رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

هرب من الشرطة ليلقى مصرعه تحت عجلات النقل الثقيل !

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

بص يا ابو حميد الحل هو انك تجبر اصحاب العربيات النقل يشغلو السواقين بظروف شغل ادمية ويأمنوا عليهم عشان لو حد منهم اتصاب لا قدر الله يقدر يتعالج ويفضل ياخد مرتبه مش يقعد في بيته من غير فلوس
بخصوص ان العربيات بتكون محملة طوب وظلط ازيد من حمولتها ومش متغطية ، اعتقد ده خطأ صاحب العربية اللي بيكون عايز يكسب زيادة فده اللي نحاسبه السواق مش ذنبه ان العربية محملة ازيد من حمولتها
وفي مشكلة كمان العربية اللي بتجر مقتورتين ديه الفروض هتتلغي بعد سنة تقريبا كانت هتتلغي زمان بس اصحاب السيارات النقل ضغطوا وطلبوا انها تستمر فترة والعربيات ديه التحكم في الديل بتاعها بيكون صعب جدا جدا واتلغت من كل العالم ، فاعتقد ده مش ذنب السواق ده ذنب الدولة وملاك العربيات
انا عارف انك عايز الأأمن ليك علي طريق ، ممكن حضرتك لما تشوف عربية لوري تهدي سرعتك وتعدي بحذر انت تحكمك في عربيتك اسهل من عنده
اكيد فيه بعضهم بيمشي شمال واحيانا في نص الطريق بس ده بيكون عشان فيه حد مثلا ماشي علي اليمين بسرعة اقل منه فعشان يهدي ويعديه ويرجع تاني يسرع ويمشي علي اليمين الموضوع صعب ومش بالبساطة اللي انت متخيلها ، وعايز اقولك حاجة لمستها في الفئة ديه من السواقين بيكون انهم بيكونوا خايفين علي سواقين الملاكي والعربيات اللي بتعدي جنبهم فوق ما تتخيل واعتقد فيه ناس كتير بتشوف عربية ملاكي عطلانة وسواق نقل نازل يساعده انا عن نفسي بشوف المنظر ده كتير جدا علي الطريق الدولي ولما بيكون فيه شبورة بمشي ورا النقل عشان هو بيكون كاشف الطريق عني ، وسعات بهزر معاهم علي الطريق لما بيكون الطريق فاضي وكان فيه سواق بشد جنبه وازنق عليه وهو اسيبه يعديني ويزنق عليا بس هو بيزنق بالعقل المهم وقفت في رست علي الطريق و هو نزل هوو التباع وقاعدنا نتكلم مع بعض كان حوالي 60 سنة بيقولي انه علي الطريق بقاله 24 ساعة ومن غير نوم
فأنا شايف ان احنا نلمسلهم العذر وندعيلهم ربنا يعنهم
بخصوص ان بعضهم بيشرب مخدرات انا قلت انا مش مع ان الانسان يشرب مخدر تحت اي تبرير ، بس انا مع ذلك بلمسلهم العذر هما بيشربوا من الشغل الصعب اللي مفيش انسان يقدر يستحمله مهما كانت درجة تحمله فربنا يعنهم ويغفر لهم اي فئة من المجتمع فيها الكويس وفيها الوحش واظن في عيال فرافير كتير بيشربوا طيب دول تعمل فيهم ايه، حضرتك انا بقول وفرله ظروف مناسبة وبعدين اشنق اللي يفكر يشرب مخدرات

ومعلش طولت عليك يا ابو حميد و عايزك تبقي فاهم حاجة انا فاهم وجهة نظرك بس انا ببص للموضوع من زاوية تانية
وتحياتي ليك:CONGRA~238:

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

حبيبي يا أبو الشوق والله
موضوع ان هما يمشوا يمين او شمال ده مش المقصد
(مهو طبعا بعدي عكسه وخلص الموضوع اخوك بيعدي 150 ألف كيلو فى السنه سواقه والحمد لله مفيش حاره فى جمهوريه مصر الغربيه الا ودخلتها بحكم شغلي فى شبكات المحمول من 2004 وأحلي لعب وهزار علي الطريق مع سواقين النقل ونفضل نلاغي فى بعض 500 كيلو سواقه بالنور والأشارات)
بنتكلم علي سلوكيات ملاحظه لم يعتادها الشارع المصري من بعض السائقين طبعا بيتعبوا وبيتمرمطو من البوليس ده غير ألي متعرفهوش انهم بيدفعو اتاوه فى كل نقطه مرور
حتى لو الحموله زياده أو صاحب العمل جشع ده مش مبرر ان انه ميغطيش الحموله او انه يمشى بالعرض ويقفلو الطريق جنب بعض

والله يا جماعه الموضوع معقد (دلوقتى الأراء ديه ألي جتلنا) حد يضيف؟

- سواقين نقل جداد (عيال مستهتره)
- سواقين نقل محترفيين (بيضرب بيهم المثل فى الأخلاق وأدب الطريق والألتزام)
- اصحاب سيارات النقل (ما بين الجشع والضغوط)
- شرطه (تعامل وحشى مع السائقين يتحول الي لا مبالاه وخوف)
- حكومه بتزود الضرايب علي رخص قياده النقل وعلي ترخيص النقل (ضرايب فلكيه)
- كساد الحركه التجاريه (ت}ثر علي الدخل)
- وزاره تهدد بألغاء النقل أو علي الأقل تقليله (خراب بيوت لناس كتير)

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

انت كده جيبت من الاخر يا بووووووووب ومفيش كلام تاني اقوله:clapW15::CONGRA~238 ::CONGRA~238::CONGRA~238:

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

اولاً: هذه سلوكيات وثقافة .
ثانياً:عدم احترام القوانين والكلام هنا عن قانون المرور سببه عدم وجود القدوة فاذا كان رجل القانون المنوط به تنفيذ القانون واحترامه هو اول شخص لايحترم القانون فتجد ضابط الشرطة او احد اعضاء النيابة او القضاة يقودون سيراتهم بودن وضع الحزام والذجاج متفيم وحاول ان تقرأ النمرة الخاصة بهم وأبقى قابلنى لو عرفت تقرأها لأنها نمر لاتمت للنمر المصرح بها طبقاً للقانون بصلة للأسف بيعملوها متعمدين علشان يثبتوا شخصيتهم كما إنهم لايلتزمون بلسرعة المقررة .
إذن بعد كل هذه المهاترات وهذا التسيب وعدم احترام مشاعر الناس وارسال رسائل فى كل وقت وحين بأن هناك من هم فى هذه المصرفوق اقانون يبقى رد الفعل من الشخص العادى اما ان يكون سلبى بعدم الأصرار على تقديم الشكاوى ضد هؤلاء الفوقيين اللذين لازمة لهم ولادين او ان من فرط الأستفزاز تصبح انت كمان مثلهم مهو مفيش حد احسن من احد والموضوع ده مظهرش إلا فى عصر السادات والأخ حسنى (عصور الأضمحلال الأخلاقى فى ظل الحكم البوليسى )وسلملى على الحكم الشمولى,وحاول تنسى:12EA7A~153::CONGRA~2 38:

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

انا سمعت ان فيه خناقة فى الموضوع هنا ومطلوب غلقة بس شايف الموضوع فيه مشاركات قيمة ومشاركين افاضل فقط اتمنى ان نبتعد عن التعميم التزاما بالموضوعية مع التأكيد ان الحوار بالاجمال هدفه الصالح العام

تحياتى للجميع وشكر خاص لاستاذ احمد فليفل صاحب الطرح والشكر موصول لكل المشاركين وان شاء الله لى عودة بمشاركة فى صلب الموضوع :fun_36_3_9[1]:

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

ههههههههههههههههههههههههه هههههههه
والله انت زي العسل

بس فعلا في ناس تحس انهم اخدين الدنيا عافيه
ولسه من فتره اخد بوسه في الرفرف اللي ورا شمال من نقل كان بياخد ملف ومعوش تباع وطبعا البيه مش حيشوفني انا شايفه في المرايه وايدي عالكلاكس ولزقت في اللي قدامي عشان ابعد اخر حاجه عنه ومعتقنيش
انا سيبت العربيه والدنيا كلها ومسكت فيه عشان بس معوش تباع وماشي بالعربيه كده واكنها ملاكي
وفي الاخر يقولي انا ماشي ورا العربيه قولتله هو انت راكب موتوسيكل وحرق دمي بطريقه مقرفه
بس حنعمل ايه
اهو قدرنا