مصر موتورز مجتمع السيارات - استفسار عن الابلتين!

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - استفسار عن الابلتين! (https://www.masrmotors.com/vb/showthread.php?t=90349)

رد: استفسار عن الابلتين!

هشام باشا الجزار عالى الاداء :260309~352:

رد: استفسار عن الابلتين!

اقتباس:

المشاركة الأصلية كتبت بواسطة محمدصلاح القاضى (المشاركة 702379)

مقاس الفتحة من 0.37 الى 0.40 اما بالنسبة لطريقه التر كيب و الضبط فأول شئ لازم تفك المسمارين اللى مربوط بيهم وش الاسبراتير وفى بعض السيارات بيبقى كلبس وبعد كدة ترفع العربية او تزقها وقبل دا كله تعشق الغيار الرابع وتفضل تحرك عجلة العربية بأيدك يمين وشمال هتلاقيها جامدة شوية عشان الغيار المعشق وتلف لحد ما تلاقى الجزء العالى فى الشكوش الدوار بقمى ملامس لمكان الاحتكاك بالابلاتين ودى اقصى فتحة لل ابلاتين وقيس بالفلر وتضيق وتوسع من مسمار الرجلاش بتاع الابلاتين لحد ما تظبط المقاس وبعدين تقفل وش الاسبراتير تانى وتجرب وتدور العربية وبعدين تظبط الكرباء عن طريق ادارة الاسبراتير يمينا ويساراً حتى تصل للضبط السليم . وطبعا لو الفتحة اكتر او اقل من اللازم والكهرباء مش مظبوطة بتسخن العربية وتضعف السحب اكيد .بس طبعا للدفع الخلفى بترفع ورا والامامى بترفع عجله قدام وتلف مع تعشيق العربيه على الرابع
ومن وجهة نظرى لسوء قطع الغيار وتلفها بسرعه وخصوصا الابلاتين وساعات كتيير الكوندنسر
تجيب نظام اشتعال الكترونى يعنى ابلاتين الكترونى ومشط الالكترونى لما فيه الفايده من سحب وعزم وقلة المشاكل والاعطال والتى غالبيتها بتكون عطل بالمشط الالكترونى ويصلح التعديل لجميع السيارات اى كان نوعها
لكى نحصل على الشرارة اللازمة لاشعال الوقود داخل السلندرات نحتاج الى جهد كهربى مرتفع(اكثر من 1000 فولت) يتم تمريره عبر شمعة الاحتراق(البوجية) والتى هى عبارة عن طرف موجب وطرف ارضى بينهم مسافة ضئيلة جدا تمر منها الشرارة (نفس فكرة ولاعة البوتاجاز المنزلية)

لكى نحصل على هذا الجهد المرتفع نستعمل ملف لرفع الجهد يسمى البوبينة يقوم برفع الجهد من 12 فولت الى لجهد اللازم للشرارة (كما ذكرنا اكثر من الف فولت)

ملفات رفع الجهد لا يمكنها ان تعمل على التيار المستمر الذى توفره البطارية لذلك يتم تقطيع التيار باتخدام فاصل ميكانيكى(ألأبلاتين) وهو اشبه ما يكون بمفتاح النور الموجود فى البيت مع وجود اسلو بميكانيكى يقوم بفصله وتوصيله مرات عديدة فى الثانية الواحدة لتوفير تردد للتيار يسمح للبوبينة برفع الجهد

اما الكوندنسر فهو مكثف كهربى يقوم بتنعيم شكل موجه التيار عن طريق الاحتفاظ بشحنه صغيرة وتفريغها تدريجيا مما يمنح حدوث شرارة بين طرفى الأبلاتين وحقق شكل موجو التيار المناسبة لملف رفع الجهد

الاسبراتير او الموزع هو وحدة ميكانيكية يوحد بها ملامس دوار يدور مع حركة المحرك ليوزع التيار على البوجية اللى عليه الدور فى الاشعال من خلال اربعه ملامسات ثابتة يتصل كل منها بسلك ينتهى ببوجيه ويقابل العضو الدوار واحد منها كل لحظة اثناء دورانه لينقل له الشرارة

نظام الابلاتين والكوندنسر نظام قديم تم استبداله فى السيارات الحديثة بدائرة الكترونية -تسمى المشط-تقوم بأداء نفس الوظيفة وخلق تيار متردد يناسب البوبينة، وكذلك توجد بدائل حديثة solid state للاسبراتير لا يوجد بها شاكوش ولكن اسلوب الكترونى لتوزيع الشرارة، وتوجد سيارات اخرى لا يوجد بها اصلا اسبراتير ولكن بوبينة منفصلة لكل بوجيه يتم التحكم بتشغيلها من خلال وحدة كونترول المحرك
والرابط التالى يوضح شكل الابلاتين الالكترونى ووضعه فى الاسبراتير
http://www.hot-spark.com/
يارب اكون فيدتكم

ما شاء الله عليك

ولا حول ولا قوة الا بالله

ايه الجمال ده

انت كانك بتسمع قصيدة لامرؤ القيس بمنتهى البراعة والالقاء

تقبل تحياتى على معلوماتك الرائعة
:080105~462:SLAM:1463B6~1 53:

رد: استفسار عن الابلتين!

اقتباس:

المشاركة الأصلية كتبت بواسطة محمدصلاح القاضى (المشاركة 702577)

تكرم لى عيونك يا ادماير يا كبير

:fun_Whispering::THE_PR~1 8::fun_Whispering::THE_PR ~18:

رد: استفسار عن الابلتين!

اقتباس:

المشاركة الأصلية كتبت بواسطة الايطالى الصغير (المشاركة 702586)

الحمد لله دا الفضل يرجع لكم بعد ربنا

رد: استفسار عن الابلتين!

حبيب قلبى محمد صلاح

عايز أخطف منك معلومة صغيرة لو كانت عندك

حكاية ال 2 كوندنسر فى الاسبيراتير

عملتها قبل كده

او شفت حد عملها

وهل مجديه فى عدم لسع الابلاتين

والسؤال الثانى

الاسبيرانزا عاملة معاك ايه ؟

عيوبها قبل مميزاتها

عايز اعرف معلومة لنفسى

وكله بينفع وقت الزنقة

وتحية على مجهودك

رد: استفسار عن الابلتين!

اقتباس:

المشاركة الأصلية كتبت بواسطة الايطالى الصغير (المشاركة 702659)

حبيبى احب اقولك
أولا
ان حكاية 2 ابلاتين فى الاسبراتير دى
صعبة وبعدين غير مجديه
وناس كتيير جربتها وفشلت لكن عن نفسى مشفتهاش ولا جربتها
ثانيا
الاسبرانزا زيرو عندى اتفضلها واجيبها لحد البيت عندك لو حبيت
العربيه من ناحيه السعر فهو قليل عليها اوووى
ولو جيت تقارن بين الاسبرانزا والعربيات اللى فى نفس سعرها زى اللانوس والفيرنا والبى واى دى
تلاقى الاسبرانزا اجملهم واشيكهم
والله العظيم بامانه انا لا بجامل عشان هى عربيتى ولا حاجه
انا ركبت اللانوس 2012 زيرو مركبتش نمر واستغفر الله العظيم حاجه قرف
وركبت الفيرنا حلوه بس مش موجود فيها اللمسه الجميله من جوا زى الاسبرنزا
والبى واى دى سامع ان الفتيس بتاعها زباله ميعديش 100 الف الا ولازم يكون اتفك
عيوب العربيه
عربيتى 2008
اولا العفشه كويسه وكل حاجه بس المشكله فى الجنوط الجنط عريض مع كاوتش ارتفاعه من الجنط للمداس 5.5 سم والكاوتش 195 والجنط 15 دا بيخليك سامع كل حاجه يعنى لو كلت زلطه وانت ماشى تحس بيها
ثانيا مقلتش حاجه تانيه والله لحد دلوقتى
العربيه سحبها جبار ودا بسبب ان روحها واسعه يعنى بتنقل من غيار لغيار متأخر عن بقيت العربيات
الكماليات تفووووق السعر بمراحل
التكييف ممتاز ولا اليابانى
عزل ممتاز للحراره

عربيه من الاخر حلوه مش على قد فلوسها لا زياده حبتين من ابو الفتوح

رد: استفسار عن الابلتين!

مشكور وممنون ليك :GROWIN~12::balloons71::l oveu::0369B3~177: