رد: اى مساعدة فى الرينو 9 انا جاهز
 

الشكر لله ياباشا قطع الغيار اسعارة متوسطة لا هى عالية ولا رخيصة اوى مثلا طقم الدبرياج كامل ( ديسك و اسطوانة و بلية ) الفرنساوى 470 و التركى 320 و الفانوس الامامى مثلا استيراد 150 و جديد 110 تقريبا و العربية ماشاء الله ثابتة بشرط طبعا انها تكون متظبته و انها متبقاش متعلية م ورا زيادة زى اى شروط ثبات لأى عربية عيوبها كسيارة انك لو ساكن فى حته بعيد عن اماكن قطع غيارها هاتلف شوية بس مش كتير و لو هاتجيبها تكشف على العفشة السمكرة ل تكون حادثة ولا حاجة لا قدر الله اما بالنسبة للسعر فأعفينى من السؤال ده لأن انا نفسى ببيع عربيتى بدون الترويج ليها و على فكرة الحالات الممتازة كتير جدا ولو جبتها ان شاء الله تعالى نعاينها ياسيدى و ان شاء الل خير ولو عاوزنى معاك انا تحت آمرك و بالمناسبة مش معنى ان بعض السيارات منتشرة زى 128 و 127 ان العربية دى بخسة بالعكس دى عربية جميلة ...... و الشكر لله

رد: اى مساعدة فى الرينو 9 انا جاهز
 

صباح الفل يا باشا
انا هطلب منك طلب رخم شوية اتمنى بس مكنش تقيل ممكن تقولى على محلات بيع قطع غيارها لان فية حاجة صغيرة اوى فى التابلوة ناقصة عندى و مش لاقيها كنت دورت من تلات شهور مش لاقيها عند اى واحد بتاع رينو و عايز اعرف لو عايز اظبطها هضرف عليها كام انا عربيتى حالتها حلوة مثلا عايز اركبلها جنط بتاع حبة دلع شباب كدة شوية مين نضيف يعملى الكلام دة على نضافة و تكلف كام و السمكرة و الدهان الفرن بتاعها يكلف كام و هل ممكن تقولى هيا بتاعتك بتستحمل السفر ولا لا انا خايف اسافر بيها اصلها لسة جديدة عليا يعنى و اخر سرعتها كام انا عربيتى 9 موديل 87 1400CC GTC و انا عداد السرعة عندى مش شغال لان اظاهر التابلوة متركب فية حاجة غلط تعرفلها حل دية حضرتك او دلنى على اللى يصلحها و يبقى عندة حاجة رينو شخص ثقة او واحد لية سمعة انا حاسس انا حاسس انى اكتر واحد تقلت عليك اسف والله

رد: اى مساعدة فى الرينو 9 انا جاهز
 

انا اسف على التأخير فى الرد اولا الحمدلله و الشكر لله بالنسبة لى عربيتى بتسافر و كويسة جدا الحمدلله .... تانيا شوف انتا عاوز ايه فى التابلوه و قوللى الاول يمكن تبقى عندى .... حكاية عداد السرعة دى سهله جدا بس ممكن تكون البيبة مش راكبة فى العداد شوف انتا فاضى اكتى و نظبط مواعيدنا و ننزل نظبطها

رد: اى مساعدة فى الرينو 9 انا جاهز
 

بص يا باشا حضرتك تمام اوى انا بسأل عن فبرة الاطمة اسمها باين او اسمها اطمة الدريكسيون اة فبرة الدركسيون على ما اعتقد متلخبط بس فى اسمها بس هيا اسمها كدة يعنى اطمة الدركسيون او فبرة الاطمة
هو حضرتك عندك محل ولا حضرتك اية بزبط ؟؟؟؟؟
و الف شكر انا تاعبك معايا جامد انا عايز اشد العربية دية شدة شبابى و عايز اعرف تكلم كام !!!!!

رد: اى مساعدة فى الرينو 9 انا جاهز
 

بص ياباشا انا عندى قطع غيار كتير بيبعا لو عجبتك مش هانتخلف فى السعر و بالنسبة للتظبيط ماتقلقش انا رديت على عليك على الخاص

رد: اى مساعدة فى الرينو 9 انا جاهز
 

عاوز اعرف هل الميجان مناسبة في مصر؟و ايه سعر قطع غيارها رخيصة ولا معقولة ؟والصيانة؟

رد: اى مساعدة فى الرينو 9 انا جاهز
 

السلام عليكم
هذه أول مشاركة لي بالمنتدي وأرجو أن أكون إضافة له
بصراحة أنا شدني في المنتدى إني لقيت موضوع عن الرينو 9 لأني أملك واحدة ومفيش حد بيتكلم عنها
صحيح أنا مش خبير بالعربيات لكن العربية معايا من 3سنوات
هيا رينو 9 موديل 1984 1400 سي سي مواصفات خليجي
يعني تكييف وهاف باور وسنتر وأمان أطفال أصلي من المصنع
العربية يا جماعة رائعة رائعة رائعة
أنا مش عارف ازاي مش منتشرة في مصر
لو كل الرينو 9 زي بتاعتي يبقى فعلا العربية بجد جامدة
من ناحية الراحة في القيادة مريحة وكأنك بتسوق موديل جديد
دركسيون ناعم ويستجيب لأقل حركة

أما في السرعة حدث ولا حرج
أنا صحيح مبفكرش أجيب أكتر من 120 كم لكن بحي إن العربية نفسها تجري
أمتن طبعا من العربيات الجديدة
مشكلتها الصنايعية اللي بيفهموا فيها مش كتير
أنا عربيتي محتاجه تظبيط في الشكل بس
وكنت عاوز أستفسر عن بعض الحاجات
لكن قلت أدحل أعرف نفسي أولاً