|
رد: ماهترات .. خطابات .. اناشيد .. ليها معني .. ملهاش معني .. المهم .. سبونا فحالنا .
«آه.. يا بلدنا.. يا تكية يا وصية.. سرقوكى شوية حرامية»
|
رد: ماهترات .. خطابات .. اناشيد .. ليها معني .. ملهاش معني .. المهم .. سبونا فحالنا .
يا بلد معانده نفسها
يا كل حاجه و عكسها ازاى و انا صبرى انتهى لسه بشوف فيكى امل ,, تحياتى على اللقطات الثوريه !:GROWIN~12: |
رد: ماهترات .. خطابات .. اناشيد .. ليها معني .. ملهاش معني .. المهم .. سبونا فحالنا .
my favorite http://www.youtube.com/watch?v=FA-kPngYUJc ملعون أبوك يا سكوت أنا حلمي مش هيموت لو سلسلوا خطوتي أنا لسه فيا الصوت لو كل يوم سحلوني وبظلمهم عروني لو بالرصاص قتلوني مش هرضي ع المسكوت 30 سنة واكتر صابر ومستنظر وبحايل الايام علشان في يوم أقدر أقدر أقول الحق وأصرخ واقولها لأ مسمار في نعشه أندق والشعب خط أحمر قالوا لنا ياما زمان يا بخت اللي بات مظلوم وقالوا اللي يعيش جبان هيموت كريم مستور ملعون أبوك يا ذُل لو كنت يوم الحل ملعون أبو الظالم واللي يبات مظلوم ملعون أبوك يا سكوت أنا حلمي مش هيموت لو سلسلوا خطوتي أنا لسه فيا الصوت لو كل يوم سحلوني وبظلمهم عروني لو بالرصاص قتلوني مش هرضي ع المسكوت ملعون أبوك يا خوف أنا لسة قادر أشوف جايلك في ايدي الضي جايلك معايا ألوف اهين يا بلد العجب من ظلم حكامك هو عليكى انكتب تشدى فى حزامك فى اى شرع ودين دمى يسيل ع الارض حبسونى فى الزنازين هتكو الحقوق والعرض دوس ع الزناد نشن اضرب كمان واقتل صدرى اهوه مفتوحلك ولسه انا مكمل ولسه انا مكمل ... |
رد: ماهترات .. خطابات .. اناشيد .. ليها معني .. ملهاش معني .. المهم .. سبونا فحالنا .
مكملين للى مش فاهمين http://www.youtube.com/watch?v=zPPgi8ghQzo للي مش فاهمين نزولنا للي معاشوش ظلمنا ولا قهرنا وحسوش نزولنا للي مداقوش مر جوعنا اللي مناموش في الشوارع كالدبايح كملوا في الليل عشاهم م الصفايح للي مش فاهمين مهانة الرجال قهر الرجال اللي بيقولوا علينا اننا حبة عيال احنا مش حبة عيال احنا شوفنا النيل بينشف في البيوت واما يجري يتفرش حمام سباحة في قصر باشا مستكترين فيا الغضب؟ مانا كنت غرقان في البشاشة كنت راضي ببؤ مية واقول دي هانت كنت ببكي في القصايد كنت بشتم في القصايد تتقطع ايدي اما قولت حبيبتي ماتت للي مش فاهمين نزولنا للشوارع احنا بندور على الحلم اللي ضايع احنا جرينا النفس في عروق عيالنا يكبروا فاهمين حاجات مفهمنهاش اقبل اني اعيش عشان حلم وقضية بس مقبلش عمري يضيع بلاش ماحنا سيبنالكوا البلد منصفتوهاش متلوموش عاللي اتعجن في المعجنة واللي اتظلم واذا كنتوا فاكرينا غنم على رزقكم انا جدي فاق فاكرين زمان حذرتكم مستني ايه من طفل ربوه بالزعاق غير المشاكل والخناق اذا كنتوا فاكرينا غنم على رزقكم انا جدي فاق للي مش فاهمين نزولنا في الشوارع الحكومة نزلتنا في الشوارع عودتنا على الشوارع الحكومة بيتتنا في الشوارع سكرت على نفسها كل البيبان خوفتنا من البيبان فاترمينا كلنا في حضن الشوارع اكتر مكان لقيناه امان اللي خايفين ع البلد احسن تموت متخافوش الموت سكوت واحنا مش في الخطة اصلا ان بكرة يكون سكوت احنا شايلين حلمنا ومكملين بكرة بيشاور علينا واحنا مش مستعجلين ماحنا لينا كام سنة متقندلين صابحين في طين نايمين في طين احنا بنأسس بلد تسمع شكاوى المظلومين نشتغل نلقى عرقنا قصاد عينينا مش في جيب النصابين نشتكي نلقى الودان نلقى اللي يسمع شكوة الناس الغلابة الطيبين احنا بنشكل بلد لاهي خايفة من صوت الاذان ولا خايفة ان الكنايس تتبني احنا بنأسس وطني عفيان .. غني مش وطن يخدم 15 نفر ويبات جعان احنا مش عايزين وطن مهزوز مهان المصري مش لايقة عليه كلمة مهان ويقولك احنا عملنا فوضى طب احنا بردو عملنا فوضى؟ داحنا كنا بنتجلد ونعيش ونرضى واحنا كنا بنتسرق ونعيش ونرضى كانت الاسعار بتغلى وانا كنت برضى والشرطة بتفتشني عادي في اي وقت في اي حتة بدون مناسبة وكنت برضى والانتخاب من سن كام لسن كام معرفش ليه وكنت برضى جاي النهاردة تقولي احنا عملنا فوضى؟ طب فوضى فوضى ماسورة الغاز بتقفلها لصعيد بلدك وتل ابيب بتفتحها؟ ماسورة الغاز بتقفلها على ولادك وللأعداء بتفتحها؟ وناس شقيانة طول اليوم عشان لقمة وغالي ياخدها ع الجاهز الهي يا رب يطفحها وناس تسكن قصور بتدور وناس الجوع بيدبحها وناس بتموت في الميادين فدى الثورة وناس خايفة على مشاعره لنجرحها احنا هنكمل وهنزق البيبان يارب انت المستعان واللي بيقولوا علينا مغيبين ومسطحين ومعفنين ومنتنين وبوابين ومأجورين قولوا براحتكوا احنا بردو مؤدبين ومسالمين بس احنا بردو مكملين |
رد: ماهترات .. خطابات .. اناشيد .. ليها معني .. ملهاش معني .. المهم .. سبونا فحالنا .
منصورة يا مصر .. مش بجميلة العسكر http://www.youtube.com/watch?v=C67aq6jqgjA منصورة يا مصر مش بجميلة العسكر إحنا اللى روَّحنا بدرى بس مش أكتر قول للى روَّح عشان يرتاح فما ارتاحشى الراحة كلِّ ما تستعجلها تِتْأخَّر واللى ها ينزل ها يُحكُم لو ما روَّحشى قصر الرياسة بْبلاش، بسِّ انتَ مستخسر ●●● قصر الرياسة ما فيش بينك وبينه كتير فيه سلك شائك وكيس رملة وكُشْكِ غفير لو جيت لوحدك، ها يضرب، والرقاب ها تطير وان رحت مليون، ها يهرب، وانتَ تبقى أمير رئيسنا واحد شهيد، يحكُم من التحرير قصر الرياسة الجديد بِصينِيَّة ومدوَّر ●●● منصورة يا مصر بجميلة خيام الخيش بيحرقوها عشان تمشى ولا تمشيش يا مصر عُمْرِ ما فيه ثورة تقوم بِشْوِيش المُلك ده اللى ادِّتيه للعسكرى بقشيش حقّ العيال اللى ماتوا فى طابور العيش وبنت عَرّوها فى الشارع وشيخ أزهر ●●● يا حاجّة ياللى بتقرى الكفّ والفناجيل إقرى وشوش البشر، ع النصر تلقى دليل ده حقنا ف مصر مش ها نسيبه للتساهيل وان قلتى نصبر يومين، يبقى ها نصبر جيل أجلنا قبل كدة فادنا بإيه التأجيل رَمْيِ الجُثَثْ فى الزبالة فى الضُّحَى الأحمر ●●● منصورة يا مصر بجميلة ولاد وبنات بجميلة اللى انحبس بجميلة اللى مات بجميلة التريَقَة والضحك فى الأَزَمات ودم فوق الرصيف ناقش سُوَر وآيات يا مصر ياللى انتصرتى فْ جُمعِتين وِتَلات نفس العَدُو هُوَّه هُوَّه بَسِّ متنكَّر ●●● الصبح طالع لِقِى دبابة فوق راسُه مربَّعة فوق دماغُه وكاتمة أنفاسُه والشرق مقفول وخِتْمِ النِّسر ترباسُه قام خبَّا شمسُه ووزَّعها على ناسُه على العيال اللى ماتوا غدر وانداسوا بقى شرق فى كل جسم، وشمس بتنوَّر ●●● الشعب واقف وصدره للرصاص عريان والدولة خايفة ولافَّة نفسها ف جدران وزى ما الحاوى ممكن يلدغُه التعبان شوفوا حيطان السجون بتلفّ ع السجان والفالح اللى بيتهوَّر على النسوان ما شفناهوش ع الحدود يا ناس بيتهوَّر ●●● كان للفراعنة إله قرد وإله تمساح وللإله كهنة وعسكر يقف بسلاح وخزنة متقفِّلة بالضبة والمفتاح وقصر يشبه قصور الجمهورية براح يا عينى ع الآلهة بقوا فرجة للسياح ياللى بنسر وسيفين فرحان ومتكبَّر ●●● الشمس تُدعى الغزالة فى اللغة فاعلم وبالغزالة المضيئة فى السما باحلم غزالة ممكن تبيِّن طبعها الوحشي ما تغرّكمش الأسامى ورقِّة المبسم دى شمس واللى يِقَيِّدها ما يفلحشي ومصر حالفة، ها تتحرر، هاتتحرر |
رد: ماهترات .. خطابات .. اناشيد .. ليها معني .. ملهاش معني .. المهم .. سبونا فحالنا .
|
رد: ماهترات .. خطابات .. اناشيد .. ليها معني .. ملهاش معني .. المهم .. سبونا فحالنا .
|
| الساعة الآن 01:33 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017