يخافو يدخلو الشقة ليكون فيه حرامى جوة ! زوجتى قعدت بعدها فترة تفتح باب الشقة وتسيب العيال بره وتخش تبص تتاكد ان مفيش حرامى ! ده غير المصاريف اللى راحت على التأمين والحماية لمنع تكرار ده لكن بتفضل فيه مرارة واحساس بالألم النفسى من مجرد محاولة فاشلة فمبالك بظروف اسواء من كدة والشاهد ان درء المفاسد اولى من جلب المنافع وبالتالى منع حرامى من انتهاك حرمة البيت ابتداء باى شكل وبكل قوة اولى من من الحفاظ على حياتة لان قتله فى حد ذاته حفاظ على حياة أهل البيت وسلامتهم وكل ده واحنا بنتكلم فى بيت واسرة امال لو بنتكلم فى مخزن فيه بضاعة مثلاً يعنى حسبة فلوس مش ارواح بس ! نفس الكلام طبعاً من حقك تحط غفير مثلاً ومعاه سلاح قاتل يتعامل بيه مع اى حد يقتحم المكان الخلاصة . بالمنطق الحفاظ على الحياة مقدم على اى شىء ديه حقيقة والحفاظ على حياة اهل البيت وامنهم اولى من حياة المقتحم وبالشرع درء المفاسد اولى وفى القضاء الشرعى السعودى كمثال فيه احكام اعدام وتطبيق حد الحرابة بتصدر فى حق مقتحمى المنازل او حتى المصالح العامة ولو كانت اجنبية وبالقانون طالما التعامل مع المقتحم تم فى محيط منزلك او حيازتك فده دفاع عن النفس المهم متستخدمش سلاح غير مرخص ولو استخدمت تثبت انه كان فى حيازة المقتحم |
| الساعة الآن 11:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017