مصر موتورز مجتمع السيارات - صوت شكمان الفيرنا الجديده للفرناويه الجداد زى حالاتى2012

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

رد: صوت شكمان الفيرنا الجديده للفرناويه الجداد زى حالاتى2012

صوتها كانك مركب ديفل.. اكيد فيه حاجة غلط انا معايا موديل 2011 بقى لها حوالى سنة ونصف لم اكمل تسعة الاف كيلومتر ولكن صوتها هادىء صحيح صوت الموتور والعربية واقفة كنت لا اكاد اسمعه وانا خارج السيارة الان صوته على قليلا ولكن غير مزعج والشكمان صوته هادىء اكيد غبور الحرامى عمل افتكاسة فى موديل 2012 انا سامع انه سرق منها جهاز الانذار وهو مميز للفيرنا حتى عن الفئات الاعلى

رد: صوت شكمان الفيرنا الجديده للفرناويه الجداد زى حالاتى2012

هوا فعلا تصميم شكمان الفيرنا غريب شوية وانا بشوف عربيات فيرنا صوتها عالي من الشكمان

رد: صوت شكمان الفيرنا الجديده للفرناويه الجداد زى حالاتى2012

انا كان عندى الشكمان القديم صوت رائع هادئ جدا وقعد معايا خمس سنوات لحد ما باظ نهائى والبارومة اكلت الماسورة بتاعتة ووقع ومينفعش يتلحم لانى لحمتة 2 مرة قبل كدة
رحت على التوكيل شغلى كلة هناك لانى اللى ماسكة اصدقائى جدا جدا قالى خد الشكمان الجديد ومش هيحك ولا غيرة وكدة فى المطبات ركب يا عم هوووب الاقى صوت عالى من الشكمان نفسة مش من العربية لاة الشكمان وديت ودنى ورا اسمع زى صوت فووفوو فوووفوو فوووو بس مش عالى جدا لاة عادى كانى مركب زى ديفل بس هادى جدا مش صوت ديفل القوى يعنى رحت للمهندس هناك قلتلة قالى عادى العلبة مصممة كدة قلتلة غيرلى العلبة دى بواحدة تانى
برضة نفس الكلام شكيت لدرجة انى سالت هنا وقالولى اصبر كام الف وهيهدى ومفيش فايدة ماشى علية 10 الاف بص صراحة انا اتعودت علية وصوتة بقى عادى بالنسبة ليا وبرضة هقولة صوتة مش جامد اوى لاة زى الديفل بس مش قوة صوت الديقل شبة صوتة بنسبة 20 % فقط
بس سحب العربية بقى افضل من الاول

رد: صوت شكمان الفيرنا الجديده للفرناويه الجداد زى حالاتى2012

تقريبا كده يا جماعه و الله اعلم ان الشكمان بتاع 2012 بتاع الفيرنا و الانوس اللى بيعملهم مصنع ابو اليزيد عل حسب ما سمعت من المشاركات هو اللى عامل المشكله دى !!!!!!!! لانى فعلا سمعت ان الانوس الجديده نفس النظام من الاعضاء ......................... .........ربنا يسامحهم ......سؤال كده ؟؟؟
ينفع نعدل او نغير حاجه فى الشكمان الجديد ده يظبط الصوت و ينعمو ....ياريت اللى عنده فكره فى الامور دى يدلنا ....؟؟؟؟
صعب تبقا جايب عربيه 2012 و هيونداى و صوتها يبقى عالى كده ...و الله اعلم الشكمان دا ممكن يعلى استهلاك البنزين يا عالم لانى سمعت ان استهلاك الفيرنا القديمه كان احسن ....ربنا يسامحك يا غبور

رد: صوت شكمان الفيرنا الجديده للفرناويه الجداد زى حالاتى2012

وبعدين و نا بعمل الصيانه كانت هناك عربيه 2009 مرفوعه الشكمان مختلف تماما علبه البيئه فى 2012 صغيره قوووى عن 2009 و العلبه اللى فى الاخر اصغر برضه ...الميزه بس ان الشكمان الجديد 2012 بايت كويس فى العربيه من تحت و صعب يتخبط لا نو بايت فى فجوه تحت العربيه و مستقيم ... اما 2009 بقى فالشكمان مدلدل و لافف من نصها الورانى و معرض للحك جدا

رد: صوت شكمان الفيرنا الجديده للفرناويه الجداد زى حالاتى2012

اقتباس:

المشاركة الأصلية كتبت بواسطة honnio00o (المشاركة 698841)

انا معايا فيرنا 2012عامله 3000 كم العربيه صوتها عالى مع التزويد كانى مركب ديفل بالذات 2.5و3 rbmرحت مركز الخدمه تاج اللى عندنا فى المنصوره قلتله و انا بعمل صيانه 1000 جربها معايا و قاللى هوا دا صوت الفيرنا ...رحتله من كذا يوم رفع العربيه و قعد يقولى زود و بتاع وقاللى هيا تمام مفيهاش حاجه يا ريس صوتها عالى يقولى كده مظبوطه.......المشكله لما بركب تاكسى فيرنا بحس صوتها اوطى بكتير على ار بى ام 3 و 4 عادى مش عارف اعمل ايه يا جماعه لو حد معاه فيرنا جديده يتفضل يحكيله تجربته فى الموضوع دا:GROWIN~12::thnkr::thnk r::thnkr::thnkr:

انا عندي 2 تاكس واحد غاز والتاني بنزين وصوتهم اوطى من بعض وعادين 80000 كيلو متر تقولي ملاكي وصوتها عالي:08da300846c84943ae1

رد: صوت شكمان الفيرنا الجديده للفرناويه الجداد زى حالاتى2012

انا معايا الاتوماتيك نفس الحكاية صوتها خشن بس السحب عادى وهى عامله 15000 كيلو وانسى اللى يقولك صوتها هينعم بعد 5000 ك